Eksodas 15:26 - Buka Blahi Ka Cheke Holo

²⁶ Aonu God ne cheke eghu ranghidi naiknore, “Iara nomi Lord God ghotilo, iara neke famafodi khabrumi ghotilo ra. Jame te leghu ghau iara ghotilo te edi glepo te keli ka gaoghathogu iara re, nei leghudi nogu vetula iara re teuna, iara na theome tusu ari ka ghotilo nafnata khabru teke edi iara ranghidi mae Ijep ra teke au papara mare ra.”

Eksodas 15:26 ပူးပေါင်းရင်းမြစ်များ

Nodi Khoje Hatimare Mae Jiu 103:3

Mana hata kokodi nakhibogu iara re, eghuteuna fagaota fapulodi khabrugu iara re.

Diutronomi 7:15

Eghuteuna Lord ginauna bara fothi ghami ka thua fogra fateote'o. Mana ginauna na theome snakre ghami ghotilo mala thoke ghami thua nafnata fogra te thono diꞌa fara te lasedi ghotilo Ijep ra. Nu mana ginauna snakre lao fogra igre ka nomi naoka ghotilore.

Eksodas 23:25

Jame te pogho soru kolho ghotilo ka iara nomi Lord God na, iara ginau na keli tagu ka ghotilo na tusu ari ghemi gano nei khoꞌu eghu, eghuteuna iara ginau na jaola bara fothi ghami ghotilo ka fogra biꞌo.

Nodi Khoje Hatimare Mae Jiu 147:3

Iheire teke au diꞌanagnafa ra kela glealeꞌa fapulo, eghuteuna iheire teke kabru ra kela gaota fapulo.

Profet Jeremaea 33:6

“Nu neuba, ke leghu na, iara ginauna eni namono igne mala ke keli fapulo. Iara ginauna toghodi nogna naikno mana re mala ke rheta fapulo, nei au fakeli ka pharikeli.

Profet Hosia 6:1

Naiknore na cheke eghu, “Tahati nake figri ka Lord. Eigna mana ne snakre mei ka tahati fogra biꞌo igne mala thoke ghita tahati, nu mana tangomana te fagnafani fogra ka tahati. Mana kolho teke nhaꞌa mei thubu igne, nu mana tangomana na teke fakeli ghita tahati na.

Levitikas 26:13

Ulu lahu na ghotilo neke loku jateula naikno sneka neku Ijep, nu iara nomi Lord God ghotilo neke hata fajifla ghami ka vido tuana. Eghuteuna iara kukusu chen teke edi mare teke hata ghami ghotilo mala thofno snagla ghotilo.”

Thoutonu Eigna Mae Job 5:18

Eigna God tangomana te nhaꞌa lao thubu ka naikno na, nu mana jaola nhaꞌa lao meresin tagna. God tangomana te eni naikno na mala ghoreho, nu mana tangomana te eni te mala ke keli fapulo naikno na.

Diutronomi 28:60

Fogra te diꞌa teke filodi ghotilo Ijep teke mhaghu nomidi fara ghotilo tifa ra, ginauna nake thoke ghami ghotilo, eghuteuna fogra igre ginauna theome tangomana nate ari te gnafa na.

Diutronomi 12:28

Fiofilo ghami te mala leghudi vetula te chekedi koba iara ka ghotilo ra. Jame te leghudi ghotilore, ghotilo thofno eni unha te doglo ka tathagna Lord na, eghume mana ginauna edi gobigna lepore thofno keli fara ka nakarhami ghotilore nei ka nakarhadi thumi ghotilore eghu tifa tifa.”

Ululahu Kings 11:33

Iara ginauna eni igne, naugna mae Solomon baludi naiknodi Israel igre ne tei koko ghau iara, nei mare pogho soru ka god Astarot nodi god gaꞌase naiknodi Saedon, eghuteuna Kemos nodi god naiknodi Moab, eghuteuna Molek nodi god naiknodi Amon. Mare theome leghuni puhigu iara na. Eghuteuna mare theome eni unha te doglo ka tathagu iara na, mare theome leghudi nogu vetula nei nogu cheke teu iara re jateula King Devet kmagna mae Solomon teke edi tifa ra eghu.

