Eksodas 14:4 - Buka Blahi Ka Cheke Holo

⁴ Iara ginauna nake famamhakui nagnafagna mae king na, eghuteuna mana ginau na ngolhi ghami ghotilo mala fariuriu athi ghami. Nu naugna ka unha te eni iara ranghini mana nei nogna mae soldia mana re teu na, naiknore ginau na ghatho tahu ghau iara. Eghuteuna naiknodi Ijep re ginau na laseni te iara ngala Lord na.” Aonu kate nomhini chekegna Lord igne na, naiknodi Israel neke pulo neke horo nodi suga tapuale ka vido aheva teke cheke ranghidi mana na.

Eksodas 14:4 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 9:17

Naugna kau grioriso te blahi na God neke cheke eghu ka mae Fero, “Iara vahi nigho iagho mala King, naugna iara magnahaghei te falalase ka iagho nogu nolaghi na mala lase ghau naikno te gnafa ka nauthoglu igne.”

Eksodas 7:5

Eghuteuna naugna te loku iara ka nogu nolaghi biꞌo na ranghini Ijep eghuteuna batu fajifladi naiknodi Israel, naiknodi Ijep igre ginauna laseni te iara Lord.”

Eksodas 7:3

Neuba iara ginauna edi kmana kofubobhoi biꞌo agne Ijep mala filo mana, iara ginauna eni king igne mala patugama, nei theome fanomho eghu ka gho.

Eksodas 9:16

Nu iara snakre ghami ghotilo te mala karha teu te mala falalase ari iara nogu nolaghi biꞌo na ka ghotilo, eghuteuna naiknore ginau na toutonuni nanghagu iara na ka nauthoglu gne.

Eksodas 7:17

Igne unha te chekeni Lord na: Iagho ginau na filodi unha nate edi iara re, aonu iagho ginau na laseni te iara ngala Lord na. Filo sagho, iara ginau na puphuri Khoꞌu biꞌo Nael gne ka khodo te louloku teu iara ao, eghuteuna u khoꞌu igne ginau na nake figri nake vuhai dadara.

Letas Teke Riso Tei Mae Pol Ka Khiloau Rom 11:8

Igne jateula te kulu cheke kau grioriso te blahi ia, “God ne faromno gaoghathodire mala theome ghaoghatho fakeli mare. Mei thoke gognaro gne, tathadire theome tangomana te fifilo fakeli, eghuteuna khulidire theome tangomana te fanomho na.”

Profet Esikiel 39:13

Naiknodi Israel te gnafa igre ginauna loku fodu mala giugilui mae teke lehe igre. Eghuteuna ka narane tuana iara fakakhana nogu nolaghi biꞌo na, eghuteuna naikno ka vido te gnafa igre ginauna ghatho tahudi mae di Israel. Igne nogu cheke iara Lord.

Profet Esikiel 28:22

Iagho cheke ranghini te iara Lord God te eghu igne: “ ‘Saedon! Iara nou naoka iagho. Naiknore ginauna cheke fakelini nanghagu iara kate paradi iara nou naikno iaghore mala lasei mare te blahi iara na, eghuteuna mare laseni te iara Lord.

Profet Esikiel 20:9

Nu iara neke theome eni igne, naugna jame laseni naiknodi Ijep gre igne meuna, mare ginauna faparini nanghagu iara na. Naugna iara neke nhaꞌa chekehi ka naiknodi Israel te au farihoteidi naiknodi Ijep igre te mala hata fajifladi iara nogu naiknore ka kantri Ijep. Jame te theome leghuni iara nogu nhaꞌa cheke na, naiknodi Ijep igre ginauna faparini nanghagu iara na.

Nehemaea 9:10

Iagho neke edi fagaglana nei kofubobhoi biꞌo neke jaglo nodi naiknore. Ka puhi igne iagho neke tapla faparini king gna Ijep, baludi nogna mae biꞌo nei keha naikno gna kantri tuana. Naugna iagho lasedi naikno igre fahaehaghe fara, eghuteuna mare paradi fara nou naikno iagho re. Ka puhi igne, iagho fakakhana nou nolaghi na ka mare. Eghuteuna nanghamu iagho na fnakno klignalahu ghilei mei posa gognarogne.

Eksodas 18:11

Gognaro na iara thofno laseni Lord na thono uludi fara keha god te pogho sorudi keha naikno re, naugna Mana ne reireghi fakeli ghami ghotilo ka narane te fakokhoana ghami ghotilo mae Ijep ra.”

