Eksodas 13:21 - Buka Blahi Ka Cheke Holo

^21-22 Fei narane na, Lord ne tei ke uludi nogna naiknore ke lamna khoveo te thuta te mala falalase ranghidi u nabrou na. Eghuteuna fei bongi mana tei ke uludi ka khaꞌaghi. Ka puhi igne Lord tangomana te batudi leghu fata fei narane ba fei bongi na.

Eksodas 13:21 ပူးပေါင်းရင်းမြစ်များ

Nehemaea 9:12

Ka narane na, iagho au ke lamna grokho biꞌo mala tei ke uludi mala leghu nigho mare. Eghuteuna ka bongi na, iagho au ke lamna khaꞌaghi biꞌo, eghuteuna naphaemu iagho na falalase nabroudi mare.

Nodi Khoje Hatimare Mae Jiu 99:7

Mana neke cheke mei ka mare ka kaisei khoveo biꞌo te kegra fadoglo haghe ka maloa na. Eghume mare neke leghuni nogna farirhiu teke tusu ranghidi na neke leghuni nogna vetula mana na.

Nodi Khoje Hatimare Mae Jiu 105:39

God ne lilisei kaisei khoveo mala reireghidi nogna naiknore, eghuteuna ka bongiro na mana lilisei kaisei khaꞌaghi biꞌo mala faphaedi.

Nodi Khoje Hatimare Mae Jiu 78:14

Ka narane tuana, mana neke eni kaisei nafnata khoveo mala batudi mare, eghuteuna fei bongiro na, mana neke batudi ka naphaegna kaisei nafnata khaꞌaghi.

Nehemaea 9:19

“Naugna puhimu iagho te thofno kokhonidi naiknore, iagho neke theome lisa kokodi jare ka namono nagou na. Ka narane na gromno na kegra fadoglo haghe ne batudi ka nabrou na. Ka bongi na khaꞌaghi na kegra fadoglo haghe ne falalase ranghidi nabrou na.

Naba 14:14

Eghuteuna naiknodi Ijep gre na cheke eigna igne ka iheire naikno te au ka vido tuana. Mare la kulu nomhini hila eimu iagho na sia Lord. Mare la kulu laseni hila te au iagho baludi nou naiknore nei fakakhana nigho themu teu ka nou naiknore. Mare la kulu laseni hila eigna nou khoveo iagho te au ke klignadi te batudi iagho nou naiknore ka gromno fei narane nei khaꞌaghi fei bongiro teuna.

Naba 10:34

Eghuteuna leuleghu narane kate tei mare ka keha vido re, nogna gromno Lord na au koba ke klignadi mare.

Eksodas 16:10

Aonu kate cheke teu mae Eron ka naiknore na, naiknore ne figri lao neu fei namono nagou, eghuteuna siasigla gna Lord na ne megei nga ne thakle mei ka khoveo na.

Diutronomi 31:8

Lord thegna ginauna batu ghami ghotilo, eghuteuna mana ginauna au balumi ghotilo. Mana ginauna theome tangomana nate lisa koko ghami ghotilo na, eghume gaoghathomi ghotilo re mala theome glaꞌe soru nei mhaghu eghu.”

Nodi Khoje Hatimare Mae Jiu 68:7

God, kani teke batudi teke mei iagho naiknore funudi Ijep tifa ia, iagho neke hata fakasadi ka namono nagou na.

Nodi Khoje Hatimare Mae Jiu 77:20

Kani teke batudi iagho mae Moses ghe mae Eron ra, iagho jaola neke batudi nei reireghidi eghu naiknore jateula kaisei mae te batudi nei reireghidi teu nogna sipura neku.

Famane Khoje 3:6

Ihei site jifla mei funu ka namono nagou jateula gagahu khaꞌaghi biꞌo teu gnea? Sisirigna gna thofno famane fara, jateula sisirigna famane insens, teke atha teke mei mae bisnis funu ka vido khaba fara.

Eksodas 10:10

Nu mae king ne cheke eghu ka mae Moses, “Iara na theome toreni Lord mala fablahi ghami ghotilo. Eghume iara na theome snakre ghami ghotilo te atha balumi goro gaꞌase nei goro sua gre teuna. Thono theo fara! Te laseni iara na, ghotilo magnahaghei te eꞌei puhi diꞌa ranghi ghami ghehati kolho.

Eksodas 32:1

Kate filoni naiknore Moses te au raugha fara ka thogele na te theome faghose soru na, naiknore mei ne khegra faligohoni Eron, ne cheke eghu ka mana, “Unha te thokeni Moses mae ihei teke batu ghita teke mei funu Ijep igne? Glahu keha glepo diꞌa thokeni mana jau. Eghume ghehati magnahaghei nigho iagho te horo kaisei noda god, mala ke batu ghita.”