Eklesiasti 9:5 - Buka Blahi Ka Cheke Holo

⁵ Uve, ihei te karha teuna laseni nate lehe ginauna. Nu iheire tela lehehi ra theome laseni kaisei glepo. Mare ginauna theome hata kaisei glepo te keli, eghuteuna naiknore ghatho ihodihi mare.

Eklesiasti 9:5 ပူးပေါင်းရင်းမြစ်များ

Profet Isaia 26:14

Keha mae funei re la lehehi, eghuteuna mare theome tangomana na teke karha teke fapulo mei na. Iagho neke paradi nei goigonidihi neku mare, eghuteuna theo kaisei naikno na teke ghathodire.

Eklesiasti 1:11

Naiknore theome ke ghathodi kuꞌeda tifa ra. Eghuteuna naikno nate karha mei ke leghuda tahatire, mare ginauna na jaola theo kaisei ka mare nate ghathodi kuꞌeda tifara.

Nodi Khoje Hatimare Mae Jiu 6:5

Naikno tela lehehi ra, mare theome tangomana teke ghatho nigho na. Ka namono te au teu mare na, mare theome tangomana teke kilofnakno nigho na.

Hibru 9:27

Naikno te gnafare na kaisei fata lehe kolho, ke leghugna igne God ginauna fatedi mare.

Thoutonu Eigna Mae Job 14:21

Neuba naikno gre ne fafnaknodi thudi mae te lehe ra, nu mana theome laseni kolho. Eghuteuna neuba mare ne famamajadi naikno igre, mana jaola theome laseni.

Eklesiasti 2:16

Uve, mae te fameomekro ghe mae te lalase igre ginauna kafe lehe. Theo kaisei naikno nate ghathodi mae glalase ghe mae te fameomekro igre.

Nodi Khoje Hatimare Mae Jiu 109:15

Ghehati magnahagheni God te thosei atha kokodi nakhibodi kuꞌegna mana re, nei theo kaisei naikno nate ghatho fapulodi vikegna mana ra eghu!

Eklesiasti 8:10

Iara filoni kaisei glepo te theome keli ka nauthoglu igne: Kate lehe mae te diꞌa na mare giugiluni mana ka beku te keli, eghuteuna hata fajiflani mana ka vido te blahi na mala tei giugiluni. Eghuteuna naiknogna namono biꞌo teke edi mana puhi te diꞌa igre, mare ne fafnaknoni mana jateula kaisei mae te keli ra neu. Puhi igne jaola theo nafugna.

Profet Isaia 63:16

Nu iagho kmami ghehati! Ku'emi ghehati mae Ebraham ghe mae Jekop ra theome au balumi eghuteuna phiamare theome lase ghami ghehati. Nu iagho Lord, iagho thofno kmami ghehati. Naiknore kiloni nanghamu iagho na, “Mae mala fakarha ghami ghehati fabrahu.”

Eklesiasti 7:2

Jame te tei tahati ka suga aheva te tanhi teu naiknore ka naikno tela lehehi na, igne thofno puhi keli fara salaꞌuni puhi te tei tahati ka suga aheva te ei gaghamu biꞌo na. Naugna tahati mala kafe lehe. Eghume, kate au teu tahati ka nauthoglu igne tahati mala ghaoghatho fakeli.

Thoutonu Eigna Mae Job 30:23

“Tutuani, iara laseni iagho ginauna snakre ghau iara ka glehe, eghuteuna kuru tei ghau ke lamna beku, ka namono teke vavahi maladi iheire te karha teu igre, nu mae igre ginauna na lehe hui.

Eklesiasti 9:4

Nu ihei te karha teuna au nogna grouronu biꞌo. Tutuani, khuma te karha teuna keli fara salaꞌuni lion tela lehehi na!

Eklesiasti 9:10

Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Fapea Samuel 14:14

Tahati te gnafa na, tahati ginauna lehe. Eghuteuna gleheda tahati na jateula khoꞌu te thofa soru ka glose na ia kolho, eghuteuna theome tangomana kaisei naikno na teke hata fapulogna na tuia eghu. Nu God na theome tangomana te hata fadelei nakarhagna naikno na. Theo. Mana ginauna hironi kaisei nabrou eigna ihei te au khaba ka mana na mala ke pulo mei.

Nodi Khoje Hatimare Mae Jiu 88:13

Lord God, neubane eghu ngau, leuleghu hamerane na iara tarai ari koba ka iagho, eghuteuna iara tanhi ari ka iagho mala togho mei ghau.

Luku 20:32

Leghu lahu na gaꞌase na jaola ne lehe.