Eksodas 14:8

Lord ne famamhaku nagnafagna mae king na mala tei mare ke leghudi mae Israel gre. Neuba, hatimare mae Israel tirodi mhaghu kolho, nu mare ne gleale'a ne tei nodi kolho.

Letas Teke Riso Tei Mae Pol Ka Khiloau Rom 9:18

Eghume te laseni tahati na, kate magnahaghei kokhonini God ihei na, God ginauna kokhonini mana, eghuteuna kate magnahaghei fameglini God ihei na, God ginauna jaola fameglini mana.

Eksodas 10:27

Nu Lord neke famamhakui nagnafagna mae king na ne theome snakredi mae Israel gre te tei na.

Eksodas 14:3

Mae king gna Ijep na ginau hironiu vido aheva te tei ghotilo na, na cheke eghu ka gaoghathogna thegna na, ‘Mae Israel are ginau na mare naga tafri au kolho ka namono nagou ana, mare theome tangomana filo deni kaisei nabrou aheva nga te mala jifla te tei kokoni mare u vido tuana na.’

Eksodas 14:5

Kate nomhini mae king gna Ijep na tela rikhahi naiknodi Israel re, mana nei nogna mae funei re eghu neke tughu gaoghatho ne cheke eghu fari thedi, “Tore, tahati thono fameomekro fara! Filo si ghotilo, tahati snakredi mae Israel ra la rikha la tei nodi. Eghume gognaro na tahati la theo noda mae sneka te mala edi noda gloku tahati gre eghu.”

Eksodas 14:23

Hatimare mae soldia gna Ijep na ne tei ke leghudi hatimare mae Israel gre ka hose, ka chariot nei nolo kolho pari ka ghahe.

Eksodas 14:25

Nodi chariot re ne chakhi ne theome tangomana te thugha na. Aonu hatimare mae Ijep gre ne cheke eghu fari thedi, “Tore, lisa laodi naikno igre, eigna Lord na la toghodi mare la magri ghita tahati! Faghose, rikha noda!”

Levitikas 10:3

Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.

Profet Esikiel 32:15

Ka narane tuare nou namono iagho igne ginauna diꞌa eghuteuna theo kaisei glepo nate au tagna na. Eghuteuna iara ginauna aknu falehe gnafa iheire te au ka vido igne. Eghuteuna ghotilo te gnafa na ginauna thofno laseni te iara Lord.’

Eksodas 6:7

Ka puhi igne, iara ginauna hata ghami ghotilo mala jateula nogu naikno eghu iara, eghuteuna iara nomi God ghotilo. Eghuteuna ghotilo ginauna laseni te iara Lord, nomi God ghotilo, eigna iara ginauna fakarhi ghami ghotilo ka gloku biꞌo naiknodi Ijep te huhuru ghami mala edi ghotilo teu are.

Eksodas 10:2

Iara neke eni igne naugna iara magnahaghei nigho iagho teke toutonu ranghidi thumu nei gramu teu ra eidi u kofubobhoi tela diꞌanagnafa nei mamaja telau mae Ijep gre. Eghume ghotilo te gnafa na ginau na laseni te iara ngala Lord na.”

Eksodas 12:28

Eghume, ke leghugna igne naiknore kegra haghe ne tei eni unha teke chekeni Lord ka mae Moses ghe mae Eron na.

Josua 11:20

Lord thegna neke huhurudi mare mala magra mare ka mae Israel gre, eghume mae Israel theome kokhonidi mae igre. Thono theo fara. Eigna mae Israel gre mare leghuni cheke teke tusu lao thegna Lord ka mae Moses tifa igne ne falehedi ne gnafa vike igre.

Jajis 4:7

Iara ginauna vahini Sisera, nodi lida nogna soldia Jabin ra mala mei magra ka ghotilo ka khoꞌu biꞌo Kison. Mana ginauna mei balu nogna soldia nei chariot mala magra eghu, nu iara ginauna togho ghami ghotilo mala uludi mare.’ ”

Profet Esikiel 38:16

Ghotilo ginauna mei toku tafrudi nogu naikno iara Israel igre, jateula kaisei khoveo biꞌo balu nakhete te soru te toku tafrudi namono ra eghu. King Gog! Ka narane tuana, iara ginauna kuru nigho tei lamna ka nogu namono iara igne, mala laseni naiknodi keha kantri igre te iara Lord na mae blahi.

Profet Esikiel 38:23

Ka puhi igne, iara ginauna fakakhana ka kantri te gnafa igre te blahi nei au nolaghi teu iara na, eghuteuna mare ginauna laseni te iara Lord.”