Eksodas 12:8 - Buka Blahi Ka Cheke Holo

⁸ Ka bongi tuana, ghotilo na gogoꞌo u nafnahi gna sipu ba u nanigot na ka khaꞌaghi. Eghuteuna ghotilo ima nafnahi balu khuromu te raha, nei bret te theo isi gna.

Eksodas 12:8 ပူးပေါင်းရင်းမြစ်များ

Eksodas 34:25

“Kate aknu falehe ghotilo kaisei buluka ba sipu mala fafara mei ka iara teuna, ghotilo jaola thosei atha mei bret te au isi tagna na. Eghuteuna kate aknu falehe ghotilo kaisei buluka ba sipu malagna Gaghamu Ghasa-Polho na, ghotilo thosei tathaji kaisei vido nafnahi gna mala au ghilei thoke hamerane.

Diutronomi 16:7

Ghotilo gahu nafnahi igne ghamu ka vido blahi teke vahini Lord nomi God. Aonu hamerane ka keha narane na ghotilo tangomana teke figri teke pulo ka nomi suga tapuale re.

Profet Isaia 53:10

Lord ne cheke eghu, “Nogu gaoghatho iara, te mala au papara nei lehe teu mae igne. Glehegna mae igne, kaisei fafara mala atha koko nakhibo, mala tangomana te filoni iheire nate karha mei ke leghugna manare. Nakarhagna mae igne ginauna brahu, eghuteuna naugna unha te edi mana re, nogu gaoghatho iara igne ginauna thoke mei tutuani.

Eksodas 23:18

“Ghotilo thosei fafara ka iara dadaragna sipu na balugna bret te theo isi gna na. “Eghuteuna ghotilo thosei lilisei kaisei garofa ka fafara igne ghilei ke hamerane.

Eksodas 13:7

Ke lamnadi fitu narane igre na, ghotilo mala thosei ima kaisei gano te lilisei isi tagna na. Tutuani, ghotilo thosei snakreni kaisei isi ba kaisei bret te au isi tagna na te lilisei teu aheva nga rhedi nomi suga re.

Eksodas 13:3

Mae Moses ne cheke eghu ka naiknore, “Thosei ghatho ihoni narane igne ghotilo ia, eigna ka narane igne na Lord neke atha fajifla ghita tahati ka nogna nolaghi te biꞌo na kani au sosolo teku tahati Ijep tifa na. Eghume ka narane te ghathoni tahati igne na ghotilo thosei ima bret te au isi tagna na.

Eksodas 1:14

mala diꞌa salaꞌui fara nakarhadi re. Mare huhurudi naiknodi Israel mala loku ka brik, nei mala loku ka suga biꞌo ka namono na, nei mala loku ka nodi nagare, eghuteuna leuleghu fata na mare goigonidi nei tirodi kokhonidi.

Ululahu Tesalonika 1:6

Eghuteuna ghotilo mala filo leghu ka ghehati nei ka noda Lord. Eigna neubane au papara fara, ghotilo hatini Nonomho te Keli na balu gleale'a te mei ka mae Tharunga te Blahi.

Galesia 5:9

Ghathoni si ghotilo igne, “Katha isi ngala ka flaoa na te mala fabiꞌodi u bret te gnafare.”

Matiu 26:26

Kate ima mare na, mae Jisas hata keha bret ne cheke fakelini ka God. Mana piepike ne tufa ka nogna mae fanomhore, ne cheke eghu, “Hata bret igne ima. Bret igne thinigu iara.”

Matiu 16:12

Aonu mae fanomhore laseni mae Jisas theome chekeni ka mare mala reireghidi kau isi te mala horo bret. Nu mana neke cheke eidi nodi farirhiu hatimare mae Farasi nei hatimare mae Sadiusi.

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Profet Emos 4:5

Ghotilo hata mei koba bret te gahu balu isi mala cheke fakelidi ka iara. Ghotilo fahaehaghe ghami fara kate hata kmana glepo te mei te mala cheke fakelidi ka iara re. Puhi igre te thofno magnahaghedi ghotilore.” Igne chekegna Lord.

Nodi Khoje Hatimare Mae Jiu 22:14

Iara gne la theo hi kaisei nogu nolaghi te mala kegra heta na, eigna nogu nolaghi na jateula khoꞌu te thofa soru te blalho ka nusu ra eghu kolho. Nhubragure la klasuhi ka thududire. Eghuteuna gaoghathogure la blalhohi jateula suka eghu.

Eksodas 12:9

Ghotilo thosei ima nafnahi te theome muita, ba thosei gahu ka suspen. Ghotilo gahu ka khaꞌaghi kolho. Ghotilo gahu mala ima phaꞌu, ghahe, khame nei unha te au ka thiꞌa gna na.

Fapea Kronikols 35:13

Aonu hatimare mae Livaet, mare hata nafnahidi sipu nei nanigot teugna Ghasa-Polho na ne gahu ka khaꞌaghi leghuni vetula na. Eghuteuna nafnahi blahidi keha fafara re mare kuki ka sospen biꞌo nei pot. Aonu mare ghosei hata ne tei nafnahi igre mala tufa ka naiknore.