Eksodas 15:25 - Buka Blahi Ka Cheke Holo

²⁵ Aonu mae Moses ne tarai heta ka Lord ne cheke eghu, “Lord, togho ghau iara!” Lord ne falalase ka mae Moses kaisei phugra gaju ikoi. Mae Moses ne atha haghe phugra gaju ikoi tuana ne koko lao ka khoꞌu te raha na. Eghuteuna khoꞌu na neke keli neke naba mala teke koꞌu na. Ka vido igne God ne tusu ranghidi hatimare mae Israel keha vetula nei fariuriudi mare jare mala laseni glahula me leghuni Mana gu theo ghu teu naiknore.

Eksodas 15:25 ပူးပေါင်းရင်းမြစ်များ

Diutronomi 8:2

Leuleghu fata na ghotilo mala ke ghathoni Lord nomi God mae ihei teke batu ghami ke lamna namono nagou nabagna phiatutu finogha. Mana neke fariuriu ghami ghotilo kate thokedi narane te ninhigrana mala laseni na tangomana ghotilo te leghudi nogna vetula mana re ba theo.

Nodi Khoje Hatimare Mae Jiu 66:10

God, iagho neke fariuriudihi nakarhami ghehati gre mala gae jateula mae te gahu silva te mala khoko thonagna na ia eghu.

Jajis 3:1

Lord ne snakredi keha naiknodi Kenan mala au ka glose igne. Mana eni igne mala fariuriudi naiknodi Israel mae iheire teke theome tei baludi kmadi ka magra Kenan tifa ra.

Jajis 3:4

Naikno igre neke au fapulo naugna Lord neke fariuriudi nogna naiknore. Mana magnahaghei te lasedi glahula leghudi cheke teke tusu lao mana ka Moses teke cheke mana kuꞌedi mare tifa teke mei ra, ba theo.

Jajis 2:22

Iara ginauna hata vikegna Kenan igne mala farirhiudi naiknodi Israel igre mala laseni ihei gne te leghudi puhigu iara te keli jateula teke edi kuꞌeda tifa ra.”

Diutronomi 8:16

Eghuteuna mana neke tusu mei ka ghotilo ‘manna’ igne mala ghamu boho ghotilo. Nu gano igne, ghotilo baludi kuꞌemi ghotilo tifara neke theome laseni gano igne. Lord neke eni igne mala thoke ghami ghotilo narane te ninhigrana mala fariuriu ghami ghotilo, nei mala gaoghathomi ghotilo na, eghuteuna ke leghu na Lord neke fablahi ghami ghotilo ka kmana nafnata glepo te keli.

Eksodas 16:4

Aonu Lord ne cheke eghu ka mae Moses, “Iara ginau na tusu mei gano gna kligna na mala soru mei jateula nakhete eghu ka ghotilo. Leuleghu narane na naiknore mala jifla atha gano malagna narane tuana. Ka puhi igne iara ginau na fariu riudi naikno gre mala laseni te leghudi ghu theo ghu teu nogu cheke iara re.

Fapea Kings 2:21

Eghuteuna mana tei ka glokha na ne tofa lao solt igne ka khoꞌu na. Aonu mana ne cheke eghu ka mare, “Lord na ne cheke eghu, ‘Iara Lord, iara eni khoꞌu igne mala ke keli fapulo. Eghuteuna ginauna na theo kaisei naikno nate lehe ka khoꞌu igne na, eghuteuna theo kaisei gano nate lehe ka glose igne na.’ ”

Ululahu Korin 1:18

Thoutonu eigna glehegna Kraes ka gaju fafatha na igne theo gaoghathogna ka iheire te leghuni nabrou te mala lehe tifa te tifa. Nu tahati te karha ka God na, u thoutonu igne nogna nolaghi God mala fakarha ghita.

Profet Jeremaea 9:7

Eghume, igne unha te chekeni Lord mae ihei te au nolaghi fateote'o na, “Iara ginauna koko thonadi nogu naiknore, jateula mae ihei te gahu ka khaꞌaghi te mala koko thonagna silva ia eghu. Iara eni igne, naugna mare ne tapla jafra ka nakhibo.

