Eksodas 13:19 - Buka Blahi Ka Cheke Holo

¹⁹ Tifa na mae Josep neke kulu cheke eghu, “God ginau na atha fajifla ghami ghotilo agne Ijep. Te eghu na, ghotilo mala atha nhubragu iara re mala tei balumi.” Hatimare mae Israel gre neke eni u nhaꞌa cheke igne. Aonu mae Moses ne atha nhubragna mae Josep re ne tei baludi.

Eksodas 13:19 ပူးပေါင်းရင်းမြစ်များ

Josua 24:32

Kate jifla Ijep naiknodi Israel tifa igre, mare neke hata nhubragna Josep baludi ne tei giugilui nhubragna mana re Sekem. Mare neke giugiluni mana ka kaisei vido glose teke foli kmagna mana Jekop ka kaisei gobi silva ka vikegna Hamoa mae ihei teke eni namono Sekem. Glose igne kaisei vido ka nodi glose vikegna Josep.

Mae Khuru 7:16

naiknore neke kafe hata fapulo thinidi mare re mala ke giugilui Sikem ka gluma teke foli ka sileni mae Ebraham tifa ka thugna mae Hemo re.

Jenesis 48:21

Aonu mana ne cheke eghu ka mae Josep, “Fanomho iagho ia. Iara gne la namo lehe. Nu God ginauna na au balumi ghotilo eghuteuna mana ginauna nake hata fafigri ghami ghotilo ka namonodi kuꞌemi ra.

Luku 7:16

Iheire teke au tekeu jare ka vido tuana ne kafe jaglo nodi fara, ne kilo fnaknoni God. Mare ne cheke eghu, “Kaisei mae profet biꞌo la thakle mei farihoteida tahati! God na la mei mala toghodi nogna naiknore!”

Luku 1:58

Eghuteuna, kheragna nei vikegna teu Elisabet re ne nomhini te thono keli fara Lord ranghini naꞌa na ne kafe gleale'a.

Eksodas 4:31

Mare te gnafa na ne kafe fatutuani eigna Lord teke kuru meini Moses. Eghuteuna kate nomhini Lord te kokhonidi naiknore, nei filo glanidi nodi naꞌau papara re teuna, naiknore pogho soru ne tarai ka Lord.

Mae Khuru 7:15

Eghuteuna mae Jekop na soru ne au jare Ijep. Kate lehe mana jare baludi mae thugnare,

Hibru 11:22

Mae Josep neke fatutuani ni God. Naugna igne, kate namo lehe na, mana ne cheke eigna narane naiknodi Israel nate jifla Ijep. Eghuteuna mana cheke ka mare mala atha baludi nhubragnare kau narane nate jifla Ijep.