Eksodas 12:15 - Buka Blahi Ka Cheke Holo

¹⁵ Lord neke cheke eghu, “Naba fitu narane te mala ima ghotilo u bret te theo isi gna na ia. Ka narane ulu lahu na, ghotilo mala koko isi te au ka sugami re. Eghuteuna jame kaisei naikno ka ghotilo ima bret te au isi tagna na funu ka narane ulu lahu na te ghilei thoke ka fafitu narane na, ghotilo lisei fakosini naikno tuana ke kosigna vikegna Israel.

Eksodas 12:15 ပူးပေါင်းရင်းမြစ်များ

Diutronomi 16:3

Eghuteuna kate ghamu ghotilo gaghamu igne, ghotilo ghamu bret te theo isi gna na. Ka fitu narane igre ghotilo ghamu bret te theo isi tagna na. Igne unha teke ghamu tahati kani teke papara fara teke ghosei teke jifla Ijep. Ka puhi igne ghotilo tangomana te ghathoni fabrahu nakarhami ghotilo ka narane teke jifla ghotilo Ijep.

Jenesis 17:14

Mae ihei te theome tohi fagaglana na, mae tuana theome nogu iara, naugna mana ne huhughuni nogu nhaꞌa cheke iara na.”

Naba 9:13

Jame kaisei mae theome mei ka gaghamhu tuana, nu mana gae ka tathagu iara nei theome tei au ka namono delei teuna. Mana theome kaisei naikno gna Israel, naugna mana ne theome fafara mei ka iara. Mae tuana nabagna kolho te au papara ka nakhibo gna thegna na.

Eksodas 34:18

“Leuleghu finogha, ka nhigra Abib, ghotilo mala ghathoni fabrahu eigna Narane biꞌo gna Bret te Theo Isi gna. Ka narane tuana, ghotilo ginauna ghamu kolho bret te theo isi gna na ghilei thokeni fafitu narane na jateula teke chekenihi iara ka ghotilo ia eghu. Naugna ka nhigra tuana, ghotilo neke jifla mei funumi Ijep.

Eksodas 23:15

“Ghotilo mala khapru ka Gaghamu biꞌo eigna Bret te Theo Isi gna igne mala tarai jateula teke chekeni iara ka ghotilo ia eghu. Ghotilo mala ima bret te theo isi gna igne nabagna fitu narane ka narane teke lilisei iara ka nhigra Abib, naugna ka nhigra igne ngala teke jifla ghotilo Ijep na. “Eghume kate mei ghotilo ka iara na, ghotilo mala atha mei balumi kaisei famane glepo mala fafara ka iara.

Diutronomi 16:8

Nabagna keha namno narane ka gaghamu na ghotilo mala ghamu bret te theo isi gna na. Aonu ka fafitu narane na, ghotilo mala ghamu fodu mala kilo fnaknoni Lord, nomi God. Eghuteuna ka narane tuana ghotilo thosei loku.”

Naba 28:17

Eghuteuna ka fanabotho glimai narane gna nhigra tuana, ghotilo ginau ke fufunu Gaghamu mala Ima Bret te Theo Isi gna na. Gaghamu igne ginauna eni fabrahu nabagna fitu narane eghuteuna ghotilo mala ima kolho bret te theo isi tagna na eghu.

Eksodas 34:25

“Kate aknu falehe ghotilo kaisei buluka ba sipu mala fafara mei ka iara teuna, ghotilo jaola thosei atha mei bret te au isi tagna na. Eghuteuna kate aknu falehe ghotilo kaisei buluka ba sipu malagna Gaghamu Ghasa-Polho na, ghotilo thosei tathaji kaisei vido nafnahi gna mala au ghilei thoke hamerane.

Eksodas 12:8

Ka bongi tuana, ghotilo na gogoꞌo u nafnahi gna sipu ba u nanigot na ka khaꞌaghi. Eghuteuna ghotilo ima nafnahi balu khuromu te raha, nei bret te theo isi gna.

Galesia 5:12

Ghaoghathogu iara na, naikno te goigoni nagnafami ghotilo re ginauna dalhadi thedi!

Mae Khuru 12:3

Eghuteuna kate filoni mae Herod te keli tadi mae Jiure ka puhi te eni mana igne, mana ne magnahaghei loki nila mae Pita. Aonu, mare lokini mae Pita ka narane Gaghamu gna Bret te Theo Isi gna na ne koko laoni mana ka suga sosolo. Eghuteuna mae Herod ne lisa laoni mae Pita ka khamedi nabotho namno mae soldiare mala reireghini mana. Mae Herod ne magnahaghei hatani mae Pita mala fateni mana ke uludi naiknore ke leghugna Gaghamu Ghasa-Polho na.