Profet Isaia 57:18

Iara filodihi puhimi ghotilo te diꞌa tuare, nu neuba, iara ginauna nake fakeli fapulo ghami ghotilo. Iara ginauna na baubatu ghami nei togho ghami eghu ghotilo. Iara ginauna farerheta nagnafami ghotilore, eghuteuna ghotilo iheire te diꞌanagnafa nei tanhi teura ginauna eha nei kilo fnakno ghau iara.

Fapea Kings 20:5

Lord ne cheke ranghini profet mala tei ka king mala cheke eghu ka mana, “King Hesekaea, Lord nogna God mae kuꞌemu King Devet na ne cheke eghu: Iara la nomhinihi nou tharai iagho ia, eghuteuna iara filoni te tanhi nei diꞌanagnafa teu iagho ia. Iara ginauna nake fakeli fapulo nigho, eghuteuna ka fatilo narane ke leghugna gognarogne iagho tangomana te tei ka Sugablahi na.

Diutronomi 28:27

Lord ginauna para ghami ghotilo ka nhuge jateula naiknodi Ijep tifa ra eghu. Thinimi ghotilore ginauna thafru ka thubu te fodu ka glotho. Eghuteuna thinimi ghotilore ginauna gharo fabrahu, nu theo kaisei meresin te au teu te mala teke keli fapulo ghotilo na.

Profet Esikiel 18:5

“Kulu ghathoni kaisei mae te keli. Mae ihei te tangomana te edi unha glepo te doglo nei leghuni kolho vetula na.

Profet Jeremaea 8:22

Kmana meresin au ka nohi Gilead, eghuteuna mae dokta aula jare. Eghume, naugna unha si nogu naikno iara igre te theome keli grea?

Fapea Kings 22:2

Mae Josia neke eni unha te doglo ka tathagna Lord na, eghuteuna mana neke leghuni fabrahu puhigna King Devet, mae kuꞌegna tifa ia, eghuteuna mana neke theome figri lao fei nheta ba fei maeri, nu mana neke eni kolho unha te doglo na.

Levitikas 26:3

“Jame te leghudi ghotilo nogu vetula nei faꞌuvedi nogu cheke iara re teuna,

Ululahu Kings 11:38

Jame te thofno leghu fakelidi iagho gobigna lepo te chekedi iara igre na, iagho ginauna na jaola edi gobigna lepo te doglo ka tathagu iara na, eghuteuna jame te leghudi iagho nogu vetula nei nogu cheke teu iara igre jateula teke edi King Devet tifa ra teuna, iara ginauna au fabrahu balumu iagho. Eghuteuna iara ginauna vahidi keha mae ka vikemu iagho gne mala king gna Israel fabrahu jateula teke eni iara ka King Devet tifa ia eghu.

Diutronomi 28:58

“Nanghagna Lord nomi God ghotilo na thono haghe fara, eghuteuna ghotilo mala ghatho tahuni mana. Eghume jame te theome ghatho tahuni nei theome leghudi teu ghotilo nogna cheke mana tela riorisohi iara ka Buka gna vetula na igre,

Eksodas 12:29

Fari hotei bongiro Lord ne falelehe ne gnafa thudi nalhaꞌu hatimare mae Ijep teke kulu karha re. Funu ka thugna nalhaꞌu mae king na ghilei tei posa ka thudi mae te au ka suga sosolo re. Mana ne jaola ne falelehe sua nalhaꞌudi u buluka ba unha te oho naiknodi Ijep re.

Eksodas 19:5

Jame te leghu ghau iara ghotilo na, eghuteuna tajini ghotilo nhaꞌa cheke teke eni iara balumi ghotilo ia teuna, ghotilo mala thofno nogu naikno iara salaꞌudi keha naikno te gnafa ka nauthoglu igne. Neuba nauthoglu igne ne nogu iara gognarona,

Eksodas 19:6

iara ginauna fablahi ghami ghotilo mala nogu naikno gloku iara mala loku jateula nogu mae pris eghu iara.’ Igre nogu cheke iara te mala toutonudi iagho ka naiknodi Israel.”

