Eksodas 13:3 - Buka Blahi Ka Cheke Holo

³ Mae Moses ne cheke eghu ka naiknore, “Thosei ghatho ihoni narane igne ghotilo ia, eigna ka narane igne na Lord neke atha fajifla ghita tahati ka nogna nolaghi te biꞌo na kani au sosolo teku tahati Ijep tifa na. Eghume ka narane te ghathoni tahati igne na ghotilo thosei ima bret te au isi tagna na.

Eksodas 13:3 ပူးပေါင်းရင်းမြစ်များ

Diutronomi 24:18

Leuleghu fata na ghotilo ke ghathoni teke sneka ghotilo Ijep ia, eghuteuna Lord nomi God neke hata fajifla ghami ka na au sosolo igne. Naugna igne iara tusu ari ka ghotilo nafnata vetula igre.

Diutronomi 5:15

Ghotilo ke ghatho fapulodi narane teke sneka ghotilo Ijep tifa ra, nu iara Lord, nomi God ghotilo, iara neke hata fajifla ghami ghotilo jare ka khame nhetagu iara. Naugna igne iara Lord nomi God ghotilo te cheke faheta ka ghotilo mala gnafa ka narane Sabat.

Eksodas 20:2

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Diutronomi 16:12

Ghotilo ke ghatho fapulodi narane teke au sneka Ijep ra, eghume ghotilo mala thofno leghudi vetula igre.”

Diutronomi 5:6

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Diutronomi 15:15

Ghotilo ke ghathodi narane teke sneka ghotilo Ijep ra eghuteuna Lord nomi God neke hata fajifla ghami ka khamegna Fero, king gna Ijep. Naugna igne teke cheke faheta iara ka ghotilo gognarogne.

Diutronomi 6:12

ghotilo fiofilo ghami eghu, glahu ghatho ihoni ghotilo Lord mae ihei teke hata fajifla ghami Ijep ka namono aheva teke loku jateula naikno sneka teku ghotilo ra.

Diutronomi 16:3

Eghuteuna kate ghamu ghotilo gaghamu igne, ghotilo ghamu bret te theo isi gna na. Ka fitu narane igre ghotilo ghamu bret te theo isi tagna na. Igne unha teke ghamu tahati kani teke papara fara teke ghosei teke jifla Ijep. Ka puhi igne ghotilo tangomana te ghathoni fabrahu nakarhami ghotilo ka narane teke jifla ghotilo Ijep.

Diutronomi 8:14

Jame te theome filo fakeli ghotilo na, ghotilo tangomana te ghatho tahu ghami themi, eghuteuna ghotilo ginauna ghatho ihoni Lord nomi God. Mae ihei teke hata fajifla ghami ka naꞌau papara Ijep kani teke au sneka jare ia.

Eksodas 13:14

“Nathuꞌu nauriha na, thumi ghotilo re ginau na ghusna eghu ka ghotilo, ‘Unha eghu gaoghathodire si puhi igrea?’ Ghotilo cheke eghu ranghidi, ‘Ghehati neke au sosolo jare Ijep, eghuteuna Lord neke fakarhi ghami ghehati ka nogna nolaghi biꞌo na neke atha mei ghami ghehati agne.

Josua 24:17

Kani teke loku jateula naikno sneka teku kuꞌeda ka namono Ijep tifa ra, Lord noda God mae ihei teke hata fajifla ghita mala snagla tahati hui, eghuteuna ghehati neke filodi kofubobhoi teke edi mana ka narane tuare. Mana neke reireghi fakeli ghita ka vido te gnafa aheva teke tei tahati ra, nei ka tathadi naikno teke tei salaꞌu tahati ka nodi glose mare ra.

Diutronomi 13:10

Iagho fadi faleheni mana ka thina, naugna mana ne fariuriu batu fadelei nigho iagho ka Lord nomi God ghotilo na, mae ihei teke fakarhi ghami ghotilo Ijep ka namono teke sneka ghotilo tagna ia.

Diutronomi 24:22

Leuleghu fata na ghotilo ghathoni narane teke sneka ghotilo Ijep ia. Naugna igne te tusu ari iara nafnata vetula igre ka ghotilo.”

Eksodas 12:42

Ka bongi te jifla mare Ijep igne, Lord ne reireghi fakelidi ne jifla Ijep. Eghume leuleghu finogha na mae Israel gre ghathoni fabrahu bongi igne mala tarai ka Lord.

Diutronomi 13:5

Tifa na ghotilo neke sneka Ijep, eghuteuna Lord neke hata fajifla ghami neke fakarhi ghami ghotilo. Eghume ghotilo mala aknu falehe mae profet te fariuriu batu fadelei ghami ghotilo are, eigna mare magnahaghei ghami ghotilo te figri tagruni Lord nomi God, mala thosei ke eni mare puhi te batu fadiꞌadi naiknore igne.

