Eksodas 14:13 - Buka Blahi Ka Cheke Holo

¹³ Nu mae Moses ne cheke eghu ka naiknore, “Thosei mhaghu! Kegra heta eghuteuna ghotilo ginau na filoni Lord nate fakarha ghami ghotilo ka mae Ijep gre gognaro na! Ghotilo filodi mae Ijep are gognaro na, nu ke leghu na ghotilo ginau na nake theome filodi tathadire tifa tifa.

Eksodas 14:13 ပူးပေါင်းရင်းမြစ်များ

Fapea Kronikols 20:17

Ka narane tuana, ghotilo thosei magra ka mare. Nu ghotilo kegra heta, tarabana ofou kolho. Iara ginauna magra ranghi ghami ghotilo, eghuteuna ghotilo ginauna filo ghau iara Lord nate uludi mare na. Ghotilo thosei mhaghu nei glaꞌe soru eghu. Nathuꞌu na ghotilo ginauna tei ke uludi mare, eghuteuna iara ginauna au balumi ghotilo.’ ”

Fapea Kronikols 20:15

Aonu mae Jahasiel kegra haghe ne cheke eghu, “King Jehosafat nei ghotilo te gnafa te au Jerusalem nei Juda teura, fanomho fakeli ghotilo ia. Igne unha te chekeni Lord na, ‘Neuba ghotilo ne magra ka armi biꞌo, ghotilo thosei snakredi nagnafami are mala glaꞌe soru, ba mhaghu eghu. Naugna magra igne theome nomi ghotilo, nu nogu iara.

Eksodas 14:30

Ka narane tuana Lord neke atha fapulodi mae Israel gre ka khamedi hatimare mae Ijep. Eghuteuna hatimare mae Israel gre ne filodi thinidi hatimare mae soldia di Ijep gre te thuru lehe teu ka gratha na re.

Fapea Kings 6:16

Nu mae Elisa ne cheke eghu, “Thosei mhaghu. Tutuani, mare au kmana soldia, nu tahati au tothoghei biꞌo salaꞌudi mare te mala togho ghita na.”

Profet Isaia 35:4

Ghotilo loku famaku nagnafadi iheire te mhaghu nei nanga nodi. Ghotilo cheke eghu, “Ghotilo thosei mhaghu ba nigra, naugna Lord ginauna fakarhi ghita, eghuteuna mana ginauna paradi noda naoka tahati re. Mana ginauna nake tughu fapulo glepo te diꞌa teke edi mare ka tahati ra.”

Lamentations 3:26

Te keli na tahati jame au kmu, ofoni Lord mala mei fakarhi ghita.

Profet Hosia 13:4

Lord ne cheke eghu, “Iara Lord nomi God ghotilo, iara neke hata fajifla kuꞌemi ghotilo ra Ijep. Eghuteuna iara ngala nomi God ghotilo na, theo kaisei god aheva nga te mala fakarhi ghami ghotilo na.

Profet Habaku 3:13

Iagho eni igne mala fakarhidi nou naiknore balugna nodi king, mae ihei teke vavahi iagho igne. Iagho neke tapla sorudi nodi lida naikno te diꞌa igre mala theome tangomana mare teke kegra haghe na.

Profet Isaia 43:11

Kaisei thegu iara ngala Lord na, eghuteuna theo kaisei god aheva nga nate fakarhi ghami ghotilo na.

Diutronomi 20:3

Mana ginauna cheke eghu, ‘Ghotilo maemi Israel fanomho mei ka nogu cheke iara igne! Gognarona ghotilo tarabana mala tei magra ka nomi naokare. Ghotilo thosei mhaghu ba ghatho peapea ba nanga nomi ba farikha ghami!

Naba 14:9

Eghume ghotilo thosei figri tagruni Lord! Ghotilo thosei mhaghudi naikno te au ka vido tuana, naugna mare theome naba ka tahati! Tahati ginauna goigonidi mare! Lord na au baluda tahati sia, eghuteuna mana la uludihi nodi god mare re, eghume ghotilo thosei nanga nomi eghu!”

Jenesis 49:18

Aonu mae Jekop ne cheke eghu ka God, “Lord, iara ofo nigho mala mei fakarha ghau ka khamedi iheire te magnahaghei fakokhoana ghau iara igre.

Profet Jeremaea 3:23

Tutuani fara, puhi te tarai tafri ghehati ke kligna thogele igne theome mala togho ghami ghehati. Lord, nomi God, kaisei iagho ngala te nabamu nate fakarha ghami ghehati maemi Israel.

