Eksodas 10:26 - Buka Blahi Ka Cheke Holo

²⁶ Eghume ghehati theome laseni ka buluka, sipu nei nanigot teu aheva gre nate fafara ghehati ka Lord teuna e ghilei tei posa ghu ghehati ka vido te mala fafara na.”

Eksodas 10:26 ပူးပေါင်းရင်းမြစ်များ

Hibru 11:8

Mae Ebraham neke fatutuani ni God, eigna igne mana ne leghuni God kate kiloni mana mala jifla kokoni nogna namono na mala tei ka keha namono delei, ka vido aheva God nate tusu ranghini mana. Mana jifla ne tei neuba ne theome laseni aheva nate tei na.

Fapea Korin 8:5

Eghuteuna ghehati neke jaglo nomi naugna mare tufa ka puhi teke theome rouronuni ghehati na. Ulu lahu na mare neke kulu snakre laodi thedi ka Lord, eghuteuna ke leghu na mare jaola ne leghuni unha te magnahagheni God na ne snakredi thedi ka ghehati!

Profet Sekaraea 14:20

Ka narane tuana, belo te gefe ka nhughadi hose, mare ginauna rioriso eghu cheke igre, “Fablahi malagna Lord.” Eghuteuna suspen te au lamna ka Sugablahi, ginauna blahi, thofno jateula dis blahi te au rhegna olta.

Profet Hosia 5:6

Eghuteuna, neuba ghotilo ne hata sipu nei buluka neu ne mei fafara ka Lord, ghotilo ginauna theome tangomana nate filoni Lord na, naugna mana la tei koko ghamihi ghotilo.

Profet Isaia 23:18

Nu sileni te hata mare ka bisnis igre mala nogna Lord. Mare ginauna theome tathaji sileni igre, nu mala tufa ka naikno te loku ranghini Lord. Aonu nogna mae gloku Lord igre ginauna au ghedi kmana gano balu nodi famane pohe.

Proveb 3:9

Ghatho tahuni Lord ka nou dedei, nei ka gano saro ulu ka nou nagare na.

Eksodas 12:32

Atha nomi sipu, nanigot, nei buluka teu are mala jifla Ijep. Nu toreni Lord ghotilo eghu mala fablahi ghau iara Mana.”

Eksodas 10:9

Mae Moses ne cheke eghu ka mana, “Ghehati te gnafa nate tei na! Uve, ghehati na atha balumi naikno majaghani, goro mae biꞌo, goro naikno biꞌo, mae sua nalhaꞌu nei sua gaꞌase, nomi sipu, nanigot nei buluka teu igre ngala, naugna ghehati magnahaghei te eni kaisei nakhapru biꞌo te mala kilo fnaknoni nomi Lord na.”

Eksodas 10:25

Mae Moses ne cheke eghu ka mana, “Theo. Iagho snakre ghami ghehati mala atha nomi buluka, sipu nei nanigot teu gre balumi mala tei fafara ka nomi Lord God.

Eksodas 8:27

Theome tangomana! Teke chekeni Lord na ghehati mala tei ke lamnagna namono nagou na nabagna thilo narane ame fafara nga ka mana eghu neku, eghume, tuana te mala eni ghehati na eghu.”