Eksodas 14:9 - Buka Blahi Ka Cheke Holo

⁹ Nu hatimare mae soldia di Ijep gre mare ne saghe ka chariot, ka hose nei nonolo pari neu ne tei ngolhidi mae Israel gre. Maedi Israel ne horo suga rhegna vido te au ka gerigna Thongna Ukru na, rhedi namono Pihahirot nei namono Baal-Sefon.

Eksodas 14:9 ပူးပေါင်းရင်းမြစ်များ

Eksodas 15:9

Nou naoka iagho na fahaehaghe ne cheke eghu, ‘Ghehati ginau na ngolhi leghudi mala tei lokidi. Eghuteuna ghehati ginau na atha nodi dedei mare re mala tufa ka vikemi re. Ghehati ginau na falehedi ka naflahi biꞌo mala atha unha teke magnahaghedi ghehati ka mare re!’

Josua 24:6

Eghuteuna kate hata fajifla ghami iara baludi kuꞌemi ghotilo ra, maedi Ijep ne hata chariot mala magra, baludi soldia te saghe ka hose, eghuteuna mare neke ngolhi ghami ghotilo. Eghuteuna kate tei te thoke ghotilo ka Thongna Ukru na,

Eksodas 14:2

“Iagho cheke ka naiknodi Israel ra mala ke figri horo suga tapuale mare rhegna Pihahirot. Vido igne au farihotei namono biꞌo Migdol nei Thongna Ukru rhegna Baal-Sefon.

Eksodas 13:18

Aonu God ne batudi mare ne lithui fei namono nagou na ne mei posa ka Thongna Ukru na baludi nodi glepo te mala magra re.

Naba 33:7

Ke leghu mare ne jifla Etam, neke pulo Pihahirot, mare ne au jare rhegna namono Migdol, ke mosu Baal-Sefon.