Diutronomi 4:34

Ba, keha god au aheva nga teke tei ka kaisei kantri teke hata fajifla naikno ka namono igne te mala nogna naikno thegna na? Theo! Nu Lord neke tei Ijep neke hata fajifla ghita ka khame nhetagna. Ghotilo neke filo tathami unha teke eni Lord nomi God, mana neke hata fajifla ghami ghotilo Ijep, mana neke loku ka puhi biꞌo, nei ka kofubobhoi, nei ka nolaghi, nei ka magra biꞌo, nei ka glepo te mamhaghuana fara.

Eksodas 23:15

“Ghotilo mala khapru ka Gaghamu biꞌo eigna Bret te Theo Isi gna igne mala tarai jateula teke chekeni iara ka ghotilo ia eghu. Ghotilo mala ima bret te theo isi gna igne nabagna fitu narane ka narane teke lilisei iara ka nhigra Abib, naugna ka nhigra igne ngala teke jifla ghotilo Ijep na. “Eghume kate mei ghotilo ka iara na, ghotilo mala atha mei balumi kaisei famane glepo mala fafara ka iara.

Eksodas 20:8

“Ghatho tahuni narane Sabat gne nogu narane iara.

Eksodas 12:19

Ka fitu narane igre na theome magnahagheni te filoni kaisei isi ka sugami ghotilo re, ba ka sugadi iheire te posa mei te au balumi ghotilo are. Jame kaisei naikno ka ghotilo te ima u bret te au isi tagna na, ghotilo fa au kosini naikno tuana ka vikegna Israel.”

Eksodas 12:8

Ka bongi tuana, ghotilo na gogoꞌo u nafnahi gna sipu ba u nanigot na ka khaꞌaghi. Eghuteuna ghotilo ima nafnahi balu khuromu te raha, nei bret te theo isi gna.

Eksodas 6:1

Aonu Lord ne cheke eghu ka Moses, “Theome raugha iagho ginauna filoni unha nate eni iara ka king gna Ijep. Iara ginauna loku ka nogu nolaghi biꞌo na ranghini mana, mala snakredi mana nogu naikno iara gre mala jifla tei mare. Uve, mana ginauna huhurudi mala jifla mare ka nogna kantri na.”

Eksodas 3:20

Iara ginauna loku ka nogu nolaghi mala edi kmana nafnata kofubobhoi ka tathadi naiknodi Ijep, mala mhaghu nei paradi eghu mare. Eghuteuna ke leghugna igne, king ginauna snakre ghami mala jifla ghotilo.

Eksodas 12:15

Lord neke cheke eghu, “Naba fitu narane te mala ima ghotilo u bret te theo isi gna na ia. Ka narane ulu lahu na, ghotilo mala koko isi te au ka sugami re. Eghuteuna jame kaisei naikno ka ghotilo ima bret te au isi tagna na funu ka narane ulu lahu na te ghilei thoke ka fafitu narane na, ghotilo lisei fakosini naikno tuana ke kosigna vikegna Israel.

Nodi Khoje Hatimare Mae Jiu 105:5

Tahati gne, karha mei ka vikegna mae Ebraham, nogna mae gloku Lord. Eghuteuna tahati jaola karha mei ka vikegna Jekop, mae ihei teke vavahi God. Tahati mala ghathodi koba u kofubobhoi teke edi mana ra, nei puhi te fatedi mana hatimare mae naokara.

Efesus 1:19

Jaola mala filo glanini ghotilo thofno nogna nolaghi te heta fara te loku ke lamnadi iheire te fatutuani ni mana. Nolaghi biꞌo te loku ke lamnada igne u nolaghi teke fakarha fapuloni mae Kraes kau glehe ia, eghuteuna fagnokroni ka sape nafnakno fei nhetagna kligna.

Ululahu Korin 11:24

neke cheke fakelini ka God. Mana piepike bret na ne tusu ranghidi nogna mae fanomhore neke cheke eghu, “Igne thinigu iara na malami ghotilo. Hata ima, mala ghatho fapulo ghau iara.”

Ululahu Korin 5:8

Eghume kate leghuni tahati Kraes ka nakarha majaghani na, theome tangomana tahati te edi nafnata nakhibo ba nafnata puhi te diꞌa teke edi tifa ra. Nu te edi tahati puhi tuare jateula isi te fabiꞌo bret ia eghu. Nu tahati mala jateula bret te theo kaisei isi ka noda Gaghamu Ghasa-Polho na ia eghu mala doglo nei cheke kate tutuani.

Luku 22:19

Ke leghugna igne, mana hata bret na, ne cheke fakelini ka God, mana piepike ne tufa ka mae fanomhore. Aonu mana ne cheke eghu, “Igne thinigu iara na, iara tusu ari ka ghotilo mala fakarha ghami ghotilo. Ima igne mala ghatho fapulo ghau iara.”