Proveb 17:3

Naikno na tangomana te fariuriudi gol ghe silva ka khaꞌaghi. Nu Lord na tangomana te fariuriuni thiꞌagna naikno na.

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Fapea Kings 4:41

Aonu mae Elisa ne cheke eghu ka mae te kuki gre, “Ghotilo hata mei keha flaoa.” Aonu mae Elisa hata flaoa igne ne tofa lao ka susupu na. Eghuteuna mana ne cheke eghu ka nogna mae glokure, “Ghotilo krisu ka tapera susupu ana mala ke ghamu hatimare mae profet ra.” Eghuteuna kate ghamu mare na, susupu igne neke theome raha ka mare.

Eksodas 14:10

Kate filoni hatimare mae Israel mae king gna Ijep na te mei balugna nogna tothoghei soldia na, naiknore ne thono mhaghu nodi fara ne toreni Lord mala toghodi mana.

Nodi Khoje Hatimare Mae Jiu 99:6

Mae Moses ghe mae Eron, phia mare nogna mae pris God, eghuteuna mae Samuel kaisei mae ka mae iheire neke tarai ka God. Hatimare mae igre neke tarai ka God, eghuteuna mana neke cheke tughudi nodi tharai mare re.

Nodi Khoje Hatimare Mae Jiu 81:7

Kani teke thoke mei puhi biꞌo ka ghotilo na, ghotilo kilo mei ghau iara, eghuteuna iara neke fakarhi ghami ghotilo. Uve, iara ngala teke togho ghami ghotilo kani teke mei iara ke lamnagna fila ia. Iara neke fariuriu ghami ghotilo jare ke lamnagna namono nagou na ka glokha khoꞌu Meriba.

Diutronomi 13:3

Nu ghotilo thosei leghuni nogna cheke mae profet tuana. Lord nomi God ghotilo na, mana tangomana te fariuriu ghami ghotilo mala laseni jame ghotilo te thofno namhani mana ka nagnafami fateote'o nei ka gaoghathomi fateote'o.

Eksodas 17:4

Aonu mae Moses ne tarai ne cheke eghu ka Lord, “Lord, na faꞌunhadi sara naikno igrea? Naikno igre magnahaghei te fadi falehe ghau iara ka thina!”

Profet Jeremaea 15:1

Aonu Lord ne cheke eghu ka iara, “Jeremaea, fanomho sagho. Jame neubane mei namo ka iara mae Moses ghe mae Samuel phei nogu mae gloku iara tifa ra, neuba phia mare ne mei tanhi ka iara mala toghodi naiknodi Juda igre neu, iara ginauna na theome kokhonidi naiknodi Juda igre. Kuru tei delei naikno igre! Iara theome magnahaghei te filodi agne na!

Eksodas 20:20

Mae Moses ne cheke eghu, “Thosei mhaghu, God na mei mala fariuriu ghami ghotilo kolho, eghume ghotilo mala ghatho tahuni Mana eghuteuna ghotilo mala thosei eni kaisei nakhibo eghu.”

Fapea Kings 6:6

Mae Elisa ne ghusna eghu, “Neke khoko aheva?” Mae profet igne ne falalase ka mae Elisa vido aheva te khoko na. Aonu mae Elisa ne kato kaisei gaju, ne koko soru ka khoꞌu na. Eghuteuna nhirama igne ne thagra haghe ne phogla.

Profet Esikiel 47:7

Kate thoke iara ka vido igne, iara filodi kmana gaju au ka phei gna khoꞌu igne.

Profet Esikiel 47:8

Mana ne cheke eghu ka iara, “Khoꞌu igne loloro tei ka kantri ke maghati, eghuteuna soru ka sare Khoꞌu biꞌo Jordan, eghuteuna soru ka Thongna Lehe. Eghuteuna kate soru ka Thongna Lehe igne na, Thongna Lehe igne ginauna nake vuhai famane khoꞌu keli fara.