Luku 12:1

Kaisei fata, kmana thogha thogha naikno ne khapru faligohoni mae Jisas mala fanomho ka mana ne ghilei tapla kligna naikno. Ame cheke nga mae Jisas ka naiknore teuna, mana ne kulu cheke eghu ka nogna mae fanomhore, “Fiofilo ghami ka puhidi mae Farasi gre. Mare chaghidi fara naiknore.

Matiu 16:12

Aonu mae fanomhore laseni mae Jisas theome chekeni ka mare mala reireghidi kau isi te mala horo bret. Nu mana neke cheke eidi nodi farirhiu hatimare mae Farasi nei hatimare mae Sadiusi.

Profet Malakai 2:12

Mae ihei te eni nafnata puhi te diꞌa igne, nabagna na lisa lao ka khamegna Lord mala atha fadelei ka vikeda tahati maeda Israel. Eghuteuna tahati ginauna theome snakreni mana mala loku fodu baluda tahati kate mei fafara tahati ka narane te mei fafara tahati ka Lord na mae ihei te au nolaghi fateoteꞌo.”

Diutronomi 16:5

“Ghotilo thosei fiti fafara tafri Gaghamu Ghasa-Polho igne ka namono teke tusu ari Lord nomi God ka ghotilo are.

Levitikas 17:14

Nakarhadi gobigna lepore au ka dadara gna na, naugna igne te chekeni iara ka ghotilo naiknomi Israel, te mala thosei koꞌu dadara ba ghamu nafnahigna glepo tautagu te au teu dadara gna na. Jame ihei te ghamu nafnata nafnahi igne na, ghotilo ginauna hata fadeleini ka naiknodi Israel.

Levitikas 17:10

“Eghuteuna jame kaisei naikno gna Israel, ba kaisei naikno phosa au balumi ghotilo, koꞌu dadara ba ghamu nafnahi te dadara teu, iara ginauna theome magnahagheni naikno tuana, hata fadeleini ka naiknodi Israel.

Eksodas 31:14

“ ‘Ghotilo tajini narane igne mala gnafa, naugna nomi narane blahi ghotilo. Ihei te theome ghatho tahuni narane igne, eghuteuna ihei te loku ka narane tuana mala au kosi ka naiknogna Israel.

Luku 2:43

Kate gnafahi u narane Gaghamu na, naiknore neke funu pulo ka namonodire. Nu mae Jisas neke au fapulo Jerusalem. Mae Josep ghe Meri ne theome laseni mae Jisas te au faleghu teuna.

Eksodas 30:33

Jame ihei te eni nafnata oel igne, ba tofa lao oel igne ka phaꞌugna ihei te theome pris na, mana au kosi ka naiknodi Israel.’ ”

Fapea Kronikols 30:21

Naiknodi Israel te au Jerusalem ka narane tuana mare ne eni Gaghamu biꞌo eigna Bret te Theo Isi gna na. Mare glealeꞌa fara te eni gaghamu igne nabagna fitu narane. Leuleghu narane na, mae pris nei mae Livaet teu gre mare koje ka thua nafnata gita mala cheke fakelini Lord.

Esra 6:22

Ka fitu narane igre, mare ne thofno glealeꞌa fara, eghuteuna mare ne eni Gaghamu biꞌo eigna Bret te Theo Isi gna na. Mare glealeꞌa naugna Lord neke loku ka nagnafagna king gna Asiria, mala toghodi mare mala ke babana fapulo nogna Sugablahi nodi God mae Israel.

Eksodas 13:3

Mae Moses ne cheke eghu ka naiknore, “Thosei ghatho ihoni narane igne ghotilo ia, eigna ka narane igne na Lord neke atha fajifla ghita tahati ka nogna nolaghi te biꞌo na kani au sosolo teku tahati Ijep tifa na. Eghume ka narane te ghathoni tahati igne na ghotilo thosei ima bret te au isi tagna na.

Eksodas 30:38

Jame ihei te horo nogna insens jateula igne eghu, eghuteuna ihei te gahu glepo te famane sisiri keligna igne mala gna thegna teuna, ghotilo ginauna faꞌau kosini mana ka naiknodi Israel.”