Eksodas 14:28 - Buka Blahi Ka Cheke Holo

²⁸ Ka teke pulo mei thongna na, nogna soldia mae king gna Ijep teke tei ke leghudi mae Israel ra ne thafru ka thongna balu nodi chariot nei hose neu ne kafe lehe ne hui, theo kaisei te karha na.

Eksodas 14:28 ပူးပေါင်းရင်းမြစ်များ

Nodi Khoje Hatimare Mae Jiu 78:53

Mare ne sa tirodi mhaghu kolho, naugna mana ne batu fakeli ne tei kolho, nu nodi naokare ne knoho kolho ka thongna.

Profet Habaku 3:13

Iagho eni igne mala fakarhidi nou naiknore balugna nodi king, mae ihei teke vavahi iagho igne. Iagho neke tapla sorudi nodi lida naikno te diꞌa igre mala theome tangomana mare teke kegra haghe na.

Nodi Khoje Hatimare Mae Jiu 136:15

Nu kate ke pulo meigna khoꞌu teke fofota mana na mae king gna Ijep na ne knoho ne lehe baludi nogna soldiare. Mana ne namha ghita tahati tifa tifa.

Hibru 11:29

Naiknodi Israel gre neke fatutuani ni God. Naugna igne mare ne kasa ka khoꞌu biꞌo te kiloi “Thongna Ukru” neke nonolo jateula te tei kau glose te khapra neku. Nu kate fariuriu kasa ka khoꞌu tuana, armi gna Ijep mei toku tafrudi ne kafe knoho.

Nehemaea 9:11

Eghuteuna iagho neke fota pea thongna na neke eni kaisei nabrou mala kasa nou naiknore ka glose te moja. Nu iheire teke ngolho leghudi nou naikno iagho re, mare ne knoho ka thongna te mamhara jateula thina te plulu ka nhorora ra neu.

Fapea Kronikols 20:24

Kate mei soldia di Juda ka vido igne te filo soru ka armi biꞌo ka namono nagou igne, mare ne filodi kolho thinidi soldia te lehe re, theo kaisei mae ka naoka igre te rikha na.

Diutronomi 11:4

Eghuteuna thumi ghotilo gre neke theome filoni puhi teke eni Lord teke goigonihi armigna Ijep kani teke ngolhi ghami ghotilo mare ra. Ghotilo kolho teke filoni Lord teke goigoni ni armi gna Ijep igne balu hose nei nogna chariot mala magra king, eghuteuna mana neke fakmerhudi ke lamna Thongna Ukru.

Eksodas 15:10

Nu, kate diꞌatamu fara na, iagho neke kaisei fata phanga lao kolho, eghuteuna thongna na ne mei toku tafrudi mae Ijep ra ne kafe plulu pari jateula thina neu ka nhorora gno.

Eksodas 14:13

Nu mae Moses ne cheke eghu ka naiknore, “Thosei mhaghu! Kegra heta eghuteuna ghotilo ginau na filoni Lord nate fakarha ghami ghotilo ka mae Ijep gre gognaro na! Ghotilo filodi mae Ijep are gognaro na, nu ke leghu na ghotilo ginau na nake theome filodi tathadire tifa tifa.

Eksodas 15:19

Kate filoni hatimare mae Ijep gre te khapra thongna na te kasa mae Israel gre ka keha phile na, nogna soldia mae king gna Ijep gre ne kasa la ngau balu nodi hose nei chariot ne tei ke leghudi. Nu Lord ne fapulo meini thongna na ne toku tafrudi.

Jajis 4:16

Keha nogna soldia Sisera re ne rikha, nu Barak balugna nogna mae soldiare ne ngohlidi mare te thoke ka namono Haroset-Ha-Goeim. Mare aknu falehe ne hui nogna soldia Sisera re eghuteuna theo kaisei te karha na.

Jenesis 50:9

Mae te saghe ka chariot nei saghe ka hose teure ne jaola ne tei balugna mae Josep. Jajagha biꞌo fara te tei na.

Nodi Khoje Hatimare Mae Jiu 106:22

Kofubobhoi teke edi God Ijep ra thono biꞌo fara, eghuteuna glepo teke edi mana ka Thongna Ukru ra, thono glepo mala jaglo nodi fara, nu mare theome ghathoni mana kolho eghu.