Eksodas 12:38 - Buka Blahi Ka Cheke Holo

³⁸ Kmana naikno la ngau ka keha vike te theome naiknodi Israel re ne jaola ne tei baludi. Eghuteuna mare ne jaola ne atha baludi kmana buluka, sipu nei nanigot.

Eksodas 12:38 ပူးပေါင်းရင်းမြစ်များ

Naba 11:4

Ka vido tuana, keha naikno te diꞌare ne au baludi naiknodi Israel. Eghuteuna naikno te diꞌa igre magnahaghei te ima gano te keli, nafnata gano teke ima mare Ijep. Aonu naiknodi Israel re ne diꞌanagnafadi fara, ne funu cheke faparini Lord ne cheke eghu, “Ghehati magnahaghei te ima nafnahi sia!

Profet Sekaraea 8:23

“Ka narane tuana, nabotho mae phosa te nhogri nodi cheke re ka nauthoglu igne ginauna hata nogna pohe kaisei Jiu, na cheke faheta eghu ka mana, ‘Iagho snakre ghami ghehati mala tei balumi ghotilo Jerusalem, naugna ghehati nomhini God na au balumi ghotilo.’ ”

Eksodas 10:9

Mae Moses ne cheke eghu ka mana, “Ghehati te gnafa nate tei na! Uve, ghehati na atha balumi naikno majaghani, goro mae biꞌo, goro naikno biꞌo, mae sua nalhaꞌu nei sua gaꞌase, nomi sipu, nanigot nei buluka teu igre ngala, naugna ghehati magnahaghei te eni kaisei nakhapru biꞌo te mala kilo fnaknoni nomi Lord na.”

Eksodas 17:3

Nu naiknore ne thono rodi koꞌu fara ne nguru ngau fara ka mae Moses, ne cheke eghu ka mana, “Moses, mala unha neku neke atha ghami ghehati Ijep neke mei agne sagho ia? Ba, iagho atha mei ghami ghehati ka vido te theo khoꞌu gna igne mala lehe ghehati baludi thumi, nomi sipu nei nomi buluka teu igre ka groi koꞌu na neku sagho ia?”

Naba 20:19

Aonu maedi Israel ne cheke eghu, “Ghehati na leghuni kolho nabrou biꞌo na, eghuteuna jame te koꞌu, ba nomi gobi lepo te tautagu ghehati igre koꞌu ka seu ghotilo re, ghehati ginauna foli ka ghotilo. Ghehati magnahaghei tei salaꞌuni kolho nou vido iagho gne.”

Naba 32:1

Vikegna mae Ruben, nei vikegna mae Gad teure au nodi kmana buluka, sipu, nanigot, nei dongki neu. Mare ne filoni nohi Gilead te keli fara na nei keha vido te au faligohoni namono Jasea teure ne keli fara la te mala faghamudi buluka, sipu, nei nanigot teure.

Diutronomi 3:19

Nu khetomi, thumi, nei nomi buluka, nei sipu, nei nanigot, nei dongki, nei hose teu ghotilo are kmana fara, reꞌe ginauna tangomana te au ka namono tela tusu arihi iara ka ghotilo.

Josua 8:35

Mae Josua ne iuꞌiju fahui cheke te gnafa teke rioriso mae Moses igre, eghuteuna maedi Israel te gnafa igre ne kafe nomhini nogna vetula mae Moses igne. Eghuteuna goro gaꞌase, goro sua, nei mae phosadi ka keha namono igre eghu jaola au neu baludi mare ne nomhini cheke igne.

Nehemaea 13:3

Kate nomhini naiknore Vetula igne, mare ne kuru fajiflani ihei te theome vikegna Israel ka nakhapru igne.

Levitikas 24:10

Selomit thugna gaꞌase Dibri ka vikegna Dan, mana tolaghi ka kaisei maegna Ijep. Repa au kaisei thudi nalhaꞌu. Kaisei narane, thudi repa igne ne tei ka nodi vido mae Israel eghuteuna mana ne fapholai balugna kaisei maegna Israel. Kate fapholai phia mare na, mana ne cheke diꞌa ka nanghagna Lord. Aonu naiknore lokini mana, hata ne tei ka Moses.