Eksodas 12:2 - Buka Blahi Ka Cheke Holo

² “Uve, nhigra igne te ulu lahu ka nomi finogha ghotilo ia.

Eksodas 12:2 ပူးပေါင်းရင်းမြစ်များ

Eksodas 13:4

Ghotilo neke jifla Ijep ka narane gognaro gne ka nhigra ulu lahu te kiloi Abib.

Diutronomi 16:1

Aonu mae Moses ne cheke eghu, “Leuleghu finogha, ka nhigra Abib, ghotilo ei Gaghamu Ghasa-Polho. Ghotilo eni gaghamu igne, naugna kaisei bongi ka nhigra Abib, Lord, nomi God ghotilo na neke hata fajifla ghami ghotilo Ijep.

Eksodas 34:18

“Leuleghu finogha, ka nhigra Abib, ghotilo mala ghathoni fabrahu eigna Narane biꞌo gna Bret te Theo Isi gna. Ka narane tuana, ghotilo ginauna ghamu kolho bret te theo isi gna na ghilei thokeni fafitu narane na jateula teke chekenihi iara ka ghotilo ia eghu. Naugna ka nhigra tuana, ghotilo neke jifla mei funumi Ijep.

Eksodas 23:15

“Ghotilo mala khapru ka Gaghamu biꞌo eigna Bret te Theo Isi gna igne mala tarai jateula teke chekeni iara ka ghotilo ia eghu. Ghotilo mala ima bret te theo isi gna igne nabagna fitu narane ka narane teke lilisei iara ka nhigra Abib, naugna ka nhigra igne ngala teke jifla ghotilo Ijep na. “Eghume kate mei ghotilo ka iara na, ghotilo mala atha mei balumi kaisei famane glepo mala fafara ka iara.

Naba 28:16

Lord ne cheke eghu, “Leghu finogha ka fanabotho fati narane gna nhigra ulu lahu na, ghotilo ginauna eni kaisei Gaghamu Ghasa-Polho mala ke ghatho ghau iara.

Levitikas 23:5

Leuleghu finogha, ka nhigra ulu lahu, ka nabotho fati narane, kate plulu naprai na, ghotilo ginauna mala eni Gaghamu gna Ghasa-Polho.

Nogna Buka Esta 3:7

Ka nhigra Nisan, igne nhigra ululahu ka nabotho phei finogha te funei king Sekses. Mare lalahu khale ke ulugna mae Haman mala laseni ka narane aheva te keli te mala falehedi mae Jiu igre. Aonu kate lalahu te gnafa na, mare ne filoni narane te mala eni mare puhi igne, ka nabotho thilo narane gna nhigra leghu lahu Ada. Glalahu khale igne mare kiloi, purim.

Eksodas 12:1

Kate au teu mae Moses ghe mae Eron Ijep na, Lord ne cheke eghu ka phia mare,

Eksodas 12:3

Ghopa cheke ranghidi naiknodi Israel ra, ka nabothoi narane gna nhigra igne, kaisei phaꞌu maedi tharakna te gnafara mala vavahi kaisei sua sipu ba kaisei sua nanigot te mala fafara mala ima.

Eksodas 12:18

Gaghamu eigna Bret te Theo Isi gna igne fufunu fei grafi ka nabotho fati gna nhigra ulu lahu na ghilei tei gnafa ka grafi gna narane varadaki kaisei.

Profet Esikiel 45:18

Lord God neke cheke eghu, “Iara Lord God te cheke eghu igne: Ka narane ululahu gna nhigra ululahu leuleghu finogha, ghotilo ginauna hata kaisei sua buluka te theo kaisei thubu ba thona ka thinigna na, mala fafara mei ka iara mala gae ka tathagu iara na nogu Sugablahi iara gne.

Eksodas 13:3

Mae Moses ne cheke eghu ka naiknore, “Thosei ghatho ihoni narane igne ghotilo ia, eigna ka narane igne na Lord neke atha fajifla ghita tahati ka nogna nolaghi te biꞌo na kani au sosolo teku tahati Ijep tifa na. Eghume ka narane te ghathoni tahati igne na ghotilo thosei ima bret te au isi tagna na.

Eksodas 40:17

Aonu ka fapea finogha ke leghu gna narane naiknodi Israel teke jifla Ijep, ka narane ulu lahu gna nhigra ulu lahu gna finogha tuana, Moses nei naiknore eghu ne fakegra haghe Suga Tapuale te Blahi igne.

Profet Esikiel 45:21

“Ka nabotho fati narane ka nhigra igne la, ghotilo ginauna fufunu Gaghamu Ghasa-Polho igne. Eghuteuna ghotilo ginauna mala ghamu bret te theo isi gna na ghilei thoke ka fafitu narane na ka gaghamu.