Eksodas 14:24 - Buka Blahi Ka Cheke Holo

²⁴ Gagra pasa hamerane boibongi Lord na au neu ke lamna khoveo nei ke lamna khaꞌaghi neu ne filo soru ka mae soldia di Ijep gre, aonu maedi Ijep faꞌihodi ne rodi rikha.

Eksodas 14:24 ပူးပေါင်းရင်းမြစ်များ

Eksodas 13:21

Fei narane na, Lord ne tei ke uludi nogna naiknore ke lamna khoveo te thuta te mala falalase ranghidi u nabrou na. Eghuteuna fei bongi mana tei ke uludi ka khaꞌaghi. Ka puhi igne Lord tangomana te batudi leghu fata fei narane ba fei bongi na.

Eksodas 14:25

Nodi chariot re ne chakhi ne theome tangomana te thugha na. Aonu hatimare mae Ijep gre ne cheke eghu fari thedi, “Tore, lisa laodi naikno igre, eigna Lord na la toghodi mare la magri ghita tahati! Faghose, rikha noda!”

Nodi Khoje Hatimare Mae Jiu 48:5

Nu kate filo haghe mare ka namono na, mare jaglo nodi fara ne mhaghu ne rikha kolho.

Thoutonu Eigna Mae Job 40:12

Iagho mala nhaꞌa faparidi iheire te fahaehaghe. Eghuteuna iagho tapla ke klignadi naikno te diꞌa ka vido aheva te gnokro teu mare tagna na.

Thoutonu Eigna Mae Job 34:29

Ba, jame God nomhidi mare, nu theome eni kaisei glepo teuna, ihei gne te au nogna nolaghi te mala chekeni ne jafra mana teuna? Jame God pophoru tathagna nei foflogna teure, ihei gne nate filoni mana na? Nu mana saghe leghudi naikno nei kantri teu igre.

Thoutonu Eigna Mae Job 34:20

Ghosei kolho, mare te gnafa na ginauna lehe farihotei bongiro. Uve, naiknore na rhana nodi, neubane mae nheta fara, bligi kolho ranghini God te hata fadeleidi re.

Nodi Khoje Hatimare Mae Jiu 104:32

Kate filo soru mana kau nauthoglu igne na, glose na ne nghali jateula nakheu neu. Uve, kate habo lao mana ke klignadi thogelere, gagahu na jifla mei jateula khaꞌaghi eghu.

Thoutonu Eigna Mae Job 22:13

Nu iagho cheke eghu, ‘God na theome lasedi gobigna lepo igre. Khoveo te romno igre toku tafruni mana, eghume mana theome tangomana te fate ghita na.

Ululahu Samuel 11:11

Hamerane boibongi ka keha narane na, King Sol ne tufa nogna soldia re ka thilo tothoghei. Aonu mare kegra haghe hamerane boibongi chari ne tei ka nodi suga tapuale armigna Amon na ne aknu falehe ne gnafa soldia di Amon igre funu hamerane ne ghilei fari hotei aublatha. Jau phei ba thiloi kolho te rikha na.

Nodi Khoje Hatimare Mae Jiu 78:14

Ka narane tuana, mana neke eni kaisei nafnata khoveo mala batudi mare, eghuteuna fei bongiro na, mana neke batudi ka naphaegna kaisei nafnata khaꞌaghi.

Nodi Khoje Hatimare Mae Jiu 90:4

Ka iagho na kaisei thogha finogha na jateula te kaisei narane eghu kolho, jateula gnora tela salaꞌu arihi eghu, nei jateula kaisei aoa tela ghosei tela salaꞌu ari hila bongi ia eghu kolho.

Profet Emos 9:4

Neuba mae naokare ne hatadi mare ne tei ka namono te khaba fara mala nodi naikno sneka neu, iara ginauna cheke faheta ka mae naoka igre mala aknu falehedi jare. “Iara theome tangomana te toghodi re, iara na goigoni fahuidi gnafa.”