Eksodas 15:18 - Buka Blahi Ka Cheke Holo

¹⁸ “Lord, iagho ginau na funei fruni fabrahu tifa e tifa.”

Eksodas 15:18 ပူးပေါင်းရင်းမြစ်များ

Nodi Khoje Hatimare Mae Jiu 29:10

Lord na gnokro ka nogna sape nafnakno na mala funei fruni nhorora na fabrahu tifa e tifa.

Nodi Khoje Hatimare Mae Jiu 10:16

God ginauna mala king fabrahu tifa e tifa. Mana ginauna na brue fadeleidi naikno bongihehe te au ka nauthoglu igne mala luvu fabrahu mare tifa e tifa.

Profet Daniel 2:44

“Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Nodi Khoje Hatimare Mae Jiu 146:10

Lord ginauna funei fruni ghita tahati naiknoda Saion ra nei iheire nate karha mei thogheiro tifa tifa. Tahati cheke fakelini nanghagna Lord!

Profet Daniel 7:27

Eghuteuna nodi nolaghi nei nafnakno teu mae king te gnafa ka nauthoglu na igre, God mae ihei te fnakno ka maloa kligna igne ginauna hata fadelei ka mare nolaghi igne mala tusu lao ka nogna naiknore. Eghuteuna nodi funei fruni nogna naikno mana igre ginauna theo ka huigna. Eghuteuna mae king te gnafa ka nauthoglu na igre ginauna ghatho tahudi nei leghudi eghu mare.’

Profet Daniel 7:14

Mae te au fabrahu funu tifa igne ne vahini mana mala mae king, eghuteuna tusu ranghini nolaghi nei nafnakno biꞌo. Eghuteuna naikno te au ka kantri te gnafa, kokholo te gnafa nei cheke te gnafa teu igre ginauna pogho soru ka mana. Eghuteuna nogna nolaghi mana te mala funei frunidi naiknore ginauna au fabrahu tifa tifa.

Profet Daniel 4:3

“Fagaglana te fakakhana God ka tahati igre thono biꞌo fara! Kofubobhoi te edi mana igre thono nheta fara! God ginauna king fabrahu, eghuteuna mana ginauna funei fruni tifa tifa.”

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Jenesis 21:33

Mae Ebraham ne joꞌu kaisei gaju tamarik jare Bereseba. Jare mae Ebraham ne tarai ka Lord, mae ihei te karha fabrahu te tifa te tifa.

Diutronomi 33:5

Kate salo fodu ghotilo mae biꞌo nei mae lida teu ka vikegna Israel ra, Lord na nomi King ghotilo.”

Nodi Khoje Hatimare Mae Jiu 9:8

Mana funei frunini nauthoglu igne ka puhi te doglo. Eghuteuna ka puhi te keli igne te fatedi mana naiknore.