Eksodas 1:22 - Buka Blahi Ka Cheke Holo

²² Aonu king ne cheke faheta ka nogna naiknore, ne cheke eghu, “Jame kaisei gaꞌase Hibru karha kaisei thugna nalhaꞌu, ghotilo koko lao sua tuana ka Khoꞌu biꞌo Nael mala lehe, nu snakredi sua gaꞌase te gnafa re mala karhau.”

Eksodas 1:22 ပူးပေါင်းရင်းမြစ်များ

Mae Khuru 7:19

Mana saosagrodi fara noda naiknore nei fakokhoanadi fara mae kuꞌeda re nei huhurudi mala lilisei mare suare ke kosi suga mala lehe.

Proveb 1:16

Naugna leuleghu fata na mare magnahagheni fara te mala eni puhi te diꞌa na. Eghuteuna thiꞌadire kaikaliti mala falehe naikno.

Proveb 4:16

Mare theome thuru ghilei eni mare glepo te diꞌa na, ba goigonini keha mae na.

Nodi Khoje Hatimare Mae Jiu 105:25

Lord ne faꞌeiꞌeidi naiknodi Ijep mala susukudi nogna naiknore. Mare hiro phoge te mala paradi nogna naikno mana re.

Eksodas 1:16

Mana ne cheke eghu ka repa, “Gognarona, kate toghodi ghopa gaꞌasedi Hibru igre kate karha sua na, iara magnahaghei ghami ghopa kate fifilo ghopa te sua nalhaꞌu na, ghopa falelehe, eghuteuna kate filo ghopa te sua gaꞌase na, tuana te mala karha.”

Proveb 27:4

Puhi te diꞌatada balu fangingiri na fakabrudi keha naiknore, nu puhi goghotu na thono diꞌa fara salaꞌuni puhi te diꞌatada na.

Jenesis 41:1

Salaꞌu phia finogha ke leghugna igne mae king gna Ijep na ne mifi. Nogna mifi mana na ne eghu agne, kate kegra teu mana ka gerigna Khoꞌu biꞌo Nael,

Hibru 11:23

Idogna nei kmagna mae Moses gre repa neke fatutuani ni God. Eghume repa neke pophoruni mana lamna suga thilo nhigra ke leghugna teke karhagna na naugna repa filo glanini sua igne famane fara. Jaola repa neke eni igne naugna repa ne theome mhaghuni nogna vetula mae king te chekeni, “Mae sua nalhaꞌu majaghani te gnafare mala falelehe.”

Eksodas 2:6

Kate tothora naꞌa kharaꞌo igne, naꞌa ne filoni mae sua nalhaꞌu igne ne tanhi neu. Aonu thugna king igne ne kokhoni nognani ne cheke eghu, “Igne thudi mae Hibru.”