Eksodas 15:2 - Buka Blahi Ka Cheke Holo

² “Iara koje mala fafnaknoni nanghagna Lord, eigna mana ne tusu mei nanheta ka iara. Mana neke atha fapulo ghau iara, eghuteuna iara magnahaghei te pala hagheni nanghagna mana na. Mana na nogu God iara, mae ihei teke pogho soruni mae kuꞌegu iara ra.

Eksodas 15:2 ပူးပေါင်းရင်းမြစ်များ

Profet Isaia 12:2

Tutuani! Lord na nogu God iara, eghuteuna mana neke fakarhi ghau iara. Iara fatutuani ni mana, eghuteuna iara ginauna theome mhaghu. Lord na farheta ghau iara, eghuteuna iara tangomana te koje ka mana na. Eghuteuna gognarona mana fakarhi ghau iara.”

Nodi Khoje Hatimare Mae Jiu 118:14

Lord ne tusu mei nolaghi ka iara mala nheta iara, eghuteuna mana ne fakarhi ghau iara.

Nodi Khoje Hatimare Mae Jiu 18:46

God, iara lase nigho iagho karha te tifa! Iara te cheke fakeli nigho eigna iagho ne reireghi fakeli ghau iara. Iara pala hagheni nanghamu na eigna iagho ne fakarhi ghau iara.

Nodi Khoje Hatimare Mae Jiu 59:17

God, kaisei iagho ngala nogu nanheta iara na. Eghume iara magnahaghei te koje, mala pala hagheni nanghamu iagho na. God, iagho namha ghau iara, eghuteuna iagho nogu thoa maku iara.

Profet Isaia 25:1

Lord, iagho nogu God iara. Iara ginauna cheke fakeli nigho, eghuteuna pala hagheni nanghamu iagho na. Iagho edi koba gobigna lepo te biꞌo re, la jaglo nodi fara naiknore. Naugna iagho neke ghathodi funu tifa te mala edi glepo igre, iagho neke tajini fabrahu nou nhaꞌa cheke na.

Nodi Khoje Hatimare Mae Jiu 140:7

Lord, iagho ngala te fakarhi ghau iara ka nou nolaghi na. Iagho reireghi fakeli ghau iara kate magra na.

Nodi Khoje Hatimare Mae Jiu 99:9

Tahati mala cheke fakelini noda Lord God mae ihei te blahi. Uve, tahati tarai ka mana ka nogna thogele blahi na.

Thakle 15:3

Mare ne kojeni kaisei khoje teke rioriso mae Moses, nogna mae gloku God. Tutuani, mana kilo fnaknoni God naugna God neke toghodi mare ka nogna tothogho mae Lam, ne cheke eghu, “Nomi Lord God, te nolaghi fara, nou gloku iagho re thono biꞌo fara, eghuteuna ghehati ne jaglo nomi fara. Iagho nodi King namono te gnafa ka nauthoglu igne, eghuteuna puhimu iagho re doglo nei tutuani fara eghu.

Filipae 2:11

Eghuteuna mare ginauna kafe cheke eghu, “Mae Jisas Kraes na mae funei.” Eghuteuna mare ginauna kafe cheke fakelini nanghagna God Kmada.

Nodi Khoje Hatimare Mae Jiu 118:28

Lord God, iagho nogu God iara, iara magnahaghei te cheke fakeli nigho. Uve, iagho nogu God iara, iara ginau toutonuni nanghamu iagho na.

Nodi Khoje Hatimare Mae Jiu 99:5

Lord mae ihei te blahi na noda God tahati. Mana gnokro ka nogna sape nafnakno na mala funei fruni. Eghume, tahati mala pogho soru ka mana mala tarai nei cheke fakelini eghu mana.

Nodi Khoje Hatimare Mae Jiu 34:3

Tahati gnafa kafe fafnaknoni nanghagna Lord. Tahati gnafa kafe pala hagheni nanghagna mana!

Diutronomi 10:21

Ghotilo ghatho tahuni Lord! Eigna mana ngala nomi God ghotilo mae ihei teke edi glepo biꞌo te mamhaghuana teke filodi ghotilo ra.

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Mae Khuru 4:12

Mae Jisas ngala te tangomana te mala fakarhi ghita na. Naugna God neke theome kuru meini kaisei nangha delei ka nauthoglu gne te mala fakarhi ghita na.”

Nodi Khoje Hatimare Mae Jiu 145:1

Iara ginauna cheke thakleni nanghamu iagho na, naugna iagho ngala nogu God, nei King teu iara na. Iara ginauna na cheke fakeli nigho koba leuleghu fata.

Fapea Samuel 22:47

“Lord, iagho karha fabrahu tifa tifa! Ghehati cheke fakeli nigho, naugna iagho nomi Thina rheta ghehati! Nafnaknomu iagho na haghe fara! Iagho ngala te fakarhi ghau iara na!

