Eksodas 11:7 - Buka Blahi Ka Cheke Holo

⁷ Nu Lord ne theome eni kaisei na au papara ranghidi maedi Israel ba nodi buluka re, eghuteuna theo kaisei naikno te nomhini kaisei naogla ka namono na. Eigna igne ghotilo naiknomi Ijep ra ginauna laseni iara Lord neke vahidi naiknodi Israel.

Eksodas 11:7 ပူးပေါင်းရင်းမြစ်များ

Josua 10:21

Eghuteuna nogna soldia mae Josua re neke pulo Makeda. Theo kaisei mae ka mare te ghoreho na. Eghuteuna theo kaisei mae ka namono Kenan te frane te cheke faparidi mae Israel.

Profet Malakai 3:18

Kau narane nate mei ginau igne, ghotilo ginauna laseni naikno te au doglo ka tathagu, nei leghu ghau iara teu igre na nhogri ka naikno te diꞌa te theome leghu ghau iara igre.’ ” Igne chekegna Lord mae ihei te au nolaghi fateoteo.

Eksodas 10:23

Ka vido tuana naiknodi Ijep igre theome tangomana te fari filoi na, ba theome tangomana te jifla ka sugadi re. Nu ka vido te au teu maedi Israel gre na, jare na phaeu ngala, theome romno.

Eksodas 8:22

“ ‘Nu kate mei khare igre na, Lord ginau na reireghi fakelini vido Gosen, ba nohi aheva te au nogna naikno manare. Khare igre ginau na theome filodi ka vido aheva te au nogna naikno mana re. Iagho ginau na filo glanini nei laseni eghu te kaisei mana ngala Lord te edi gobigna lepo te ninhigrana ka nou kantri iagho na igre.

Eksodas 9:4

Nu Lord ginau na reireghi fakelidi nodi mae Israel re, eghuteuna na theo kaisei ka nodi mare igre nate lehe na.

Thoutonu Eigna Mae Job 5:16

Aonu, God ne eni nodi gaoghatho naikno te kuma igre mala ke rheta fapulo, eghuteuna mana ne fofotho foflodi naikno te diꞌa igre.”

Ululahu Korin 4:7

Ba ihei te chekeni te doglo ghotilo ke uludi keha naiknore? Tutuani, glepo te khotodi ghotilo gre God ngala teke tusu ari ka ghotilo na! Eghume, ghotilo theo nafumi te mala cheke fahaehaghe fara eidi glepo igre.

Eksodas 7:22

Nu hatimare mae meresin ka kantri Ijep mare ne jaola ne edi unha teke edi mae Moses ghe mae Eron re. Aonu mae king ne tirogna fanomho ka mae Moses ghe mae Eron. Mana ne maku fara nagnafagna na ne horoghoto fara ngala ka unha teke chekeni Lord na.

Eksodas 9:26

Eghume kaisei nohi Gosen aheva te au mae Israel gre ngala te theome soru mei tagna u nakhete thina aes na.

Nodi Khoje Hatimare Mae Jiu 7:12

Jame te theome ke tughu mae te diꞌa puhidire igre, God ginauna jaha fafnonu nogna naflahi te mala magra na. Mana la kulu tarabana lolho lauhi nogna phaloho na.

Eksodas 8:19

Aonu hatimare mae meresin gre ne cheke eghu ka mae king, “Jame God thegna ngala te eni igne!” Neuba, mae king na thono maku fara nagnafagna na ne tirogna fanomho ka mae Moses ghe mae Eron.