Nehemaea 9:10

Iagho neke edi fagaglana nei kofubobhoi biꞌo neke jaglo nodi naiknore. Ka puhi igne iagho neke tapla faparini king gna Ijep, baludi nogna mae biꞌo nei keha naikno gna kantri tuana. Naugna iagho lasedi naikno igre fahaehaghe fara, eghuteuna mare paradi fara nou naikno iagho re. Ka puhi igne, iagho fakakhana nou nolaghi na ka mare. Eghuteuna nanghamu iagho na fnakno klignalahu ghilei mei posa gognarogne.

Ululahu Kronikols 16:12

Tahati neke karha mei ka vikegna Israel, nogna mae gloku Lord. Eghuteuna tahati goro thugna mae Jekop, mae ihei Lord teke vahini. Leuleghu fata na tahati mala ghathodi kofubobhoi teke edi mana ra, ba puhi te fatedi mana mae naoka ra.

Matiu 10:12

Kate ruma ghotilo ka suga tuana, chekeni, ‘Pharikeli na au balumi ghotilo.’

Eksodas 6:6

“Eghume, iagho tei cheke eghu ka naiknodi Israel ra, ‘Iara Lord. Iara ginauna fakarhi ghami ka gloku biꞌo naiknodi Ijep te huhuru ghami mala edi ghotilo teu are. Iara ginauna fasnagli ghami mala theome sneka ghotilo ka naiknodi Ijep. Iara ginauna paradi mare, eghuteuna iara ginauna hata fajifla ghami mala snagla tei ghotilo ka nogu nolaghi biꞌo iara.

Eksodas 7:4

Eghume iara ginauna thofno paradi fara naiknodi Ijep ka nogu nolaghi na, eghuteuna ke leghu na, iara ginauna batu ghami ghotilo vikegna Israel nogu naikno iara ra mala jifla ka namono igne.

Eksodas 12:17

“Ghotilo mala ei Gaghamu biꞌo eigna u Bret te Theo Isi gna na. Igne kaisei nomi narane biꞌo ghotilo te mala ghathoni ghotilo leuleghu finogha na. Naugna ka narane ulu lahu ka fafitu narane na, iara neke atha fajifla ghami ghotilo Ijep.

Eksodas 13:9

U gaghamu igne jateula kaisei tuthuana te lilisei ghotilo ka khamemi nei ka greremi teura eghu mala nu iju poloni nei toutonuni eghu ghotilo ka goro suare unha teke eni Lord ranghi ghami ghotilo kani teke jifla ghotilo Ijep ia.

Diutronomi 7:8

Nu naugna mana namha ghami ghotilo, eghuteuna mana leghuni nhaꞌa cheke teke eni mana baludi kuꞌemi ghotilo tifa ra, mana neke fakarhi ghami ghotilo ka nogna nolaghi biꞌo na kani teke hata fajifla ghami ka khamegna king gna Ijep mala theome sneka ghotilo.

Nodi Khoje Hatimare Mae Jiu 114:1

Tahati naiknoda Juda ra kafe vikegna ngala mae Israel, mae ku'eda Jekop tifa ia. Kani teke jifla tahati Ijep ia God neke eni ghita tahati mala nogna naikno mana.

Nodi Khoje Hatimare Mae Jiu 136:11

Mana neke hata naiknodi Israel neke jifla Ijep. Mana ne namha ghita tahati tifa tifa.

Jenesis 15:16

Gramu iagho re ginauna na theome ghosei ke pulo mei ka namono igne. Mare nake pulo mei ka namono igne kate thokeni mare fati phagusu na. Naugna naiknodi Amor gre ginauna kulu edi kmana glepo te diꞌa fara ka namono igne. Ke leghugna igne, iara ginauna na paradi nei kuru fajifladi eghu naikno tuare ka namono igne.”

Eksodas 6:7

Ka puhi igne, iara ginauna hata ghami ghotilo mala jateula nogu naikno eghu iara, eghuteuna iara nomi God ghotilo. Eghuteuna ghotilo ginauna laseni te iara Lord, nomi God ghotilo, eigna iara ginauna fakarhi ghami ghotilo ka gloku biꞌo naiknodi Ijep te huhuru ghami mala edi ghotilo teu are.

Eksodas 12:2

“Uve, nhigra igne te ulu lahu ka nomi finogha ghotilo ia.

Eksodas 34:18

“Leuleghu finogha, ka nhigra Abib, ghotilo mala ghathoni fabrahu eigna Narane biꞌo gna Bret te Theo Isi gna. Ka narane tuana, ghotilo ginauna ghamu kolho bret te theo isi gna na ghilei thokeni fafitu narane na jateula teke chekenihi iara ka ghotilo ia eghu. Naugna ka nhigra tuana, ghotilo neke jifla mei funumi Ijep.

