Eksodas 13:16 - Buka Blahi Ka Cheke Holo

¹⁶ Ghehati eni igne mala ke ghatho fapuloni Lord teke atha fajifla ghami Ijep te batu mei ghami agne ka nogna nolaghi na. Puhi igne jateula kaisei tuthuana eghu ka khamemi nei ka greremi teu gre mala ghathoni fabrahu ka nagnafami re.”

Eksodas 13:16 ပူးပေါင်းရင်းမြစ်များ

Eksodas 13:9

U gaghamu igne jateula kaisei tuthuana te lilisei ghotilo ka khamemi nei ka greremi teura eghu mala nu iju poloni nei toutonuni eghu ghotilo ka goro suare unha teke eni Lord ranghi ghami ghotilo kani teke jifla ghotilo Ijep ia.

Diutronomi 11:18

“Ghotilo mala iju polodi nei ghaoghathodi eghu nogu cheke iara igre. Ghotilo rioriso soru cheke igre, eghuteuna haru famaku jateula kaisei tuthuana eghu ka khamemi nei ka greremi teu are.

Eksodas 13:14

“Nathuꞌu nauriha na, thumi ghotilo re ginau na ghusna eghu ka ghotilo, ‘Unha eghu gaoghathodire si puhi igrea?’ Ghotilo cheke eghu ranghidi, ‘Ghehati neke au sosolo jare Ijep, eghuteuna Lord neke fakarhi ghami ghehati ka nogna nolaghi biꞌo na neke atha mei ghami ghehati agne.

Matiu 23:5

“Gaoghatho te edi mare glepo te keli igre mala filo naiknore eghu kolho. Mare hohoro fabiꞌo bokisidi grioriso te blahi igre ne haru ka greredi nei khamedi teure. Eghuteuna mare jaola hohoro fabrahu nodi phoko mala tarai re.

Diutronomi 26:8

Aonu Lord hata fajifla ghami Ijep ka khame nhetagna mana. Kate hata fajifla ghami mana Ijep mana neke edi kmana kofubobhoi nei nolaghi, nei glepo te mamhaghuana fara.

Eksodas 12:13

U dadara te ghiha ghotilo ka nomi sugare igne falalase ghau iara aheva te au teu ghotilo na. Kate filoni iara u dadara igne na, iara na ghasa polho ghami ghotilo. Eghuteuna ghotilo ginau na theome nanga nomi kau glehe nate eni iara ranghidi naiknodi Ijep gre.

Mae Khuru 13:17

Nodi God mae Israel gre neke vahidi mae kuꞌeda tifa ra mala bruara ka namono Ijep. Eghuteuna mana neke hata fajifladi Ijep ka nogna nolaghi te biꞌo.

Eksodas 6:1

Aonu Lord ne cheke eghu ka Moses, “Theome raugha iagho ginauna filoni unha nate eni iara ka king gna Ijep. Iara ginauna loku ka nogu nolaghi biꞌo na ranghini mana, mala snakredi mana nogu naikno iara gre mala jifla tei mare. Uve, mana ginauna huhurudi mala jifla mare ka nogna kantri na.”

Eksodas 6:6

“Eghume, iagho tei cheke eghu ka naiknodi Israel ra, ‘Iara Lord. Iara ginauna fakarhi ghami ka gloku biꞌo naiknodi Ijep te huhuru ghami mala edi ghotilo teu are. Iara ginauna fasnagli ghami mala theome sneka ghotilo ka naiknodi Ijep. Iara ginauna paradi mare, eghuteuna iara ginauna hata fajifla ghami mala snagla tei ghotilo ka nogu nolaghi biꞌo iara.

Diutronomi 5:15

Ghotilo ke ghatho fapulodi narane teke sneka ghotilo Ijep tifa ra, nu iara Lord, nomi God ghotilo, iara neke hata fajifla ghami ghotilo jare ka khame nhetagu iara. Naugna igne iara Lord nomi God ghotilo te cheke faheta ka ghotilo mala gnafa ka narane Sabat.

Diutronomi 6:21

Ghotilo ginauna cheke eghu ranghidi, ‘Tifa na ghehati neke nogna sneka king gna Ijep. Nu Lord neke mei fakarhi ghami ghehati Ijep ka nogna nolaghi biꞌo na.

Jajis 2:12

Lord ngala nodi God ku'edi mare ra, eghuteuna mana ngala teke atha fajifladi mare Ijep. Neuba ne eghu ngau, mare theome ghatho tahuni mana eghuteuna mare tarai ka nodi god naikno te au faligohodi mare. Aonu Lord ne thofno diꞌatagna fara ka mare.

Nehemaea 1:10

“Naikno igre nou naikno gloku iagho nei nou naikno iagho. Iagho fakarhidi ka nou nolaghi biꞌo nei nou nanheta.

Nodi Khoje Hatimare Mae Jiu 136:11

Mana neke hata naiknodi Israel neke jifla Ijep. Mana ne namha ghita tahati tifa tifa.

Proveb 6:21

Iagho lilisei nodi cheke repa re ka nagnafamu na, eghuteuna leghu fakelidi fabrahu jateula kaisei babaꞌo te au ka graramu iagho na ia eghu ka nakarhamu na.

Profet Daniel 9:15

“Lord, iagho nomi God ghehati. Tifa na iagho neke hata fajifla ghami Ijep. Eghuteuna naiknore ghatho tahuni nou nolaghi biꞌo iagho na. Nu funu tifa te ghilei mei posa ka narane gognarogne, ghehati tapla jafra fabrahu ka nakhibo.