Eksodas 12:21 - Buka Blahi Ka Cheke Holo

²¹ Aonu mae Moses ne cheke eghu ranghidi hatimare mae phaꞌu maedi Israel re, “Ghotilo tei vavahi kaisei sipu ba kaisei nanigot maladi tharaknami are eghuteuna falelehe mala ima tharaknami are ka Gaghamu Ghasa-Polho na.

Eksodas 12:21 ပူးပေါင်းရင်းမြစ်များ

Eksodas 12:3

Ghopa cheke ranghidi naiknodi Israel ra, ka nabothoi narane gna nhigra igne, kaisei phaꞌu maedi tharakna te gnafara mala vavahi kaisei sua sipu ba kaisei sua nanigot te mala fafara mala ima.

Esra 6:20

Ulu lahu na, mae pris baludi mae Livaet igre mare mala fagaedi thedi ka tathagna Lord. Aonu mae Livaet gre ne aknu falehe sua sipu mala fafara ka Ghasa-Polho igne. Fafara igne maladi thedi, nei maladi mae pris, nei maladi keha naikno teke pulo mei funudi Babilonia.

Fapea Kings 23:21

King Josia ne cheke eghu ka naiknore, “Tahati na ei Gaghamu Ghasa-Polho mala cheke fakelini Lord, noda God. Tahati na eni jateula te chekeni ka Buka Nhaꞌa cheke ia eghu.”

Josua 5:10

Kate au teu mare Gilgal ka sare rhegna Jeriko igne, mare ne eni kaisei Gaghamu Ghasa-Polho ka grafi nabotho fati gna nhigra igne.

Naba 11:16

Lord ne cheke eghu ka mae Moses, “Iagho na kilo meidi fitusalei mae lidadi Israel are, eghuteuna mare ginauna kegra balumu iagho ke ulugna nogu Suga Thapuale te blahi iara na.

Eksodas 19:7

Aonu, mae Moses neke soru mei funugna ka thogele ro ne kilodi hatimare mae lida mala kafe mei, aonu mana ne cheke ka mare eidi gobigna lepo teke chekedi Lord ka mana re.

Eksodas 17:5

Eghuteuna Lord ne cheke eghu ka mae Moses, “Iagho atha keha mae biꞌo ka mae Israel are mala kulu ulu ka naikno are. Kate tei ghotilo na, iagho atha balumu u khodo teke puphuri iagho ka Khoꞌu biꞌo Nael ia.

Eksodas 12:11

Kate ima na, ghotilo kulu famane pipichi fakeli nomi, fahaghe nomi sadol are nei louloku nomi khodo are eghu. Ima faghoeghose balu mhaghu nei rharhana eghu, naugna u Gaghamu Ghasa-Polho igne mala ghatho tahu ghau iara, nomi Lord na.

Eksodas 3:16

“Iagho tei kilodi mae mala baubatu ka naiknodi Israel mala kafe mei, eghuteuna iagho cheke eghu ka mare: Lord, nogna God Ebraham, Isak, nei Jekop, nei keha kuꞌeda tahati tifa ra, mana neke mei ka iara, mala cheke eghu ka ghotilo, ‘Iara Lord neke taji ghami ghotilo, eghuteuna iara la filodihi puhi te diꞌa te edi naiknodi Ijep ka ghotilo ra.

Ululahu Korin 10:4

Eghuteuna mare kafe koꞌu ka khoꞌu teke fafura mei God ranghidi ka thina teke tei baludi na. Thina igne Kraes thegna ngala.

Hibru 11:28

Mana ne fatutuani ni God. Naugna igne, mana ne fufunu narane Gaghamu Ghasa-Polho na. Mana neke cheke ranghidi naiknogna Israel mala fuafusa dadaradi sua sipure ka grengathadi nodi sugare. Ka puhi igne nogna engel God ne falelehe fateo goro sua nalhaꞌu teke kulu karha ka naiknodi Ijep. Eghuteuna theo kaisei sua te lehe ka goro sua nalhaꞌu teke kulu karha ka naiknodi Israel.