Eklesiasti 9:16 - Buka Blahi Ka Cheke Holo

¹⁶ Neuba, te chekeni iara na, gaoghatho te keli na thofno keli fara salaꞌuni nolaghi te biꞌo na, nu neuba, theo kaisei naikno te filo glani naikno te kuma igne. Uve, theo kaisei naikno te ghathoni nogna gaoghatho te keli mana na, eghuteuna gognarona theo kaisei naikno te fanomho ka nogna cheke mana re.

Eklesiasti 9:16 ပူးပေါင်းရင်းမြစ်များ

Eklesiasti 7:19

Gaoghatho te keli na tangomana te toghoni kaisei mae mala uludi nodi nanheta nabotho mae funei te funei frunini kaisei namono biꞌo.

Proveb 24:5

Mae ihei te autagna famane gaoghatho te keli nei lalase teuna, mana mae nheta tutuani fara, eghuteuna nogna kantri mana na jaola nheta fara.

Proveb 21:22

Mae te autagna gaoghatho te keli na tangomana te uluni nodi namono biꞌo mae te nheta ka magra na. Mana tangomana te paꞌe soru bara thina te rouronuni mare na.

Eklesiasti 9:18

Gaoghatho te keli na thofno keli fara salaꞌuni glepo mala magra na, nu kaisei mae te diꞌa puhigna na tangomana te goigonidi kmana glepo te keli.

Proveb 10:15

Dedei na bara fakelini mae te dedei na mala au fakeli, jateula taon bara te maku ia eghu. Nu mae te kuma na kmoꞌe ka gobigna lepo, aonu nakarha te ninhigrana na goigonini mana.

Proveb 8:14

Iara tangomana te tusu lao gaoghatho te keli ka naiknore, eghuteuna iara tangomana te toghodi mare te mala eni gloku te keli na. Iara ngala gaoghatho te keli na, nei nolaghi te biꞌo na.

Eklesiasti 7:12

Gaoghatho te keli na tangomana te togho nigho na, nei sileni na mala jaola togho nigho iagho ka vido te ninhigrana. Nu gaoghatho te keli nei glalase teu igre tangomana te thofno toghoni nakarhamu iagho na.

Eklesiasti 10:10

Jame te theome jaha fafnonu iagho nou nhirama na, iagho ginauna kmusa kate kato tagna. Eghume iagho ghaoghatho fakeli mala bligi ranghi nigho nou gloku na.