Eksodas 15:22 - Buka Blahi Ka Cheke Holo

²² Ke leghugna igne mae Moses ne baubatudi naiknodi Israel gre funudi ka Thongna Ukru na ne tei thoke ka namono nagou te kiloi Sur. Mare ne tei naba thilo narane ke lamnagna namono nagou na, nu mare ne theome te filoni kaisei khoꞌu na.

Eksodas 15:22 ပူးပေါင်းရင်းမြစ်များ

Jenesis 16:7

Engel nogna Lord na ne thafoni Hega rhegna kaisei glokha ka namono nagou na. U glokha igne rhegna nabrou te mala tei thoke ka namono Sur.

Ululahu Samuel 15:7

Mae Sol tarabana nogna armi na ne tei baludi ne magra ka maedi Amalek igre ne uludi mare. Magra igne ne ghilei tei posa ka nohi ke maghati Havila, nei ka nohi Sua namo ke mosu Ijep.

Jenesis 25:18

Vikegna mae Ismael gre neke theome au baludi vikegna mae Ebraham gre, nu mare au ngala fari hoteidi phei namono Havila ghe Su ke maghati Ijep, ka nabrou te funu Ijep te tei posa Asiria.

Eksodas 3:18

“Mae te mala baubatu ka naiknodi Israel igre ginauna fanomho ka cheke igne, eghuteuna iagho ginauna tei baludi mare mala cheke ka king. Ghotilo mala cheke eghu ka mana, ‘Lord, nomi God ghehati mae Hibru, la meihi ka ghehati, eghuteuna ghehati magnahaghei nigho iagho te snakre ghami te mala tei ka namono nagou nabagna thilo narane mala fafara ka mana.’

Jenesis 20:1

Mae Ebraham jifla ka namono Mamre ne tei au Negev, fari hoteidi phei namono Kedes ghe Sur. Ke leghugna igne mae Ebraham ne hata Sera khetogna na ne tei au ka namono Gerara.

Naba 33:8

Ke leghugna te jifla Pihahirot jare Migdol, mare ne kasa ka Thongna Ukru na ne tei ka namono nagou na. Mare ne nolo nabagna thilo rane, aonu mare mei ne au Mara.

Ululahu Samuel 27:8

Ka narane te au mae Devet ka namono igre, mana neke tei baludi nogna mae soldia re neke magra ka vikegna mae Gesua, ka vikegna mae Giresi, nei ka vikegna mae Amalek. Mare au ka nodi namono mare te funu Telaem igre tei posa Sua nei tei posa Ijep.

Nodi Khoje Hatimare Mae Jiu 77:20

Kani teke batudi iagho mae Moses ghe mae Eron ra, iagho jaola neke batudi nei reireghidi eghu naiknore jateula kaisei mae te batudi nei reireghidi teu nogna sipura neku.

Nodi Khoje Hatimare Mae Jiu 78:52

Ke leghugna igne, mana neke batu fajifladi nogna naiknore Ijep, nei reireghidi ke lamnagna namono nagou na.

Nodi Khoje Hatimare Mae Jiu 78:53

Mare ne sa tirodi mhaghu kolho, naugna mana ne batu fakeli ne tei kolho, nu nodi naokare ne knoho kolho ka thongna.

Nodi Khoje Hatimare Mae Jiu 136:16

Mana batudi neke tei nogna naiknore ke lamna namono nagou na. Mana ne namha ghita tahati tifa tifa.

Eksodas 17:1

Naiknodi Israel gre ne leghuni chekegna Lord na ne jifla Sanai ka namono nagou na. Mare tangomana te jifla ka kaisei namono ke tei ka keha namono na teuna. Leghu lahu na mare mei ne posa ka vido te kiloi Refidim ne au jare. Nu vido igne theo kaisei khoꞌu te mala koꞌu na.