Eksodas 15:19 - Buka Blahi Ka Cheke Holo

¹⁹ Kate filoni hatimare mae Ijep gre te khapra thongna na te kasa mae Israel gre ka keha phile na, nogna soldia mae king gna Ijep gre ne kasa la ngau balu nodi hose nei chariot ne tei ke leghudi. Nu Lord ne fapulo meini thongna na ne toku tafrudi.

Eksodas 15:19 ပူးပေါင်းရင်းမြစ်များ

Hibru 11:29

Naiknodi Israel gre neke fatutuani ni God. Naugna igne mare ne kasa ka khoꞌu biꞌo te kiloi “Thongna Ukru” neke nonolo jateula te tei kau glose te khapra neku. Nu kate fariuriu kasa ka khoꞌu tuana, armi gna Ijep mei toku tafrudi ne kafe knoho.

Proveb 21:31

Hatimare mae soldia tangomana te tarabana hose mala magra na. Nu Lord kaisei ngala te laseni te mala uluni mare magra na.

Profet Isaia 43:17

Eghuteuna iara na snakredi mae naokare mala balu nodi chariot nei hose eghu te mala leghuni mare nabrou igne. Mare na kafe lehe jateula juta te ifu falehe te theome phae ra eghu. Lord mae ihei te au nolaghi te mala edi glepo igre neke cheke eghu,

Josua 4:23

Naugna Lord noda God neke cheke ranghini khoꞌu na neke krango neke ghilei kasa neke gnafa naiknore. Khoꞌu na moja neu ne ghilei kasa ne gnafa naiknore ka keha phile na jateula teke eni Lord ka Thongna Ukru na ranghidi kuꞌeda tifa ra neu.