Eksodas 10:9 - Buka Blahi Ka Cheke Holo

⁹ Mae Moses ne cheke eghu ka mana, “Ghehati te gnafa nate tei na! Uve, ghehati na atha balumi naikno majaghani, goro mae biꞌo, goro naikno biꞌo, mae sua nalhaꞌu nei sua gaꞌase, nomi sipu, nanigot nei buluka teu igre ngala, naugna ghehati magnahaghei te eni kaisei nakhapru biꞌo te mala kilo fnaknoni nomi Lord na.”

Eksodas 10:9 ပူးပေါင်းရင်းမြစ်များ

Eksodas 5:1

Moses ghe Eron tei ne filoni king gna Ijep, eghuteuna phiamare ne cheke eghu ka mana, “Lord nodi God maedi Israel ne cheke eghu, ‘Snakredi nogu naikno iara gre mala jifla ka kantri igne, mala tangomana mare ei gaghamu ka iara ke lamna namono nagou!’ ”

Eksodas 3:18

“Mae te mala baubatu ka naiknodi Israel igre ginauna fanomho ka cheke igne, eghuteuna iagho ginauna tei baludi mare mala cheke ka king. Ghotilo mala cheke eghu ka mana, ‘Lord, nomi God ghehati mae Hibru, la meihi ka ghehati, eghuteuna ghehati magnahaghei nigho iagho te snakre ghami te mala tei ka namono nagou nabagna thilo narane mala fafara ka mana.’

Efesus 6:4

Iara magnahaghei cheke ka ghotilo mae iheire te kmadi suara, thosei eni kaisei puhi ba cheke te mala diꞌa tadi fara thumire. Nu ghotilo taji fakelidi nei farirhiudi eghu ka puhida tahati naikno khiloau.

Eklesiasti 12:1

Kate majaghani nga teuna, ghotilo mala ghathoni God mae ihei teke vuavuha ghami ghotilo na. Kate kuekuꞌe ghotilo ginauna, puhi biꞌo na thoke ghami ghotilo, ghotilo na cheke eghu, “Iara theome glealeꞌa ka nakarhagu na.”

Proveb 3:9

Ghatho tahuni Lord ka nou dedei, nei ka gano saro ulu ka nou nagare na.

Josua 24:15

Nu gognarona jame te tiromi leghuni ghotilo mana na, ghotilo mala vavahi god aheva gne te magnahagheni ghotilo na. Jame te magnahaghei leghudi ghotilo nodi god te chaichaghi naiknodi Mesopotemia teke tarai kuꞌeda tahati tifa igre teu tuare nomi ghotilo te mala ghathodi re. Ba jame ghotilo magnahaghei te leghudi nodi god te chaichaghi vikegna Amoa aheva te au teu tahati ka nodi glose na gognarogne, igne jaola nomi ghotilo te mala ghathoni na. Nu iara, balugna tharaknagu gne, ghehati ginauna leghuni kolho Lord.”

Naba 29:12

Lord ne cheke eghu, “Ka fanabotho glima narane gna fafitu nhigra na, ghotilo ginauna mei khapru mala kilo fnakno ghau iara eghuteuna ghotilo jaola thosei loku. Ghotilo ginauna eni gaghamu igne ka Lord nabagna fitu narane.

Eksodas 13:6

Fitu narane ghotilo mala ima bret te theo isi gna na, nu ka fafitu narane na ghotilo mala eni gaghamu mala fafnaknoni Lord.

Eksodas 5:3

Nu Eron ghe Moses heta ghedi fabrahu ne cheke eghu, “Nomi God ghehati mae Hibru neke chekehi balumi ghepa. Snakre ghami ghehati sagho mala tei ghehati ka namono nagou gno mala fafara ka Lord nomi God nabagna thilo narane. Jame te theome eni ghehati igne na, God ginauna falehe ghami ka fogra ba kau magra.”

Jenesis 50:8

Naikno te gnafa teke au balugna mae Josep re nei hatimare mae thabusigna mana re eghu ne tei balugna mana. Eghuteuna iheire te gnafa teke au balugna mae kmadi na eghu ne jaola ne tei. Goro sua te ikodi re, nei nodi buluka re, nei nodi sipu re eghu kolho te au faleghu teu ka nohi Gosen.

Eksodas 10:10

Nu mae king ne cheke eghu ka mae Moses, “Iara na theome toreni Lord mala fablahi ghami ghotilo. Eghume iara na theome snakre ghami ghotilo te atha balumi goro gaꞌase nei goro sua gre teuna. Thono theo fara! Te laseni iara na, ghotilo magnahaghei te eꞌei puhi diꞌa ranghi ghami ghehati kolho.

Eksodas 10:26

Eghume ghehati theome laseni ka buluka, sipu nei nanigot teu aheva gre nate fafara ghehati ka Lord teuna e ghilei tei posa ghu ghehati ka vido te mala fafara na.”

Eksodas 12:32

Atha nomi sipu, nanigot, nei buluka teu are mala jifla Ijep. Nu toreni Lord ghotilo eghu mala fablahi ghau iara Mana.”

Eksodas 12:37

Hatimare mae Israel gre ne jifla funudi ka namono biꞌo Ramese ne tei thoke ka namono Sukot. Jame naba namno gobi thogha mae nalhaꞌu te nolo ka ghahe na, theome kahadi gaꞌase nei goro sua teure.

Eksodas 12:38

Kmana naikno la ngau ka keha vike te theome naiknodi Israel re ne jaola ne tei baludi. Eghuteuna mare ne jaola ne atha baludi kmana buluka, sipu nei nanigot.