Eksodas 14:11 - Buka Blahi Ka Cheke Holo

¹¹ Naiknore ne jaola ne cheke eghu ka mae Moses, “Iagho mala atha mei ghami ghehati agne mala lehe ka namono nagou igne neku sia? Ba, la ikohila si beku Ijep ia? Jame te keli na ghehati jame au neku kolho Ijep mala lehe kolho jare.

Eksodas 14:11 ပူးပေါင်းရင်းမြစ်များ

Naba 11:15

Eghuteuna jame te eghu fabrahu iagho puhi igne ka iara na, falehe ghau iara gognarola. Nu te reireghi ghau iara iagho na, thofno lisa ghau iara ka glehe mala theome thoke ghau puhi!”

Naba 11:1

Aonu naiknore ne funu cheke faparini Lord, naugna mare ne au mei fara kmana puhi tadi. Kate nomhini igne, Lord ne thofno diꞌatagna fara, ne fasoru khaꞌaghi na ka mare, eghuteuna keha naikno ka mare ne lehe, eghuteuna keha vido, nei suga teu te au mare re ne nhako ka khaꞌaghi biꞌo na.

Naba 16:41

Ka keha narane na, naiknore mei ne cheke balu diꞌatadi ka Moses ghe pris biꞌo Eron ne cheke eghu, “Ei! Ghopa falehedi nogna naikno Lord re!” Eghuteuna kate cheke balu diꞌatadi te gnafa ka Moses ghe Eron na mare filo tei ka nogna Suga Tapuale te Blahi Lord na, ne filoni khoveo te toku tafru Suga Tapuale te Blahi na eghuteuna siasigla gna nogna nolaghi Lord na ne agha tongana ka vido tuana.

Eksodas 5:22

Aonu Moses figri ka Lord ne cheke eghu, “Lord! Naugna unha sagho te snakreni puhi biꞌo igne te thoke ghami ghehati nou naikno iagho grea? Lord, naugna unha sagho te kuru mei ghau iara ka namono igne te hata te mei puhi biꞌo igne ia?

Jenesis 43:6

Mae Jekop, mae ihei te kiloni la Israel gne ne cheke eghu, “Mala unha neku neke chekeni nga ghotilo ka mana te au teu mae tahimi na agne na? Ghotilo gne fakabruni fara nagnafagu iara na.”

Eksodas 5:21

Aonu mae greireghi igre ne cheke eghu ka Moses ghe Eron, “Snakreni Lord mala para ghami ghopa eidi glepo te edi ghopa igre. Ghopa eni king nei nogna funei mana igre mala theome magnahaghei ghami ghehati jateula mae ihei te theome magnahagheni glepo te siri diꞌagna fara ia neu. Ghopa ei puhi ranghidi mare mala falehe ghami ghehati!”

Eksodas 13:17

Ke leghugna te snakredi mae king gna Ijep gne naiknore te jifla Ijep na, God na neke theome batudi naiknore ka nabrou te namo te ratha te tei ka kantri Filistia. Naugna God na ne cheke eghu ka nagnafagna na, “Jame te leghuni naiknore u nabrou te namo igne na, naiknore ginau na filodi keha vike re te mei magridi na, eghuteuna mare tangomana teke tughu nagnafa teke figri Ijep na eghu.”

Eksodas 32:1

Kate filoni naiknore Moses te au raugha fara ka thogele na te theome faghose soru na, naiknore mei ne khegra faligohoni Eron, ne cheke eghu ka mana, “Unha te thokeni Moses mae ihei teke batu ghita teke mei funu Ijep igne? Glahu keha glepo diꞌa thokeni mana jau. Eghume ghehati magnahaghei nigho iagho te horo kaisei noda god, mala ke batu ghita.”

Naba 14:22

Theo kaisei naikno ka mare te ginau tei ka vido Kenan na. Mare filodihi nogu nolaghi nei khofubobhoi teke edi iara Ijep nei ka namono nagou teure. Nu neubane eghu ngau mare theome ke leghu ghau iara kolho nei mare fariuriu ghau iara nabotho fata.