Eklesiasti 9:9 - Buka Blahi Ka Cheke Holo

⁹ Neuba nakarha igne ne theo nafugna ka gaoghathomu iagho na, God neke tusu ari ka iagho. Eghume leuleghu narane na, iagho mala gleꞌani nakarha igne balugna khetomu te namhani fara iagho na. Fablahi igne te mala eni iagho ka nakarha te theo nafugna ka gaoghathomu iagho na, nei ka gloku biꞌo te edi iagho ka nauthoglu igne.

Eklesiasti 9:9 ပူးပေါင်းရင်းမြစ်များ

Eklesiasti 2:10

Uve, iara au nogu gobigna lepo te magnahaghedi iara re, eghuteuna iara eni unha te magnahagheni fara iara na. Iara thofno glealeꞌa fara ka gobigna lepo te edi iara re, eghuteuna glepo igre jateula nogu taba eghu iara.

Profet Malakai 2:15

“Nu kate eni repa nhaꞌa cheke igne, God loku fodudi repa mala jateula kaisei thini nei kaisei gaoghatho eghu ngala repa. Naugna unha si God te eni ignea? God neke eni igne mala au sua vuragha ghotilo neku, eghuteuna goro sua igre mala goro thugna God. Eghume ghotilo mala reireghi fakelini nakarhagna thegna na, thosei huhughuni nhaꞌa cheke teke eni ghotilo ka narane teke loku fodu ghami God.

Eklesiasti 6:12

Nakarhada tahati ka nauthoglu igne thofno kmoꞌei fara, jateula naungo gaju te ghosei te dofini kate thafru naprai na ka khoveo ra eghu. Eghume, ihei gne nate baubatu ghita ka puhi te keli te mala leghuni tahati na? Ihei gne nate tangomana te chekedi unha nate thoke mei ka nauthoglu igne ke leghugna te lehehi tahati na?

Eklesiasti 3:13

Doglou kolho te mala ima nei koꞌu nei glealeꞌa teu tahati na, naugna God neke tusu ranghi ghita puhi igne mala glealeꞌa na.

Eklesiasti 7:15

Nakarhagu iara na theo nafugna kolho, nu kate karha teu na iara filodi kmana glepo. Naikno te doglo na ghosei lehe kokodi puhigna te doglore, eghuteuna naikno te diꞌa na, karha raugha ka nauthoglu igne balugna nakarhagna te diꞌa na.

Eklesiasti 5:18

Glepo ulu jame te eni tahati ka nakarha te kmoꞌei teke tusu ranghi ghita God igne na, eghu agne, tahati ghamu gheda, koꞌu gheda nei glealeꞌa noda eghu ka unha teke loku hetadi theda igre. Theo kaisei glepo nate eni tahati na.

Eklesiasti 3:22

Eghume, igne unha te ghathoni iara na, tahati te gnafa na mala glealeꞌa ka unha teke edi tahatire. Theo kaisei glepo nate eni tahati na. Eghuteuna theo kaisei puhi nate laseni tahati unha nate thoke mei ginau ke leghugna te lehe tahati na.

Eklesiasti 2:24

Eghume, glepo ulu te mala eni tahati na igne kolho, tahati mala ima nei koꞌu nei glealeꞌa eghu kolho ka unha te au ka thedare. Te laseni iara na, glepo igre mei ka khamegna God.

Proveb 19:14

Ido ghe mama tangomana te tufa suga nei sileni ka thudi na. Nu kaisei Lord kolho te tufa gaꞌase te keli na.

Proveb 18:22

Kate deni iagho gaꞌase te mala tolaghi na, iagho deni kaisei glepo te keli. Igne kaisei fablahi Lord te falalase ka iagho na.

Nodi Khoje Hatimare Mae Jiu 144:4

Nakarhadi naikno igre jateula nuri ikoi eghu kolho gaghafa mei katha vido kmo'ei nu kela huila teura eghu kolho. Uve, mare jateula naungo te chari sala'ura eghu kolho.

Nodi Khoje Hatimare Mae Jiu 39:5

Iagho lilisei fakmoꞌei kolho nakarhagu iara na. Nakarhagu iara na theo nafugna kolho ka tathamu iagho na.

Jenesis 26:8

Mae Isak ghe Rebeka neke au raugha katha vido ka namono tuana. Kaisei narane mae Abimelek mae king gna Filistia gne kegra filo neu ka wida gna suga na ne filo fakosi ni mae Isak te loku mei Rebeka na ka thinigna na.