Eksodas 14:13

Nu mae Moses ne cheke eghu ka naiknore, “Thosei mhaghu! Kegra heta eghuteuna ghotilo ginau na filoni Lord nate fakarha ghami ghotilo ka mae Ijep gre gognaro na! Ghotilo filodi mae Ijep are gognaro na, nu ke leghu na ghotilo ginau na nake theome filodi tathadire tifa tifa.

Eksodas 4:22

Ka narane tuana iagho na cheke eghu ka king, ‘Igne unha te chekeni Lord na: Naiknodi Israel igre jateula thugu teke kulu karha ra eghu iara.

Efesus 2:22

Eigna ghotilo kaisei balugna Kraes, ghotilo jaola mala kaisei baludi naikno khiloau aheva te au God mae Tharunga te Blahi.

Profet Isaia 49:6

eghuteuna mana ne cheke eghu ka iara, ‘Iagho ginauna toghodi vikegna Israel te karha teu igre, mala ke rheta fapulo jateula teke ululahu ra eghu. Nu iara au gloku malamu iagho te biꞌo te salaꞌui fara. Iara ginauna vahi nigho iagho mala jateula juta eghu ranghidi keha kantri are, eghuteuna nogu nolaghi iara na te mala fakarhidi naiknore, mala tei posa ka vido te gnafa ka nauthoglu igne.’ ”

Nodi Khoje Hatimare Mae Jiu 109:1

God, iara kilo fnakno nigho koba! Thosei au kmu, filo mei kolho ka iara sagho!

Nodi Khoje Hatimare Mae Jiu 27:1

Lord ngala mae ihei te fakarhi ghau eghu iara. Eghume iara theome mhaghuni naikno na. Lord ngala te reireghi ghau iara na, eghume iara ginauna na theome mhaghuni kaisei glepo.

Eksodas 40:34

Aonu nogna grokho biꞌo Lord na ne mei toku tafruni Suga Tapuale te Blahi te mala mei thafoni God, eghuteuna siasigla gna nogna nolaghi biꞌo Lord na ne fodu ka Suga Tapuale te Blahi igne.

Thakle 19:1

Ke leghudi glepo igre, iara ne nomhidi kmana naikno te au klignare ne eha eghu fabiꞌo, “Tahati cheke fakelini God! Noda God mae ihei teke fakarhi ghita, nanghagna na fnakno fara, nei mana au nolaghi biꞌo!

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Jone 5:23

Mae Mama ne eni igne mala ghatho tahu ghau iara mae Thugna na naikno te gnafare, jateula ngau mare te ghatho tahu nila mae Kmagu iara na. Mae ihei te theome ghatho tahu ghau iara na, naikno tuana theome ghatho tahu nila mae Mama mae ihei teke kuru mei ghau iara na.”

Jone 4:22

Ghotilo naiknomi Samaria gre theome thofno laseni mae ihei te mala tarai lao tagna na. Nu ghehati mae Jiu gre laseni mae ihei te mala tarai lao tagna na. Naugna u nogna puhi God te mala fakarha naikno na mei funu ka ghehati mae Jiu gre kolho.

Luku 2:30

Naugna mae teke vavahi iagho mala fakarhidi naikno te gnafare, gognaro iara la thofno filonihi ka tathagu na.

Luku 1:77

Eghuteuna mala chekedi nogna naikno God re, God ginauna na fakarhidi kate hata fadelei nakhibodire.

Profet Sekaraea 13:9

Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na. Ginauna na jateula mae te gahu silva nei gol ka khaꞌaghi te mala koko thona ra eghu. Aonu mare ginauna tarai mei ka iara, iara ginauna tangomana te nomhidi mare na. Eghuteuna iara ginauna cheke eghu, ‘Naikno igre nogu iara.’ Eghuteuna mare ginauna cheke eghu, ‘Lord na nomi God ghehati.’ ”

Profet Jeremaea 32:38

Ka narane tuana mare mala nogu naikno iara, eghuteuna iara mala nodi God mare.

Profet Jeremaea 31:33

Igne u nhaꞌa cheke majaghani nate eni iara baludi naiknodi Israel. Iara ginauna lilisei nogu vetula na lamna ka thiꞌadire, eghuteuna rioriso soru ka nagnafadire. Iara ginauna nodi God mare, eghuteuna mare ginauna mala nogu naikno iara.

Profet Jeremaea 3:23

Tutuani fara, puhi te tarai tafri ghehati ke kligna thogele igne theome mala togho ghami ghehati. Lord, nomi God, kaisei iagho ngala te nabamu nate fakarha ghami ghehati maemi Israel.

Profet Isaia 66:1

Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?

Profet Isaia 45:17

Nu iagho ginauna fakarhi ghami ghehati fabrahu, eghuteuna ghehati ginauna na theome mamaja.