Diutronomi 6:21

Ghotilo ginauna cheke eghu ranghidi, ‘Tifa na ghehati neke nogna sneka king gna Ijep. Nu Lord neke mei fakarhi ghami ghehati Ijep ka nogna nolaghi biꞌo na.

Diutronomi 9:12

Aonu Lord ne cheke eghu ka iara, ‘Moses, faghose sukha, naugna naikno teke hata fajifla iagho Ijep igre gognarona la fadiꞌadi thedi. Mare la koko puhi teke cheke ranghidi iara mala leghuni mare teku igne. Mare horo kaisei nodi mumuju ka gol mala tarai.’

Diutronomi 13:6

“Neubane thabusimi, ba thumu, ba khetomu ihei iagho te namhani fara, ba kaisei mae kheramu fofodu keli, jame kaisei ka mare mei cheke poru eghu ka iagho, ‘Tapa ari mala tarai ka keha god delei,’ iagho thosei fanomho ka mana! Jau mana magnahaghei ghami ghopa te tei tarai ka nodi god naikno te au rhemi ghotilo are, ba nodi god naikno te au khaba ka ghotilo are. Jau mana magnahaghei ghami ghopa te tei tarai ka nodi god naikno te au ka glose igne, god teke theome lasedi ghotilo nei kuꞌemi tifa ra. Nu iagho thosei fanomho tagna. Eghuteuna iagho thosei diꞌanagnafamu, nei iagho thosei pophoru mae igne mala theome thokeni mana papara na.

Diutronomi 13:11

Aonu kate eni iagho igne na, naikno te gnafa Israel igre ginauna nomhini igne na mhaghu nodi fara. Eghume ginauna na theo kaisei ka ghotilo na teke eni puhi te diꞌa igne na.

Diutronomi 16:1

Aonu mae Moses ne cheke eghu, “Leuleghu finogha, ka nhigra Abib, ghotilo ei Gaghamu Ghasa-Polho. Ghotilo eni gaghamu igne, naugna kaisei bongi ka nhigra Abib, Lord, nomi God ghotilo na neke hata fajifla ghami ghotilo Ijep.

Diutronomi 26:8

Aonu Lord hata fajifla ghami Ijep ka khame nhetagna mana. Kate hata fajifla ghami mana Ijep mana neke edi kmana kofubobhoi nei nolaghi, nei glepo te mamhaghuana fara.

Jajis 2:12

Lord ngala nodi God ku'edi mare ra, eghuteuna mana ngala teke atha fajifladi mare Ijep. Neuba ne eghu ngau, mare theome ghatho tahuni mana eghuteuna mare tarai ka nodi god naikno te au faligohodi mare. Aonu Lord ne thofno diꞌatagna fara ka mare.

Jajis 6:8

Eghume, Lord ne kuruni kaisei profet mala chekeni nogna cheke na. Profet igne ne cheke eghu, “Igne nogna cheke Lord nodi God maedi Israel. Mana neke cheke eghu: Kani teke sneka Ijep kuꞌeda tifa ra, iara thegu ngala teke hata fajifladire.

Nehemaea 1:10

“Naikno igre nou naikno gloku iagho nei nou naikno iagho. Iagho fakarhidi ka nou nolaghi biꞌo nei nou nanheta.

Nodi Khoje Hatimare Mae Jiu 89:14

Iaghou ngala King na eghuteuna puhimu iaghore kafe doglo fara. Iagho fatedi koba naiknore ka puhi te doglo fara. Gobigna lepo te edi iagho re falaseni nou namha biꞌo iagho na ka naiknore, eghuteuna iagho tajini fabrahu nou nhaꞌa cheke na.

Nodi Khoje Hatimare Mae Jiu 136:12

Mana hata fajifladi ka nogna nolaghi te biꞌo fara. Mana ne namha ghita tahati tifa tifa.

Profet Jeremaea 34:13

Eghuteuna profet ne cheke eghu, “Ghotilo vikegna Israel. Igne unha te chekeni Lord nodi God maedi Israel: Tifa na iara neke atha kuꞌemi ghotilo ra neke jifla Ijep. Mare neke loku jateula naikno sneka neku jare, nu iara neke snakredi mare mala snagla jifla tei. Ka narane tuana, iara neke eni kaisei nhaꞌa cheke baludi neke cheke eghu,

Profet Daniel 9:15

“Lord, iagho nomi God ghehati. Tifa na iagho neke hata fajifla ghami Ijep. Eghuteuna naiknore ghatho tahuni nou nolaghi biꞌo iagho na. Nu funu tifa te ghilei mei posa ka narane gognarogne, ghehati tapla jafra fabrahu ka nakhibo.