Eksodas 1:17 - Buka Blahi Ka Cheke Holo

¹⁷ Nu repa ne theome leghuni unha te chekeni king igne, naugna repa ghatho tahuni God. Kate karha sua nalhaꞌu na, repa snakreni sua igne mala karhau kolho.

Eksodas 1:17 ပူးပေါင်းရင်းမြစ်များ

Mae Khuru 5:29

Nu mae Pita nei keha mae khurure ne cheke eghu ka mare, “Ghehati magnahaghei fara te leghuni chekegna God na, theome mala leghuni chekegna naikno na.

Luku 12:5

Iara na falalase ari ka ghotilo unha nafnata mae te mala mhaghuni ghotilo na. Mae jame te mala mhaghuni ghotilo na God ngala, naugna mana au nolaghi te mala falehe ghami ghotilo na, nei jaola au nolaghi te mala koko lao ghami ghotilo Gehena. Uve, kaisei mana ngala jame te mala mhaghuni ghotilo na.

Matiu 10:28

Thosei mhaghudi naiknore, naugna mare tangomanadi kolho te faleheni thini na. Nu mae ihei te mala mhaghuni ghotilo na God. Naugna mana au nolaghi te mala kafe falehedi thini ghe tharungare ka namono te mala au papara te kiloi Gehena.

Eklesiasti 12:13

Iagho la nomhidihi cheke te gnafa igre, eghume igne nogu cheke farirhiu leghu lahu iara: Ghatho tahuni God eghuteuna leghudi nogna cheke manare, naugna igne unha te mala eni tahati na.

Profet Daniel 6:13

Aonu mare ne cheke eghu ka mana, “King, filo sagho. Mae Daniel, maegna Juda igne mana theome leghuni nou cheke iagho na. Eghuteuna mana jaola theome leghudi vetula teke lilisei iagho ra. Leuleghu fata na mana tarai koba ka nogna God thegna na thilo fata ke lamnagna kaisei narane.”

Proveb 16:6

Ghatho tahuni Lord, eghuteuna leghuni mana fabrahu, eghuteuna mana ginauna hata koko nakhibomu iagho re. Ghatho tahuni mana, eghuteuna iagho ginauna na theome tangomana te tei namo ka puhi te diꞌa na.

Eklesiasti 8:12

Glahu kaisei mae te diꞌa tapla jafrahi kaisei gobi fata ka nakhibo, nu mana karha raugha ne theome ghosei lehe. Nu te laseni iara na, kaisei cheke te au agne na cheke eghu, “Jame iagho te leghuni God na, gobigna lepore ginauna keli kolho, naugna iagho ne ghatho tahuni God.

Nodi Khoje Hatimare Mae Jiu 31:19

Iagho tangomana te edi famane gloku te keli fara te mala toghodi iheire te ghatho tahu nigho igre. Iagho tangomana te reireghi fakelidi iheire te fatutuani nigho re nei toghodi eghu ke uludi naiknore.

Jenesis 42:18

Ka fatilo narane na mae Josep ne cheke eghu ka mare, “Iara kaisei mae mala mhaghuni God. Jame te leghudi ghotilo nogu cheke iara igre na, ghotilo ginauna na theome lehe.

Profet Hosia 5:11

Naꞌau papara te brana fara jateula khaꞌaghi teu igne ginauna jaola thoke mei Israel. Iara ginauna na fatedi mare, naugna mare ne tei hiro nodi mae king delei mala mei toghodi. Nu mae king igne ginauna theome tangomana nate mei te toghodi mare na.

Proveb 8:13

Jame te ghatho tahuni iagho Lord na, iagho na theome magnahagheni puhi te diꞌa na. Iara theome magnahagheni puhi te fahaehaghe na, puhi te filo faparini ihei na, puhi te diꞌa na, nei cheke te diꞌa na.

Nehemaea 5:15

Mae iheire teke gavana ke ulugu iara Juda igre neke paradi fara naiknore. Leuleghu fata na mare hata gano nei waen eghu ka naiknore, eghuteuna mare jaola hata vido kilo silva ka naiknore. Eghuteuna nodi mae gloku mae gavana gre jaola faparidi naiknore. Nu iara theome magnahaghei te eni igne, naugna iara ghatho tahuni God, eghuteuna iara magnahaghei te leghuni mana.

Profet Maeka 6:16

Glepo igre ginau thoke ghami ghotilo, naugna ghotilo ne leghudi fabrahu puhidi phei king te diꞌa igre, King Omri ghe thugna mana King Ehab. Eghume iara ginauna goigoni namono igne, eghuteuna naikno te gnafa ka kantri gne mare ginauna ghatho fapari ghami ghotilo nei cheke fadiꞌa ghami ghotilo.”

Jenesis 20:11

Mae Ebraham ne cheke eghu, “Igne unha teke ghathoni iara ka thegu na, theo kaisei naikno ka namono igne te ghatho tahuni God na, eghuteuna mare ginauna na falehe ghau iara naugna mare magnahaghei te atha te khetogu iara na.

Eksodas 1:18

Aonu, kaisei narane, king ne kilodi repa ne ghusna eghu ka repa, “Naugna unha si ghopa te theome leghuni nogu cheke iara na te snakredi sua nalha'u gre te karha teu kolho grea?”

Ululahu Samuel 22:17

Mae Sol ne cheke eghu ka mae te kegra teu rhegna mana re, “Tei aknu falehe gnafa nogna pris Lord igre! Naugna mare ne phile ka mae Devet. Mare laseni te rikha mana na, nu mare theome facheke ka iara neu!” Nu nogna ofisa mae Sol igre ne tirodi te falehedi nogna pris Lord igre.

Fapea Samuel 24:4

Nu kate tirogna tughu gaoghathogna King Devet te cheke faheta fara ka mae Joab, nei ka hatimare mae komanda teuna, mare jifla ne tei kahadi iheire te naba te mala tei ka magra na.

Nogna Buka Esta 3:3

Keha nogna mae funei King igre filoni igne ne ghusna eghu ka mae Modikae, “Naugna unha sagho te theome leghuni nogna cheke king ignea?”