Eklesiasti 9:13 - Buka Blahi Ka Cheke Holo

¹³ Iara jaola filoni kaisei glepo ka nauthoglu igne: igne kaisei thotoghale eigna puhigna ihei te autagna gaoghatho te keli na.

Eklesiasti 9:13 ပူးပေါင်းရင်းမြစ်များ

Eklesiasti 8:16

Kate fariuriu mala hata glalase teu iara na, iara ne filodi naiknore ne loku heta, eghuteuna mare ne theome thuru fakeli bongi narane.

Eklesiasti 7:15

Nakarhagu iara na theo nafugna kolho, nu kate karha teu na iara filodi kmana glepo. Naikno te doglo na ghosei lehe kokodi puhigna te doglore, eghuteuna naikno te diꞌa na, karha raugha ka nauthoglu igne balugna nakarhagna te diꞌa na.

Eklesiasti 6:1

Iara filoni keha glepo te diꞌa fara te goigonidi fabrahu naiknogna nauthoglu igne.

Eklesiasti 9:11

Keha glepo te filoni iara ka nauthoglu na igne, keha fata mae te lase chari na theome uluni fangenghele na, keha fata mae te nheta na theome uluni magra na, keha fata mae te lalase na theome autagna nakarha te keli na, keha fata mae te ghaoghatho fakeli na theome dedei, keha fata mae te lalase fara na theome fnakno nanghagna na, naugna glepo te diꞌa na kafe thoke ghita hui.

Fapea Samuel 20:22

Aonu naꞌa tei ka naikno gna namono igne ne cheke fajiflani nogna gaoghatho na. Mare leghuni nogna cheke naikno biꞌo igne ne tei kusu grara gna mae Seba. Eghuteuna mare hata phaꞌu gna mana igne ne haghe ka gringni gna namono na ne koko soru ka mae Joab. Aonu mae Joab kufli mala jifla mae soldiare mala ke figri mare ka king Jerusalem.

Eklesiasti 7:19

Gaoghatho te keli na tangomana te toghoni kaisei mae mala uludi nodi nanheta nabotho mae funei te funei frunini kaisei namono biꞌo.

Eklesiasti 9:12

Tahati theome laseni niha nau nate thoke ghita hoholo biꞌo na. Jateula sasa te khale lamna fangna, ba jateula nanghaji te khale ka phighoro, tahati jaola, hoholo biꞌo ginauna thoke ghita ka narane tahati te theome ghathoni, eghume tahati gne jateula te au teu ke lamna phighoro eghu.

Eklesiasti 9:14

Kaisei namono ikoi te theome autagna kmana naikno. Nu kaisei king te nheta fara na mei magra ka namono igne. Mana na tei faligohoni namono igne, mana tarabana mala paꞌe soru bara thina gna namono igne mala ruma lamna.

Profet Daniel 2:14

Mae Ariok, mae funei biꞌodi mae te mala reireghini king igne, mana tarabana te mala falehedi mae igre na. Mae Daniel ne thofno ghatho fakelini eigna unha nafnata cheke nate eni mana ka mae Ariok igne. Aonu mae Daniel tei ne filoni mae Ariok,