Eksodas 14:22 - Buka Blahi Ka Cheke Holo

²² Eghuteuna mae Israel gre ne kasa kate khapra na, aonu khoꞌu na ne kegra jateula bara neu ka phei philere!

Eksodas 14:22 ပူးပေါင်းရင်းမြစ်များ

Hibru 11:29

Naiknodi Israel gre neke fatutuani ni God. Naugna igne mare ne kasa ka khoꞌu biꞌo te kiloi “Thongna Ukru” neke nonolo jateula te tei kau glose te khapra neku. Nu kate fariuriu kasa ka khoꞌu tuana, armi gna Ijep mei toku tafrudi ne kafe knoho.

Nodi Khoje Hatimare Mae Jiu 66:6

Tifa na mana neke fofota pea thongna biꞌo na neke khapra neke nonolo ka ghahe kolho neke kasa ka keha philegna khoꞌu na mae ku'eda tahatira. Ka narane tuare mae ku'eda tahatire neke thofno glealeꞌa fara ka unha teke edi mana igre. Eghume tahati glealeꞌa nei cheke fakelini eghu God.

Nodi Khoje Hatimare Mae Jiu 78:13

God neke alha pea thongna na ka phei vido neke fakegra haghe jateula phei gringni thina biꞌo neku, eghuteuna hata fakasadi nogna naiknore ka keha phile na.

Eksodas 15:19

Kate filoni hatimare mae Ijep gre te khapra thongna na te kasa mae Israel gre ka keha phile na, nogna soldia mae king gna Ijep gre ne kasa la ngau balu nodi hose nei chariot ne tei ke leghudi. Nu Lord ne fapulo meini thongna na ne toku tafrudi.

Eksodas 14:29

Nu hatimare mae Israel gre ne tei ka vido te khapra, eghuteuna thongna na ne kegra jateula bara neu ka phei phile re ne kasa mare ka keha phile na.

Ululahu Korin 10:1

Kheraguro, iara magnahaghe ghami ghotilo te kulu ghathodi kuꞌeda teke leghuni mae Moses tifa ka namono nagou ia. Kaisei khoveo neke batudi neke kasa ka thongna te kiloni “Thongna Ukru”.

Profet Isaia 63:13

Mana neke batudi nogna naiknore neke kasa mei ke pari thongna ka glose te moja na.” Eghuteuna naiknore chari faheta neke theome uka, jateula hose te chari ka namono nagou ra neku.

Nehemaea 9:11

Eghuteuna iagho neke fota pea thongna na neke eni kaisei nabrou mala kasa nou naiknore ka glose te moja. Nu iheire teke ngolho leghudi nou naikno iagho re, mare ne knoho ka thongna te mamhara jateula thina te plulu ka nhorora ra neu.

Eksodas 15:8

Iagho diꞌatamu fara ne phanga lao ka thongna na, eghuteuna thongna na ne kogu kogu ne haghe posa kligna jateula bara neu. Eghuteuna khotogna nhorora na ne thuke.

Naba 33:8

Ke leghugna te jifla Pihahirot jare Migdol, mare ne kasa ka Thongna Ukru na ne tei ka namono nagou na. Mare ne nolo nabagna thilo rane, aonu mare mei ne au Mara.

Profet Sekaraea 2:5

Iara thegu ginauna gringni thina te mala reireghini namono igne jateula khaꞌaghi te phae ligoho ra eghu. Eghuteuna nogu nolaghi biꞌo iara na ginauna phae lamna ka namono igne.’ ”

Josua 3:17

Eghuteuna kate kasa mare na, hatimare mae pris kegra fabrahu neu fari hotei khoꞌu tela krango hi na ne ghilei kasa ne hui naiknore ka keha phile khoꞌu na.

Josua 4:22

Cheke eghu ranghidi, ‘Tuthuanadi kuꞌeda tifa ra neke kasa ka vido te krango fari hotei Khoꞌu biꞌo Jordan.’

Ululahu Samuel 25:16

Kate au ghehati baludi mae igre te reireghi bongi rane na, mare kegra ligoho ghami ghehati jateula kaisei baragna namono ia eghu.

Fapea Kings 2:8

Eghuteuna mae Elija hata koko nogna pohe brahu na ne lolhopo na ne proprosa pohe igne ka khoꞌu Jordan. Eghuteuna khoꞌu na ne fnota pea. Aonu khoꞌu na khapra ne kasa phiamare ka keha phile na.

Nodi Khoje Hatimare Mae Jiu 74:15

Glokha nei khoꞌu biꞌo eghu teke kafe khaprahi re iagho neke fafuafura haghedi, eghuteuna khoꞌu biꞌo teke theome khapra funu tifare, iagho neke fakhapradi.

Nodi Khoje Hatimare Mae Jiu 136:14

Kate fnota teu khoꞌu na, mana hata naiknodi Israel neke kasa farihotei. Mana ne namha ghita tahati tifa tifa.

Profet Isaia 43:16

Tifa na, iara Lord neke eni kaisei nabrou farihotei nhorora.

Profet Isaia 63:12

Mana neke tusu lao nolaghi biꞌo ka mae Moses. Eghuteuna mana neke fofota thongna na ka phei vido neke kasa nogna naiknore ka keha phile na, eghuteuna ka puhi igne mana ne atha nafnakno biꞌo te theo ka huigna.

Josua 3:16

khoꞌu na ne kegra snoto ne tei au delei fara rhegna namono Adam te namo ka namono Saretan. Eghuteuna keha philegna khoꞌu biꞌo te soru Thongna Lehe igne ne jaola ne thono krango fara. Naiknore ne kafe kasa ka keha phile na rhegna namono Jeriko.

Fapea Kings 2:14

Mana hata nogna pohe mae Elija igne ne prosa ka khoꞌu na. Eghuteuna kate prosa ka khoꞌu na, mana ne cheke eghu, “Ba, nogna God mae Elija gne au balugu iara signea?” Eghuteuna kate prosa mana ka khoꞌu na, khoꞌu na ne fnota pea ka phei vido, eghuteuna mae Elisa ne nolo ne kasa ka keha phile.

Nodi Khoje Hatimare Mae Jiu 106:9

Mana neke cheke ranghini kolho u Thongna Ukru na, aonu thongna na ne jateula glose te khapra neu kolho, ne batudi nogna naiknore ne kasa ka keha phile na.

Nodi Khoje Hatimare Mae Jiu 136:13

Mana neke fofota Nhorora Ukru na ka phei vido. Mana ne namha ghita tahati tifa tifa.

Profet Isaia 11:15

Lord ginauna cheke ranghini Thongna Ukru na mala khapra. Eghuteuna mana ginauna cheke ranghini nuri te brana na mala ghaghafa mei ka Khoꞌu biꞌo Iufretis mala ghilei khapra soru. Eghuteuna mana ginauna fofota khoꞌu igne ka fitu khoꞌu ikodi mala bligi ka naiknore te kasa ka keha phile na.

Profet Isaia 11:16

God eni igne mala bligi ka nogna naiknore te jifla Asiria, jateula kuꞌeda teke pulo mei funudi Ijep tifa ra eghu.

Profet Isaia 51:10

Iagho neke fota pea nhorora biꞌo na neke khapra, aonu nou naikno iagho re neke eni kaisei nabrou ka khotogna nhorora biꞌo na mala kasa ka glose te moja.