Eksodas 10:7 - Buka Blahi Ka Cheke Holo

⁷ Hatimare mae funeire ne cheke eghu ka mae king, “Niha fata eghu snakreni mae igne mala eꞌei puhi biꞌo jateula igne eghu ranghi ghita fabrahu sagho ia? Snakredi sagho mae Israel are mala tei pogho soruni mare nodi Lord God na. Ba? Iagho theome filoni si Ijep tela diꞌa fara gnea?”

Eksodas 10:7 ပူးပေါင်းရင်းမြစ်များ

Ululahu Samuel 18:21

Mana ne cheke eghu ka nagnafagna na, “Keli fara te snakreni iara Mikal gne ka mae Devet, gaꞌase igne kaisei nabrou te mala lehe mana ka maedi Filistia igre.” Aonu mana ne cheke eghu ka mae Devet, “Igne fapea nhaꞌa cheke iara ka iagho te mala tolaghi ka thugu gaꞌase na.”

Eklesiasti 7:26

Unha te filoni iara na igne, kaisei glepo te haimini iara te diꞌanagnafani iara na uluni glehe na, nafnata gaꞌase te jateula kaisei phighoro teu igne, eghuteuna khamegna na tangomana te loku famaku ka iagho jateula kaisei chen eghu. Ihei te leghuni God na tangomana te rikha na, nu naikno te diꞌa na ginauna khale ka phighoro.

Eksodas 23:33

Ghotilo thosei snakredi naikno tuare mala au ka nomi kantri na. Jame te snakredi ghotilo te au mare balumi ghotilo na, mare ginau na huhuru ghami ghotilo mala pogho soru ka nodi god thedire.”

Ululahu Korin 7:35

Iara chekeni igne ka ghotilo, naugna iara magnahaghei te togho ghami ghotilo. Eghuteuna iara theome magnahaghei te lhotini puhi tholaghi na ka ghotilo. Eigna iara magnahaghei ghami ghotilo te eni kolho unha te doglo na nei snakre ghami themi mala loku fabrahu ranghini Lord.

Profet Sefanaea 1:18

Ka Narane te diꞌatagna God igne, silva nei gol teu igre ginauna theome tangomana nate toghodi mare na. Naugna diꞌatagna God igne thofno brana fara jateula khaꞌaghi te brana te nhako fahui namhata biꞌo ra eghu. Eghume diꞌatagna God igne ginauna na jateula tuana eghu na falehedi hui naikno te gnafa ka nauthoglu igne.”

Profet Jeremaea 51:8

Nu gognarona Babilonia gne ginauna na jaola uka pari, eghuteuna nogna naoka naꞌare ginauna mei goigonini naꞌa. Aonu ghotilo ginauna na tanhi nei diꞌanagnafa eghu! Ghotilo hiro meresin mala lama thubu gna na glahu ke mafo naꞌa.

Profet Jeremaea 48:4

Kantri Moab gne ginauna thofno diꞌa fara, eghuteuna goro suare ginauna tanhi fabiꞌo.

Profet Isaia 51:9

Lord, dofra sagho mala mei balu nou nolaghi biꞌo mala togho ghami ghehati, jateula teke eni iagho tifa ia eghu. Iagho neke vuri kusi mogo biꞌo Rehab te au ke lamna nhorora igne.

Profet Isaia 14:20

Mare ginauna theome giugilui thinimu iagho na jateula keha mae king ra eghu, naugna iagho neke goigoni ni fara nou kantri na, nei jaola neke aknu falehe kheramu themure. “Iagho mae diꞌa fara! Jame te keli na, naiknore jame neke thosei ghathodi vikemu iaghora nei iheire nate karha mei ke leghumu iaghore eghu!

Proveb 29:6

Nakhibogna naikno te diꞌa na haru famakuni mana jateula phighoro eghu. Nu naikno te doglo na snagla nogna, eghuteuna mana tangomana te koje nei glealeꞌa teuna.

Nodi Khoje Hatimare Mae Jiu 107:34

Eghuteuna mana na edi glose igre mala fodu ka solt mala theo kaisei glepo te kotu jare na. Naugna naikno te au ka vido tuana ra ne diꞌa fara puhidire.

Eksodas 8:19

Aonu hatimare mae meresin gre ne cheke eghu ka mae king, “Jame God thegna ngala te eni igne!” Neuba, mae king na thono maku fara nagnafagna na ne tirogna fanomho ka mae Moses ghe mae Eron.

Eksodas 7:5

Eghuteuna naugna te loku iara ka nogu nolaghi biꞌo na ranghini Ijep eghuteuna batu fajifladi naiknodi Israel, naiknodi Ijep igre ginauna laseni te iara Lord.”

Eksodas 12:33

Naiknodi Ijep re ne thono huhurudi fara naiknodi Israel re mala faghose jifla Ijep. Mare ne cheke eghu, “Jame te theome faghose jifla ghotilo na, ghehati gne ginau na lehe!”

Ululahu Samuel 5:11

Aonu mare ne kurudi keha mae mala tei cheke eghu ka mae funeidi Filistia, “Ghotilo hata ke pulo Bokis Blahi igne ka namonogna na, mala theome tangomana nodi God mae Israel te falehe ghita na!” Naiknogna namono igne ne kafe mhaghu nodi fara, naugna God ne goigonidi fara naiknore.