Eksodas 14:25 - Buka Blahi Ka Cheke Holo

²⁵ Nodi chariot re ne chakhi ne theome tangomana te thugha na. Aonu hatimare mae Ijep gre ne cheke eghu fari thedi, “Tore, lisa laodi naikno igre, eigna Lord na la toghodi mare la magri ghita tahati! Faghose, rikha noda!”

Eksodas 14:25 ပူးပေါင်းရင်းမြစ်များ

Eksodas 14:14

Megeu kolho si ghotilo, Lord thegna ginau na magra tughu ghami ghotilo. Nu ghotilo na theome eni kaisei glepo ka mare eghu.”

Profet Jeremaea 51:21

Iara atha ghami ghotilo mala goigonidi mare balu nodi hose. Iara neke atha ghami ghotilo mala goigonidi chariot mala magra balu nodi mae draeva.

Thoutonu Eigna Mae Job 20:24

Neuba mae igne ne fariuriu rikhani jata na, nu jata igre ginauna fadini mana.

Diutronomi 3:22

Ghotilo thosei mhaghudi mare, naugna Lord nomi God ghotilo ginauna magra ranghi ghami ka mare.’ ”

Profet Emos 9:1

Iara neke filoni kaisei mifi teke fakakhana Lord ka iara. Ka mifi igne, iara ne filoni mana te kegra teu rhegna olta ka Sugablahi na, eghuteuna mana ne cheke eghu faheta, “Tututu sagho ke klignadi phei khegra biꞌo ke ulugna Sugablahi na are, mala nghali Sugablahi igne. Koko sukha phei khegra igre mala soru ke klignadi naikno te au teu igre. Eghuteuna iheire te theome lehe ka narane igne, mare ginauna lehe kate tei ka magra na. Ginauna theo kaisei ka mare nate rikha agne na, ba nate tei poru na. Uve, mare te gnafa na mala lehe.

Profet Emos 5:19

Narane igne ginauna mei jateula kaisei mae te mhaghu lion te rikha te tei thafoni bea na te lehe ra eghu. Narane igne ginauna mei jateula kaisei mae te pulo mei ka nogna suga na, eghuteuna kaisei mogo kathini kate habo lao mana ka gringnigna suga na ia eghu.

Nodi Khoje Hatimare Mae Jiu 76:6

God nogna mae Jekop, ka vido te cheke faheta iagho ka mare na, nodi hose nei naikno teke gnokro teku ka hose re eghu grofo ne kafe lehe.

Nodi Khoje Hatimare Mae Jiu 68:12

Mana cheke eghu, “Hatimare mae king nei hatimare mae armi teure la rikhahi.” Eghuteuna goro gaꞌase teke au teku ka namono na ne tufa glepo teke hata hatimare ka magra ra.

Nodi Khoje Hatimare Mae Jiu 46:9

God ne cheke faheta ka naiknore mala thosei magra fari thedi ka nauthoglu gne. Mana ne lolhopa nodi phaloho nei nodi jata teure, eghuteuna koko lao nodi greoreo ka khaꞌaghi.

Thoutonu Eigna Mae Job 27:22

Mana fariuriu rikha, nu ninhigrana fara naugna nuri igne thono nheta fara ne mei goigonini mae igne.

Thoutonu Eigna Mae Job 11:20

Nu tathadi naikno te diꞌa re ginauna dofu. Mare ginauna filo ligoho, nu mare na theome tangomana te rikhani puhi biꞌo na. Kaisei glepo kolho nate magnahagheni fara mare na, mare magnahaghei te lehe kolho.”

Profet Emos 1:14

Iara ginauna koko soru khaꞌaghi ka baragna namono biꞌo Raba mala nhako fahui suga te gnafa te rheta ka namono tuana. Kate magra na, hatimare mae soldia ginauna eha fabiꞌo, eghuteuna magra igne ginauna rheta fara jateula kaisei nuri saeklon eghu ka vido tuana.

Jajis 4:15

Eghuteuna kate funu magra mare na, Lord ne famhaghuni Sisera baludi nogna soldiare, aonu mare ne chari tafri jateula naikno te nolira neu ka vido igne. Sisera ne krofu soru ka nogna chariot na ne funu rikha.

Eksodas 14:4

Iara ginauna nake famamhakui nagnafagna mae king na, eghuteuna mana ginau na ngolhi ghami ghotilo mala fariuriu athi ghami. Nu naugna ka unha te eni iara ranghini mana nei nogna mae soldia mana re teu na, naiknore ginau na ghatho tahu ghau iara. Eghuteuna naiknodi Ijep re ginau na laseni te iara ngala Lord na.” Aonu kate nomhini chekegna Lord igne na, naiknodi Israel neke pulo neke horo nodi suga tapuale ka vido aheva teke cheke ranghidi mana na.

Diutronomi 32:31

Nomi naoka ghotilo are laseniu te nodi god naikno tuare theo nodi nolaghi te jateula nolaghi te au ka iara igne teuna.

Nehemaea 6:16

Kate nomhini mae naoka gre tela gnafahi gringni thina igne na, gaoghathodi mae naoka gre ne glaꞌe soru, naugna mare te gnafa baludi kantri te au faligoho ghami ghehati igre filo glani God te togho ghami ghehati te ghilei gnafa gloku igne.

Eksodas 15:3

Mana jateula kaisei mae soldia te nheta fara eghu. Lord ngala nanghagna mana na.

Diutronomi 1:30

Lord, nomi God ghotilo ginauna batu ghami ghotilo mala magra balumi ghotilo, jateula tela filonihi ghotilo Ijep

Josua 10:14

Funu tifa te ghilei mei posa ka narane gognarogne, theo kaisei narane te jateula narane tuana teuna. Glepo igne neke eghu, naugna Lord neke nomhini nogna cheke naikno na neke toghodi maedi Israel ka magra.

Fapea Kronikols 20:29

Kate nomhini igne, naiknodi keha kantri are ne mhaghu nodi fara, naugna Lord ne uludi nodi naoka mae Israel.

Nehemaea 4:14

Iara filodi naiknore ne mhaghu nodi fara, aonu iara ne eha fabiꞌo ka mae biꞌo, nei ka mae mala baubatu, nei ka keha naikno ka namono na, ne cheke eghu ka mare, “Tore! Ghotilo thosei mhaghudi mae naoka gre! Ghathoni noda Lord mae ihei te au nolaghi fateote'o, nei haghe fara! Tahati kegra haghe mala magra fanogradi mae naoka gre mala theome tangomana mare te mei goigonidi kherada, nei thuda, nei khetoda, nei noda suga la teu igre!”

Nehemaea 9:11

Eghuteuna iagho neke fota pea thongna na neke eni kaisei nabrou mala kasa nou naiknore ka glose te moja. Nu iheire teke ngolho leghudi nou naikno iagho re, mare ne knoho ka thongna te mamhara jateula thina te plulu ka nhorora ra neu.

Nodi Khoje Hatimare Mae Jiu 35:1

Lord, diꞌatamudi sagho naikno te diꞌatadi ghau iara igre. Magridi sagho naikno te magri ghau iara igre.

Profet Isaia 31:4

Eigna Lord na neke cheke eghuhi, “Iara ginauna mei jateula kaisei lion te theome mhaghuni kaisei glepo ra eghu. Neuba mae iheire te reireghi sipu igre ne eha ba ne fariuriu reireghi fakelidi nodi sipu re, nu lion igne na ginauna mei magra ka mare. Igne unha nate eni iara Lord mae ihei te au nolaghi fateote'o igne ka iheire te au ka Thogele Saion.