Nehemaea 9:9

“Eghuteuna kate au teku kuꞌemi ghehati Ijep ra, iagho neke filodi maedi Ijep gre neke paradi fara mare. Eghuteuna kate jifla mare Ijep te tei ka Thongna Ukru na iagho neke nomhidi mare neke tanhi ka iagho mala toghodi.

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”

Nodi Khoje Hatimare Mae Jiu 3:8

Lord, kaisei iagho ngala te au nolaghi te mala fakarha naikno na. Iara gne tore nigho mala fablahidi nou naikno igre.

Profet Isaia 26:3

Lord, iheire te ghatho tahu nigho fabrahu, ginauna toghodi mala au ka pharikeli, naugna mare ne rouronu nigho fabrahu.

Matiu 28:5

Engel na ne cheke eghu ka phei gaꞌase re, “Thosei mhaghu. Iara lase ghami ghopa hironi mae Jisas, mae ihei teke tupijuru mare ka gaju fafatha ia.

Profet Isaia 30:15

Lord nodi God maedi Israel te blahi igne, mana cheke eghu fabrahu, “Jame te koko ghotilo puhimi te diꞌare teke figri mei ka iara na, iara ginauna na fakarhi ghami ghotilo. Uve, jame te fatutuani ghau iara ghotilo te au kmu ka puhigu iara na, iara ginauna na farerheta ghami ghotilo. Nu ghotilo tiromi te eni igne na!

Profet Habaku 3:8

Lord, kate lhotidi iagho khoꞌu eghuteuna fofota thongna na teu igne, ba, iagho neke diꞌatamu ka ghehati sia? Theo! Kate mei toghodi iagho nou naiknore te mala uludi mae naokare, iagho neke mei jateula kaisei nou soldia nei hose nei chariot eghu.

Profet Hosia 13:9

“Ghotilo Israel. Iara ginauna roꞌe ghami ghotilo, naugna ghotilo ne figri tagru ghau iara mae ihei teke togho ghami ghotilo ia!

Jenesis 46:3

Aonu God ne cheke eghu ka mana, “Iara God, nogna God mae kmamu. Thosei mhaghu te tei Ijep na, naugna iara ginauna na fablahidi vikemu iagho gre mala vuragha jare Ijep.

Eksodas 20:20

Mae Moses ne cheke eghu, “Thosei mhaghu, God na mei mala fariuriu ghami ghotilo kolho, eghume ghotilo mala ghatho tahuni Mana eghuteuna ghotilo mala thosei eni kaisei nakhibo eghu.”

Ululahu Samuel 11:13

Nu mae Sol ne cheke eghu, “Theo. Tahati theome tangomana te aknu faleheni kaisei mae ka theda na, naugna Lord neke fakarhidi naiknodi Israel gre ka narane igne.”

Ululahu Samuel 12:16

“Ghotilo ginauna filodi glepo biꞌo nate edi mana ka ghotilo re.

Profet Isaia 7:4

Iagho cheke eghu ka mana, ‘King Ehas! Iagho thosei nanga nou nei mhaghu eghu! Iagho thosei snakreni gaoghathomu na mala glaꞌe soru. Fanomho mei sagho! Iagho thosei mhaghudi phei mae king tuare. Diꞌatadi phiamare ka iagho tuana jateula gagahudi phei nakrono te namo lehe ra eghu kolho.

Jenesis 26:24

Ka bongi tuana Lord ne thakle ka mae Isak ne cheke eghu ka mana, “Thosei mhaghu, iara nogna God mae kmamu iagho Ebraham. Iara neke eni kaisei nhaꞌa cheke ka mae Ebraham. Ka nhaꞌa cheke igne iara na au balumu iagho, nei fablahi nigho nei na fabruaradi eghu vikemu iagho gre.”

Nodi Khoje Hatimare Mae Jiu 68:21

Tutuani fara, God ginauna poposa phaꞌudi nogna naokare, eghuteuna rurhuja phaꞌudire naugna mare ne leghudi te fabrahu puhi te diꞌare.

Nodi Khoje Hatimare Mae Jiu 78:53

Mare ne sa tirodi mhaghu kolho, naugna mana ne batu fakeli ne tei kolho, nu nodi naokare ne knoho kolho ka thongna.

Nodi Khoje Hatimare Mae Jiu 91:8

Iagho ginauna na khogla filo tathamu kolho, kate paradi God naikno te diꞌare.

Profet Hosia 1:7

Nu iara ginauna kokhonidi naiknodi Juda igre mala toghodi. Iara nodi Lord God mare, eghuteuna iara ginauna fakarhidi. Theome ka naflahi, ka phaloho, ka jata, ba ka hose. Theo. Nu iara Lord, God mae ihei te au nolaghi fateote'o, iara ginauna fakarhidi.”