Eklesiasti 9:12 - Buka Blahi Ka Cheke Holo

¹² Tahati theome laseni niha nau nate thoke ghita hoholo biꞌo na. Jateula sasa te khale lamna fangna, ba jateula nanghaji te khale ka phighoro, tahati jaola, hoholo biꞌo ginauna thoke ghita ka narane tahati te theome ghathoni, eghume tahati gne jateula te au teu ke lamna phighoro eghu.

Eklesiasti 9:12 ပူးပေါင်းရင်းမြစ်များ

Ululahu Tesalonika 5:3

Kate chekeni naiknore, “Pharikeli nei nasnagla,” God ginauna ghosei roꞌedi, jateula khabru ghosei te mei ka gaꞌase te namo karha sua ia eghu. Eghuteuna naikno tuare ginauna theome rikha.

Proveb 29:6

Nakhibogna naikno te diꞌa na haru famakuni mana jateula phighoro eghu. Nu naikno te doglo na snagla nogna, eghuteuna mana tangomana te koje nei glealeꞌa teuna.

Fapea Timoti 2:26

Eghuteuna kate keli fapulo gaoghathodire, mare ginauna na rikha kokoni mae Satan. Eigna mae Satan gognaro gne te loku famakudi, eghuteuna mana huhurudi mala edi glepo te magnahaghedi mana thegna re.

Fapea Korin 6:2

Eigna God neke cheke eghu, “Ka vido narane te mala togho ghami na, iara neke nomhi ghami ghotilo. Ka narane te mala fakarhi ghami na, iara neke togho ghami ghotilo.” Filo si ghotilo! Gognaro gne vido narane God te mala nomhi ghami ghotilo na, eghuteuna gognaro gne u narane God te mala fakarhi ghami ghotilo na.

Proveb 6:15

Nu hoholo biꞌo ginauna megei nga thokedi mare, eghuteuna mare ginauna lehe eidi.

Fapea Pita 2:12

Nu mae velepuhi chaichaghi igre theome tangomana ghaoghatho fakeli nei mare cheke fadiꞌadi unha glepo te theome lasedire. Eghume God ginauna roꞌedi mare jateula naikno te falehe bosu ra eghu. Nu ghotilo laseni bosu na mala lolhoku nei falehe.

Ululahu Pita 2:12

Gognaro na naikno te theome fatutuani ni God re cheke fadiꞌa ghami ghotilo fabrahu. Eghume puhimi ghotilo re mala keli nei doglo eghu ka tathadi naikno tuare mala tangomana mare te filodi glepo te keli te edi ghotilo re. Te eghu ghotilo na, ka narane ke pulo meigna mae Kraes na mare ginauna kilo fnaknoni God eidi puhimi ghotilo teke cheke fadiꞌadi mare tifa ra.

Luku 12:39

Nu ghotilo laseni igne, jame mae khotogna suga na laseni narane te mala meigna mae mala blau na, mana ginauna filo fakeli eigna mana theome snakreni nogna suga na mala ruma mana.

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Profet Isaia 30:13

Ghotilo la tapla jafrahi ka nakhibo, eghuteuna nakhibo na jateula kaisei bara thina eghu theome tangomana te fakarhi ghami ghotilo na, nu jare na au kaisei khora biꞌo tarabanau te mala snoꞌo ghotilo tagna na.

Eklesiasti 8:11

Kate theome ghosei te paradi mare naikno te edi puhi te diꞌa re, keha naiknore magnahagheni kolho te eni puhi te diꞌa na.

Nodi Khoje Hatimare Mae Jiu 11:6

Mana ginauna na tofa soru khaꞌaghi te ngire na ke klignadi mala thunu mare thinidire. Mana ginauna paradi nafnata naikno igre, eigna mare ne eni puhi te diꞌa na.

Eklesiasti 3:19

Nakarhagna naikno na nei nakarhagna glepo te tautagu na eghu kaisei nanaba ngala. Uve, glepo te tautagu na mala lehe, eghuteuna naikno na mala jaola lehe. Jame te eghuna, naikno na theome tangomana te chekeni ne thofno keli fara ne salaꞌuni glepo te tautagu na teuna, naugna repa mala kafe lehe kolho kate thoke mei nodi narane na. Eghume, nakarhadi phei glepo igre kafe theo nafudi kolho ka gaoghathoda tahati na.

Eklesiasti 9:13

Iara jaola filoni kaisei glepo ka nauthoglu igne: igne kaisei thotoghale eigna puhigna ihei te autagna gaoghatho te keli na.

Profet Isaia 24:18

Naikno te mhaghu te magnahaghei rikha na, ginauna snoꞌo ka khora. Eghuteuna naikno te magnahaghei rikhani phighoro igne na ginauna khale tagna. Eghuteuna nakhete biꞌo ginauna soru mei, eghuteuna khotogna glose igne ginauna nghali.

Profet Hosia 9:8

God neke kuru mei ghau iara mala cheke faheta ka ghotilo nogna naikno mana ra. Nu namono te gnafa te tei iara igre fariuriu fanogra ghau iara jateula mae te lilisei phighoro te mala fakhale nanghaji ra eghu. Neuba iara ne tei ruma ka sugagna Lord na, iara filodi mae naokare jare.

Proveb 24:22

Phiamare ginauna ghosei ei puhi biꞌo kolho ka mare. Eghuteuna iagho theome laseni unha nafnata puhi biꞌo nate thoke mei na.

Eklesiasti 8:8

Ka narane glehe na tharungada tahati na magnahaghei te tei kokoni thinida tahati na, eghuteuna tahati theome naba te lothini na. Eghuteuna tahati theome naba te tughu naranegna glehe na. Ka narane te magra na, hatimare mae ofisa theome tangomana te snakredi mae soldiare te tei kokoni magra na teke pulo ka namono na. Jateula tuana eghu ihei te leghuni puhi te diꞌa na, mana na theome tangomana te lisa kokoni puhi te diꞌa igne te mala fakarhani thegna na.

Profet Esikiel 32:3

King, fanomho sagho ka iara. Lord God neke cheke eghu: Kate salo fodu mei teu naiknodi keha kantri igre, iara ginauna koko soru nogu fangna na ke klignamu iagho, eghuteuna naiknore ginauna korho nigho iagho longa mata.

Profet Hosia 7:12

Eghuteuna kate flalo tafri jateula igne teu mare na, iara ginauna lilisei kaisei fangna mala khale mare, eghuteuna iara ginauna paradi nafnata naikno te diꞌa igre.