Eksodas 13:9 - Buka Blahi Ka Cheke Holo

⁹ U gaghamu igne jateula kaisei tuthuana te lilisei ghotilo ka khamemi nei ka greremi teura eghu mala nu iju poloni nei toutonuni eghu ghotilo ka goro suare unha teke eni Lord ranghi ghami ghotilo kani teke jifla ghotilo Ijep ia.

Eksodas 13:9 ပူးပေါင်းရင်းမြစ်များ

Diutronomi 6:8

Ghotilo rioriso soru cheke igre, eghuteuna haru famaku jateula kaisei tuthuana eghu ka khamemi nei ka greremi teu are.

Naba 15:39

Gnarho kmo'e te susuki fodu mare igre mala fagaglana gna nogu cheke iara na. Eghuteuna kate filodi mare gnarho kmo'e igre, mare ginau ke ghathodi nogu farirhiu iara re nei leghudi eghu. Ka puhi igne mare ginauna theome tangomana te leghudi nodi gaoghatho thedire, nei mare ginauna theome tangomana te leghudi unha te magnahaghei mare na.

Eksodas 13:16

Ghehati eni igne mala ke ghatho fapuloni Lord teke atha fajifla ghami Ijep te batu mei ghami agne ka nogna nolaghi na. Puhi igne jateula kaisei tuthuana eghu ka khamemi nei ka greremi teu gre mala ghathoni fabrahu ka nagnafami re.”

Eksodas 12:14

“Ghotilo mala ghathoni fabrahu narane tuthuana igne leuleghu finogha. Ghotilo mala gleale'a balu gaghamu biꞌo eigna unha teke eni iara ranghi ghami ghotilo na. Eghuteuna iheire nate karha mei ke leghumi ghotilo ginau re mala jaola eni gaghamu biꞌo igne.”

Letas Teke Riso Tei Mae Pol Ka Khiloau Rom 10:8

Igne unha te chekeni ka grioriso te blahi na, “Chekegna God na la ari posahi ka iagho. Cheke igne la auhi ka foflomu iagho na nei la auhi ka nagnafamu iagho na.” Igne u farirhiu eigna u fatutuani te mala toutonuni koba tahati na.

Profet Isaia 59:21

“Igne nogu nhaꞌa cheke iara na: Iara lisei soru Tharungagu na ka ghotilo, eghuteuna iara neke tusu arihi ka ghotilo nogu farirhiu ra. Eghuteuna phei glepo igre, Tharunga ghe Farirhiu ginauna au fabrahu balumi ghotilo. Phei glepo igre ginauna na au fabrahu baludi thumi ghotilore, eghuteuna jaola au baludi iheire nate karha mei ke leghumi ghotilore tifa tifa.” Igne chekegna Lord.

Matiu 23:5

“Gaoghatho te edi mare glepo te keli igre mala filo naiknore eghu kolho. Mare hohoro fabiꞌo bokisidi grioriso te blahi igre ne haru ka greredi nei khamedi teure. Eghuteuna mare jaola hohoro fabrahu nodi phoko mala tarai re.

Diutronomi 30:14

Vetula igne au ngala balumi ghotilo. Ghotilo la lasenihi, eghuteuna ghotilo tangomana te iju poloni, eghume ghotilo tangomana te leghuni na.

Eksodas 13:3

Mae Moses ne cheke eghu ka naiknore, “Thosei ghatho ihoni narane igne ghotilo ia, eigna ka narane igne na Lord neke atha fajifla ghita tahati ka nogna nolaghi te biꞌo na kani au sosolo teku tahati Ijep tifa na. Eghume ka narane te ghathoni tahati igne na ghotilo thosei ima bret te au isi tagna na.

Thakle 18:8

Naugna igne kmana papara biꞌo ginauna thokeni naꞌa ke lamnagna kaisei narane kolho. Tutuani ginauna fograre nei glehe rofo na mei, eghuteuna naꞌa ginauna tanhi fabiꞌo eigna te kabru ghegna na. Eghuteuna naꞌa ginauna nhako ka khaꞌaghi. Naugna Lord God mae ihei te fateni namono igne thono nafnakno fara.”

Profet Joel 2:11

Aonu Lord ne eha fabiꞌo ka cheche te jateula nogna mae soldia teu mana igre. Aonu naoglagna mana igne thono biꞌo fara jateula te poha fila ra eghu. Neuba, cheche igre ne kmana fara nei nolaghi fara neu, rehati na leghuni kolho nogna cheke mana na. Eghume, nogna Narane Lord igne ginauna ninhigrana fara. Ihei gne te nabagna nate khegra heta kate thoke mei Narane igne na? Thono theo fara.

Profet Jeremaea 22:24

“Iara Lord, mae ihei te karha te tifa, iara na cheke ranghi nigho Jehoiakin thugna mae Jehoiakim king gna Juda. Neuba iagho ne lilisei ring fei khame nhetamu fagaglana gna nogna nolaghi biꞌo king na, iara ginauna atha fadelei ka iagho nolaghi biꞌo tuana.

Profet Isaia 51:9

Lord, dofra sagho mala mei balu nou nolaghi biꞌo mala togho ghami ghehati, jateula teke eni iagho tifa ia eghu. Iagho neke vuri kusi mogo biꞌo Rehab te au ke lamna nhorora igne.

Profet Isaia 49:16

Tutuani fara, iara theome tangomana te ghatho iho ghami ghotilo na. Iara la riorisohi nanghami ghotilore ka phei khamegu thegu gre.

