Eksodas 13:17 - Buka Blahi Ka Cheke Holo

¹⁷ Ke leghugna te snakredi mae king gna Ijep gne naiknore te jifla Ijep na, God na neke theome batudi naiknore ka nabrou te namo te ratha te tei ka kantri Filistia. Naugna God na ne cheke eghu ka nagnafagna na, “Jame te leghuni naiknore u nabrou te namo igne na, naiknore ginau na filodi keha vike re te mei magridi na, eghuteuna mare tangomana teke tughu nagnafa teke figri Ijep na eghu.”

Eksodas 13:17 ပူးပေါင်းရင်းမြစ်များ

Nehemaea 9:17

Mare tirodi fanomho ka iagho, eghuteuna mare ghatho ihodi kofubobhoi teke edi iagho ka mare ra. Mare patugama fara, eghuteuna mare figri tagru nigho, gognarona mare vahini kaisei mae mala batudi ke figri mala naikno sneka Ijep. Nu iagho God tarabana mala hata koko nakhibodi naiknore. Leuleghu fata na iagho kokhonidi naiknore, eghuteuna iagho keli fara ka mare. Iagho theome tangomana te ghosei te diꞌatamu na, eghuteuna leuleghu fata na iagho namhadi nei ghatho tahudi eghu fara naiknore. Mare eni kaisei mumuju sua buluka nalhaꞌugna, ne cheke eghu, ‘Ghotilo maemi Israel ra! Igne noda god tahati na, mae ihei teke batu fajifla ghita Ijep!’ Eghuteuna mare edi thua nafnata glepo te diꞌa te mala goigoni nigho. Nu neuba ngau, iagho theome tei kokodi mare.

Ululahu Kings 8:47

Jateula teke au mare ka keha kantri delei ra eghu, glahu te figri gaoghathodi mare te tarai ari ka iagho te mala cheke thakledi puhidi te diꞌa, nei nakhibodi.

Mae Khuru 7:39

“Nu mae kuꞌeda tahati ra neke tirodi leghuni mae Moses. Mare ne huhughuni fara mana nei mare magnahaghei teke puloi ngala Ijep.

Diutronomi 20:8

Eghuteuna goro mae biꞌo re ginauna jaola cheke eghu, ‘Jame gaoghathogna kaisei mae na glaꞌe soru ba mana mhaghu nogna, mana ke pulo ka namono. Glahula eni mana igne jaola glaꞌe soru gaoghathogna keha mae soldia na.’

Mae Khuru 15:38

Nu mae Jone Mak gne neke tei kokodi phiamare tifa Pamfilia neke theome loku fabrahu baludi. Aonu gaoghathogna mae Pol na jame theome gaoghatho keli teke hata mae Jone Mak baludi na.

Diutronomi 17:16

Eghuteuna king igne theome mala au kmana hose ka nogna armi na, ba kurudi keha mae mala ke pulo Ijep mala foli hose. Naugna Lord neke chekehi mala thosei ke pulo ghotilo Ijep.

Hibru 11:27

Mae Moses ne fatutuani ni God ne jifla Ijep. Naugna mana theome mhaghuni te diꞌatagna fara mae king gna Ijep. Nu mana kegra maku, naugna jateu mana la filonihi God mae ihei te theo kaisei naikno te filoni kau tathagna.

Eksodas 14:10

Kate filoni hatimare mae Israel mae king gna Ijep na te mei balugna nogna tothoghei soldia na, naiknore ne thono mhaghu nodi fara ne toreni Lord mala toghodi mana.

Diutronomi 28:68

Neuba Lord neke chekenihi ka ghotilo na teke theome tangomana na teke pulo Ijep na, nu mana ginauna nake lilisei ghami ghotilo ka vaka mala ke kuru fapulo ghami jare. Eghuteuna kate au teu ghotilo jare na, ghotilo ginauna tangomana te toredi nomi mae naokare mala mei foli ghami ghotilo mala tei loku jateula naikno sneka eghu ka mare, nu ginauna na theo kaisei mae nate keli tagna te foli ghami ghotilo na.”