Eksodas 10:5 - Buka Blahi Ka Cheke Holo

⁵ Reꞌe ginau na mei thafru vido te gnafa gre, eghuteuna iagho ginau na theome tangomana te filoni u thagrugna glose na. Eghuteuna ghemi gano ghotilo ka nagare na are nei gaju te gnafa teu teke theome diꞌa ka nakhete thina na are ginau na hui ka cheche.

Eksodas 10:5 ပူးပေါင်းရင်းမြစ်များ

Profet Joel 1:4

Uve, fati nafnata cheche teke kafe mei ghamu fateo khakladi glepo teke joꞌu ka nagare ra. Unha teke theome ghamu tothoghei cheche ululahu igre, fapea tothoghei cheche igne teke mei ghamu fateo na. Eghuteuna unha teke salaꞌui ka fapea tothoghei cheche igre teke mei ghamu fahui fatilo tothoghei na, eghuteuna ke leghu na, fafati tothoghei cheche igre teke mei ghamu te ghilei theo kaisei glepo te salaꞌui na.

Eksodas 9:32

Nu sisi wit gre kolho teke theome diꞌare, naugna reꞌe neke theome biꞌo nga nekeu, igre na teke gano teu thogheiro re.

Profet Joel 2:25

“Iara ngala teke kuru meidi tothoghei cheche te goigoni ghami ghotilo igre. Nu iara nake tusu fapulo ka ghotilo gobigna lepo teke goigoni fahui cheche igre.

Eksodas 10:4

Jame te theo iagho na, iara nathuꞌu na ginau kuru mei kmana cheche fara mala mei fodu ka nou kantri iagho igne.

Eksodas 10:12

Ke leghugna igne, Lord ne cheke eghu ka mae Moses, “Tusu haghe khamemu ana ke kligna Ijep, eghuteuna cheche are ginau na mei. Eghuteuna u cheche igre ginau ghamu fateo khakladi unha teu te gnafa teke theome fadidiꞌa ka nakhete thina ra.”

Eksodas 10:15

Cheche na ne mei ne fodu ne romno thubi neu ka thagrugna glose na ne ghamu fateo buburu te gnafa nei khakladi gaju te ikodi te gnafa teu teke theome fadidiꞌa nakhete thina ra. Theo kaisei khakla gaju ba buburu te au Ijep na, thono theo fara. Hui teuna ngala.

Profet Joel 2:3

Cheche igre ginauna mei jateula kaisei khaꞌaghi te ghamu fahui buburu nei gobigna lepo fateote'o ra eghu. Uve, ame thoke mei nga glepo igre teuna, nauthoglu igne famane namono fara jateula nagare Iden eghu. Eghuteuna kate ghamu te hui cheche khakladi gaju te gnafa igre na, kantri igne ginauna na jateula namono nagou eghu na theo kaisei glepo nate au teu ke leghugna igne na.