Eksodas 14:29 - Buka Blahi Ka Cheke Holo

²⁹ Nu hatimare mae Israel gre ne tei ka vido te khapra, eghuteuna thongna na ne kegra jateula bara neu ka phei phile re ne kasa mare ka keha phile na.

Eksodas 14:29 ပူးပေါင်းရင်းမြစ်များ

Eksodas 14:22

Eghuteuna mae Israel gre ne kasa kate khapra na, aonu khoꞌu na ne kegra jateula bara neu ka phei philere!

Profet Isaia 51:13

Ghotilo theome lase ghau iara sia? Iara ngala mae ihei teke vuavuha ghami ghotilo na. Iara neke lilisei maloa ghe nauthoglu igre ka thofno mala audire. Naugna unha si ghotilo te mhaghudi fara naikno te para ghami nei tarabana mala goigoni ghami teu igrea? Diꞌa tadi mare igre ginauna theome thoke ghami ghotilo.

Profet Isaia 51:10

Iagho neke fota pea nhorora biꞌo na neke khapra, aonu nou naikno iagho re neke eni kaisei nabrou ka khotogna nhorora biꞌo na mala kasa ka glose te moja.

Profet Isaia 43:2

Kate thoke mei puhi biꞌo ka ghotilo jateula te kasa ghotilo ke lamna nhorora ra teuna, iara ginauna au balumi ghotilo mala togho ghami ghotilo. Eghuteuna kate au ghotilo ke lamnadi narane te ninhigrana te jateula te kasa ghotilo ka khoꞌu biꞌo te britha ra teu igne, ghotilo ginauna theome kmerhu. Uve, kate thoke mei puhi biꞌo te jateula te tapla ghotilo ke lamna khaꞌaghi ra teuna, ghotilo ginauna na theome nhako.

Josua 3:16

khoꞌu na ne kegra snoto ne tei au delei fara rhegna namono Adam te namo ka namono Saretan. Eghuteuna keha philegna khoꞌu biꞌo te soru Thongna Lehe igne ne jaola ne thono krango fara. Naiknore ne kafe kasa ka keha phile na rhegna namono Jeriko.

Ululahu Korin 10:1

Kheraguro, iara magnahaghe ghami ghotilo te kulu ghathodi kuꞌeda teke leghuni mae Moses tifa ka namono nagou ia. Kaisei khoveo neke batudi neke kasa ka thongna te kiloni “Thongna Ukru”.

Eksodas 15:8

Iagho diꞌatamu fara ne phanga lao ka thongna na, eghuteuna thongna na ne kogu kogu ne haghe posa kligna jateula bara neu. Eghuteuna khotogna nhorora na ne thuke.

Eksodas 15:19

Kate filoni hatimare mae Ijep gre te khapra thongna na te kasa mae Israel gre ka keha phile na, nogna soldia mae king gna Ijep gre ne kasa la ngau balu nodi hose nei chariot ne tei ke leghudi. Nu Lord ne fapulo meini thongna na ne toku tafrudi.

Profet Isaia 11:15

Lord ginauna cheke ranghini Thongna Ukru na mala khapra. Eghuteuna mana ginauna cheke ranghini nuri te brana na mala ghaghafa mei ka Khoꞌu biꞌo Iufretis mala ghilei khapra soru. Eghuteuna mana ginauna fofota khoꞌu igne ka fitu khoꞌu ikodi mala bligi ka naiknore te kasa ka keha phile na.

Fapea Kings 2:8

Eghuteuna mae Elija hata koko nogna pohe brahu na ne lolhopo na ne proprosa pohe igne ka khoꞌu Jordan. Eghuteuna khoꞌu na ne fnota pea. Aonu khoꞌu na khapra ne kasa phiamare ka keha phile na.

Nehemaea 9:11

Eghuteuna iagho neke fota pea thongna na neke eni kaisei nabrou mala kasa nou naiknore ka glose te moja. Nu iheire teke ngolho leghudi nou naikno iagho re, mare ne knoho ka thongna te mamhara jateula thina te plulu ka nhorora ra neu.

Nodi Khoje Hatimare Mae Jiu 78:13

God neke alha pea thongna na ka phei vido neke fakegra haghe jateula phei gringni thina biꞌo neku, eghuteuna hata fakasadi nogna naiknore ka keha phile na.

Nodi Khoje Hatimare Mae Jiu 106:9

Mana neke cheke ranghini kolho u Thongna Ukru na, aonu thongna na ne jateula glose te khapra neu kolho, ne batudi nogna naiknore ne kasa ka keha phile na.

Nodi Khoje Hatimare Mae Jiu 136:13

Mana neke fofota Nhorora Ukru na ka phei vido. Mana ne namha ghita tahati tifa tifa.