Nodi Khoje Hatimare Mae Jiu 68:20

Noda God tahati igne ngala te tangomana te mala fakarhidi naiknore. Noda Lord God tahati igne ngala te tangomana te mala fakarhi ghita kau lehe ka magra na.

Nodi Khoje Hatimare Mae Jiu 30:1

Lord, iara ginauna cheke fakeli nigho eigna iagho neke hata fapulo ghauhi iara ka glehe. Naugna iagho ne theome snakredi nogu naoka iara gre mala gleale'ani glehegu iara na.

Nodi Khoje Hatimare Mae Jiu 28:8

Lord ngala mae ihei te reireghidi nogna naiknore, eghuteuna mare karha kolho ka mana. Mana neke vavahi ghau iara mala king, mala funei frunidi iara nogna naikno mana re. Iara tei poru koba ka mana, eghuteuna mana fakarhi ghau iara.

Nodi Khoje Hatimare Mae Jiu 22:3

Nu neuba, iagho God te blahi, iagho king gna Israel te gnokro teu kau sape nafnakno, ghehati cheke fakeli nigho.

Ululahu Kings 8:27

“Lord! Iagho tangomana te mei au ka nauthoglu igne na? Neuba maloa kligna igne ne krepa fara, nu maloa kligna igne theome naba te mala au iagho tagna na. Sugablahi igne ikoi fara theome naba te mala au iagho tagna na.

Ululahu Kings 8:13

Nu gognarona iara la enihi nou famane Sugablahi iagho na, kaisei vido te mala au fabrahu iagho tagna.”

Fapea Samuel 22:51

“Mae teke vavahi Lord te mala king na, leuleghu fata na, mana togho ghau iara mala uludi mae naoka re. Mana neke vahi ghau iara mala king, eghuteuna mana ghatho tahu ghau fabrahu. Eghuteuna iagho ginauna eni fabrahu igne ka iheire nate karha mei ka vikegu iara gne.”

Fapea Samuel 7:5

“Iagho tei cheke eghu ka mae Devet, nogu mae gloku iara ia, ‘Theome iagho mae ihei te mala horo nogu suga iara na.

Jenesis 17:7

Iara ginauna na farerheta nogu nhaꞌa cheke na ka iagho nei ka thumu iagho nate mei ke leghumu iagho re eghu fabrahu tifa e tifa. Iara ginauna mala nou God iagho nei jaola mala nodi God thumu iagho re eghu.

Kolose 2:9

Naugna ghotilo laseni, mae Kraes na neke vuhai naikno jateula tahati neku, eghuteuna God nei gaoghathogna fateo te au ka mae Kraes.

Jenesis 49:18

Aonu mae Jekop ne cheke eghu ka God, “Lord, iara ofo nigho mala mei fakarha ghau ka khamedi iheire te magnahaghei fakokhoana ghau iara igre.

Jajis 5:21

Nabritha biꞌo ka khoꞌu biꞌo Kison igne goigonidi nogna soldia Sisera igre. Uve, nabritha igne toku tafrudi mare. Leuleghu fata na, iara ginauna au rheta kate tei iara ka magra na!

Profet Habaku 3:13

Iagho eni igne mala fakarhidi nou naiknore balugna nodi king, mae ihei teke vavahi iagho igne. Iagho neke tapla sorudi nodi lida naikno te diꞌa igre mala theome tangomana mare teke kegra haghe na.

Eksodas 6:7

Ka puhi igne, iara ginauna hata ghami ghotilo mala jateula nogu naikno eghu iara, eghuteuna iara nomi God ghotilo. Eghuteuna ghotilo ginauna laseni te iara Lord, nomi God ghotilo, eigna iara ginauna fakarhi ghami ghotilo ka gloku biꞌo naiknodi Ijep te huhuru ghami mala edi ghotilo teu are.

Fapea Samuel 7:24

Lord, iagho neke fakarhidi naiknodi Israel ra mala nou naikno themu fabrahu, iagho Lord God, nodi God mare.

Fapea Samuel 22:3

Uve, God na Thina rheta mala poru iara ke leghugna. Mana jateula nogu greoreo mala fanogra jata eghu, eghuteuna mana au nolaghi mala fakarhi ghau iara. Mana nogu vido rheta iara aheva nate poru iara tagna na. Leuleghu fata na mana reireghi ghau iara ka iheire te magnahaghei mei falehe ghau iara.

Ululahu Kronikols 16:14

Lord na noda God tahati. Eghuteuna cheke te rheta teke chekedi mana ra, maladi naikno te gnafa ka nauthoglu igne.

Nodi Khoje Hatimare Mae Jiu 118:21

Lord God, iara cheke fakeli nigho koba, naugna iagho neke cheke tughudi nogu tharai iara re, nei iagho neke fakarhi ghau iara.