Eksodas 20:2

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Diutronomi 12:25

Eghuteuna kate theome koꞌu ghotilo kaisei dadara na, ghotilo thofno leghuni unha te doglo ka tathagna Lord, aonu mana ginauna edi gobigna lepo igre thofno keli fara ka nakarhami ghotilore nei ka nakarhadi thumi ghotilore eghu.

Diutronomi 32:39

“ ‘Filo si ghotilo. Iara kolho God te tutuani na! Jare na theo kaisei god te au na! Iara tangomana te faleheni naikno na, nei tangomana te fakarhini naikno na. Iara tangomana te faghorehoni naikno na, nei tangomana teke fakeli fapuloni naikno na. Theo kaisei naikno tangomana te fanograni unha te eni iara na.

Fapea Kings 2:21

Eghuteuna mana tei ka glokha na ne tofa lao solt igne ka khoꞌu na. Aonu mana ne cheke eghu ka mare, “Lord na ne cheke eghu, ‘Iara Lord, iara eni khoꞌu igne mala ke keli fapulo. Eghuteuna ginauna na theo kaisei naikno nate lehe ka khoꞌu igne na, eghuteuna theo kaisei gano nate lehe ka glose igne na.’ ”

Profet Jeremaea 7:23

Nu iara neke cheke faheta eghu ka mare, ‘Jame fanomho fakeli ghotilo ka iara, nei leghu fakelidi ghotilo gobigna lepo te chekedi iara igre meuna, iara ginauna nomi God ghotilo eghuteuna ghotilo nogu naikno iara. Eghuteuna iara ginauna tusu ari nakarha te keli ka ghotilo.

Profet Jeremaea 11:7

Funu ka narane teke atha fajifladi iara ka kantri Ijep kuꞌemi ghotilo ra te ghilei mei posa ka narane gognaro igne, iara chekeni koba igne ka mare, ‘Leghu ghau iara.’

Profet Jeremaea 17:24

Tutuani fara te chekeni iara ka ghotilo na, iara magnahaghei ghami ghotilo te mala leghuni nogu cheke iara re. Iara magnahaghei ghami ghotilo te mala tajini narane Sabat te blahi igne, eghuteuna ghotilo thosei pala mei kaisei glepo te tahu lamna namono biꞌo ka narane igne. Jame te tajini ghotilo narane Sabat igne, eghuteuna theome eni ghotilo kaisei gloku ka narane igne teuna,

Profet Jeremaea 30:17

Nu iara Lord ginauna nake fakeli fapulo ghami ghotilo, eghuteuna thua fogrami nei thubumi teu ghotilore ginauna nake keli fapulo. Iara eni igne, naugna te chekeni mare na iara ngolho fajifla ghami ghotilo, eghuteuna theo kaisei naikno te ghatho tahudi Juda ghe Israel.” Igne cheke gna Lord.

Naba 12:13

Aonu Moses ne tanhi tei ka Lord ne cheke eghu, “God, iara tore nigho iagho mala ke fakeli fapulo khabru igne ka naꞌa!”

Diutronomi 5:1

Aonu mae Moses ne kafe kilo fodu meidi naiknodi Israel ne cheke eghu: “Fanomho fakeli ka cheke nei vetula eghu nate chekedi iara ka ghotilo gognaro igre. Ghotilo mala ghathodi nei leghudi eghu fabrahu!

Nodi Khoje Hatimare Mae Jiu 81:9

Ghotilo thosei atha mei kaisei god aheva nga, nei thosei pogho soru ka keha god delei.

Profet Isaia 55:3

Ghotilo mei ka iara! Ghotilo fanomho mei! Jame te mei ghotilo na, iara ginauna eni kaisei nhaꞌa cheke balumi ghotilo, eghuteuna nhaꞌa cheke igne ginauna au fabrahu tifa tifa. Iara ginauna ghatho tahu ghami ghotilo fabrahu jateula teke ghatho tahuni iara King Devet tifa ia eghu.

Profet Hosia 11:3

Iara farirhiudi jateula mae te farirhiuni thugna na te mala nonolo ra eghu. Nu neuba iara ne reireghidi, mare theome filo glani ghau iara.