Profet Isaia 40:10

Uve, Lord na la mei mala funei fruni ka nogna nolaghi biꞌo. Eghuteuna mana hata mei balugna taba tela ulunihi mana na.

Profet Isaia 27:1

Ka narane tuana, Lord ginauna parani mogo biꞌo ka thongna te kiloi Leviatana. Mana ginauna hata nogna naflahi fnonu na mala aknu falehe mogo igne.

Proveb 3:21

Thuguo, iagho filo fakeli nei loku famaku eghu ka nou gaoghatho te keli, nei ka nou glalase. Glahu ghatho ihodi iagho phei glepo igre.

Proveb 1:9

Nodi farirhiu repa igre ginauna togho nigho iagho mala naikno keli, jateula te jukla famane sisi ka phaꞌumi nei babaꞌo famane khekeve te siasigla ka graramu ra eghu.

Nodi Khoje Hatimare Mae Jiu 89:13

Lord God, iagho ngala te au nolaghi te mala vuavuhadi gobigna lepore! Uve, nou nolaghi iagho na thono biꞌo fara.

Nehemaea 1:10

“Naikno igre nou naikno gloku iagho nei nou naikno iagho. Iagho fakarhidi ka nou nolaghi biꞌo nei nou nanheta.

Diutronomi 6:6

Ghotilo mala au gaoghathomi fabrahu ka cheke te tusu ari iara ka ghotilo gognarogne.

Famane Khoje 8:6

Iagho those ghathodi keha gaꞌasei. Iagho lisei ghau iara thegu kolho lamna ka nagnafamu na. Jateula te theome tangomana kaisei naikno te fanogrini glehe na, theome kaisei naikno tangomana te fanogrini noda namha tapa igne. Puhi te fari magnahaghei fara tapa igne, theome tangomana te gnafa na, jateula naikno na theome tangomana te rikhani Beku na. Uve, noda namha tapa na jateula kaisei khaꞌaghi biꞌo te dudulu fabiꞌo fara ra eghu.

Proveb 7:23

Nu mae igne theome laseni nate sukha jata na. Mana jateula kaisei nanghaji te flalo nu khale lamna fangna, eghuteuna theome laseni kolho te leghuni teu nabrou glehe na.

Eksodas 3:20

Iara ginauna loku ka nogu nolaghi mala edi kmana nafnata kofubobhoi ka tathadi naiknodi Ijep, mala mhaghu nei paradi eghu mare. Eghuteuna ke leghugna igne, king ginauna snakre ghami mala jifla ghotilo.

Eksodas 7:4

Eghume iara ginauna thofno paradi fara naiknodi Ijep ka nogu nolaghi na, eghuteuna ke leghu na, iara ginauna batu ghami ghotilo vikegna Israel nogu naikno iara ra mala jifla ka namono igne.

Eksodas 13:14

“Nathuꞌu nauriha na, thumi ghotilo re ginau na ghusna eghu ka ghotilo, ‘Unha eghu gaoghathodire si puhi igrea?’ Ghotilo cheke eghu ranghidi, ‘Ghehati neke au sosolo jare Ijep, eghuteuna Lord neke fakarhi ghami ghehati ka nogna nolaghi biꞌo na neke atha mei ghami ghehati agne.

Nodi Khoje Hatimare Mae Jiu 136:12

Mana hata fajifladi ka nogna nolaghi te biꞌo fara. Mana ne namha ghita tahati tifa tifa.

Profet Isaia 44:5

Eghuteuna keha naiknodi ka keha kantri are ginauna fatutuani ghau iara. Keha ka mare ginauna cheke eghu, ‘Iara nogna Lord.’ Eghuteuna kehare ginauna cheke eghu, ‘Iara vikegna Jekop.’ Eghuteuna kehare ginauna rioriso nanghagu iara na ka khamedire. Eghuteuna kehare ginauna kilodi thedi naiknodi Israel.”

Diutronomi 5:15

Ghotilo ke ghatho fapulodi narane teke sneka ghotilo Ijep tifa ra, nu iara Lord, nomi God ghotilo, iara neke hata fajifla ghami ghotilo jare ka khame nhetagu iara. Naugna igne iara Lord nomi God ghotilo te cheke faheta ka ghotilo mala gnafa ka narane Sabat.

Diutronomi 6:21

Ghotilo ginauna cheke eghu ranghidi, ‘Tifa na ghehati neke nogna sneka king gna Ijep. Nu Lord neke mei fakarhi ghami ghehati Ijep ka nogna nolaghi biꞌo na.

Jajis 2:12

Lord ngala nodi God ku'edi mare ra, eghuteuna mana ngala teke atha fajifladi mare Ijep. Neuba ne eghu ngau, mare theome ghatho tahuni mana eghuteuna mare tarai ka nodi god naikno te au faligohodi mare. Aonu Lord ne thofno diꞌatagna fara ka mare.

Nodi Khoje Hatimare Mae Jiu 136:11

Mana neke hata naiknodi Israel neke jifla Ijep. Mana ne namha ghita tahati tifa tifa.

Profet Daniel 9:15

“Lord, iagho nomi God ghehati. Tifa na iagho neke hata fajifla ghami Ijep. Eghuteuna naiknore ghatho tahuni nou nolaghi biꞌo iagho na. Nu funu tifa te ghilei mei posa ka narane gognarogne, ghehati tapla jafra fabrahu ka nakhibo.