Eksodas 1:20 - Buka Blahi Ka Cheke Holo

^20-21 Naugna repa ghatho tahuni God, eghuteuna God keli fara ranghidi repa, aonu mana ne fablahidi repa ne au kmana thudi. Kate karha sua te kmana vikegna Israel igre eghuteuna mare thofno nolaghi fara.

Eksodas 1:20 ပူးပေါင်းရင်းမြစ်များ

Eklesiasti 8:12

Glahu kaisei mae te diꞌa tapla jafrahi kaisei gobi fata ka nakhibo, nu mana karha raugha ne theome ghosei lehe. Nu te laseni iara na, kaisei cheke te au agne na cheke eghu, “Jame iagho te leghuni God na, gobigna lepore ginauna keli kolho, naugna iagho ne ghatho tahuni God.

Profet Isaia 3:10

Ghotilo cheke ka iheire te leghuni puhi te doglo na, eigna Lord ginauna fablahidi mare, naugna mare ne edi glepo te kelire.

Proveb 11:18

Jame te eni iagho unha te diꞌa na, iagho ginauna hata taba te diꞌa. Nu te eni iagho unha te doglo na, naiknore ginauna tusu ranghi nigho glepo te keli.

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Nodi Khoje Hatimare Mae Jiu 111:5

Mana tusu lao gano koba ranghidi iheire te ghatho tahunire, naugna mana theome ghatho ihoni nogna nhaꞌa cheke teke mana ka tahati na.

Luku 1:50

Mana kokhoni nognadi nei namhadi eghu naikno te gnafa te ghatho tahuni mana re, funu ka naikno tifa te ghilei posa ka naikno te theome karha nga teure.

Matiu 25:40

“Iara mae King ginauna cheke eghu ranghidi, ‘Tutuani fara, te chekeni iara na. Kate eni ghotilo ranghini kaisei nogu naikno iara te au pari lahu ka igre, ghotilo jateula te eni ranghi ghau la iara eghu!’

Matiu 10:42

Tutuani fara, te chekeni iara ka ghotilo na. Ihei te tufa kaisei glepo ikoi te jateula kaisei kapu khoꞌu teu ka kaisei nogu mae fanomho iara te theome biꞌo ka tathadi naiknore igne, God ginauna tabani mana.”

Proveb 19:17

Kate namhani nei toghoni teu iagho naikno te kuma na, Lord ginauna taba nigho eidi unha teke edi iagho re.

Nodi Khoje Hatimare Mae Jiu 145:19

Leuleghu fata na mana tusu lao glepo ka iheire te ghatho tahuni mana re. Mana jaola nomhidi nodi tharai re nei fakarhidi.

Nodi Khoje Hatimare Mae Jiu 103:11

Eigna nogna namha mana ranghidi naikno te ghatho tahuni mana re thofno biꞌo fara jateula maloa kligna eghu.

Nodi Khoje Hatimare Mae Jiu 85:9

Tutuani fara, God na kaikaliti fabrahu te mala fakarhidi iheire te ghatho tahuni mana na, eghume tahati ginauna filoni nogna nolaghi mana te mala fakarhi ghita tahati naikno te au ka kantri igne.

Nodi Khoje Hatimare Mae Jiu 61:5

God, iagho la nomhidihi unha teke nhaꞌa chekedi iara ka iagho ra. Eghuteuna iagho la fameihi ka iara unha te maladi iheire te ghatho tahu nigho re.

Eksodas 1:12

Nu neuba, naiknodi Israel igre, kmana fara ne salaꞌui nei rheta eghu heva heva ka kantri Ijep. Naugna igne, naikno te gnafa te au ke lamnagna kantri Ijep ne thofno theome magnahaghedi nei mhaghu nodi fara ka mare.

Eksodas 1:7

Nu naiknodi Israel igre ne au kmana thudi ne vuragha fara nei nheta fara neu heva heva jare Ijep.

Eksodas 1:19

Repa ne cheke eghu ka mana, “King, gaꞌase Hibru gre theome jateula gaꞌasedi Ijep igre eghu. Bligi kolho ka rehati Hibru te fakarha sua na, nu ghehati theome tangomana te ghosei te fakarha sua na. Eghume kate theome posa lao teu kaisei ka ghepa ka vido igne na, rehati la kulu karhahi thudire eghu.”