Eksodas 10:15 - Buka Blahi Ka Cheke Holo

¹⁵ Cheche na ne mei ne fodu ne romno thubi neu ka thagrugna glose na ne ghamu fateo buburu te gnafa nei khakladi gaju te ikodi te gnafa teu teke theome fadidiꞌa nakhete thina ra. Theo kaisei khakla gaju ba buburu te au Ijep na, thono theo fara. Hui teuna ngala.

Eksodas 10:15 ပူးပေါင်းရင်းမြစ်များ

Eksodas 10:5

Reꞌe ginau na mei thafru vido te gnafa gre, eghuteuna iagho ginau na theome tangomana te filoni u thagrugna glose na. Eghuteuna ghemi gano ghotilo ka nagare na are nei gaju te gnafa teu teke theome diꞌa ka nakhete thina na are ginau na hui ka cheche.

Profet Joel 2:25

“Iara ngala teke kuru meidi tothoghei cheche te goigoni ghami ghotilo igre. Nu iara nake tusu fapulo ka ghotilo gobigna lepo teke goigoni fahui cheche igre.

Nodi Khoje Hatimare Mae Jiu 78:46

Mana neke kuru mei cheche mala ghamu fahui nagare re, nei goigoni fahui gano ka nagare re.

Eksodas 10:12

Ke leghugna igne, Lord ne cheke eghu ka mae Moses, “Tusu haghe khamemu ana ke kligna Ijep, eghuteuna cheche are ginau na mei. Eghuteuna u cheche igre ginau ghamu fateo khakladi unha teu te gnafa teke theome fadidiꞌa ka nakhete thina ra.”

Profet Emos 7:2

mala ghilei thofno ghamu fahui gobigna lepo teke kotu ka vido tuana. Eghuteuna iara ne cheke eghu, “Lord God! Lord God hata fadeleidi nakhibodi nou naikno iagho te au Israel igre! Jame te paradi iagho naikno igre na, na faꞌunha eghu karha sigrea?”

Naba 22:5

ne fatei kaisei nonomho ka mae profet Balam, thugna mae Beo jare ka namono Petoa, rhegna Khoꞌu biꞌo Iufretis. Nonomho igne ne cheke eghu agne, “Iara magnahaghei nigho iagho te laseni eigna kaisei vike biꞌo neke jifla mei funu Ijep. Mare mei au rhegu iara, eghuteuna mare la khotodi hila namono te gnafa re.

Proveb 30:27

Fatilo na, cheche, rehati theo nodi funei, nu kate flalo na rehati kaisei theidi jateula soldia eghu.

Profet Joel 1:4

Uve, fati nafnata cheche teke kafe mei ghamu fateo khakladi glepo teke joꞌu ka nagare ra. Unha teke theome ghamu tothoghei cheche ululahu igre, fapea tothoghei cheche igne teke mei ghamu fateo na. Eghuteuna unha teke salaꞌui ka fapea tothoghei cheche igre teke mei ghamu fahui fatilo tothoghei na, eghuteuna ke leghu na, fafati tothoghei cheche igre teke mei ghamu te ghilei theo kaisei glepo te salaꞌui na.