Eklesiasti 9:11 - Buka Blahi Ka Cheke Holo

¹¹ Keha glepo te filoni iara ka nauthoglu na igne, keha fata mae te lase chari na theome uluni fangenghele na, keha fata mae te nheta na theome uluni magra na, keha fata mae te lalase na theome autagna nakarha te keli na, keha fata mae te ghaoghatho fakeli na theome dedei, keha fata mae te lalase fara na theome fnakno nanghagna na, naugna glepo te diꞌa na kafe thoke ghita hui.

Eklesiasti 9:11 ပူးပေါင်းရင်းမြစ်များ

Profet Jeremaea 9:23

Lord ne cheke eghu, “Ihei te lalase na thosei fahaehagheni nogna glalase na. Eghuteuna ihei te nheta na thosei fahaehagheni nogna nanheta na. Eghuteuna ihei te dedei na thosei fahaehagheni nogna dedei na.

Eklesiasti 3:17

Igne unha te ghathoni iara na, “God ginauna na kafe fate falehedi naikno te doglo nei naikno te diꞌa teu igre. Eigna mana liliseihi narane te mala fatedi gobigna lepo fateote'o te edi naiknore.”

Eklesiasti 3:14

Te laseni iara na, gobigna lepo te edi God re ginauna au fabrahu na theome gnafa. Theo kaisei naikno na teke nhaꞌa lao kaisei glepo tagna na, eghuteuna theo kaisei naikno na teke hata koko kaisei glepo tagna na. Gobigna lepo te edi God re thofno doglo fara, mala ghatho tahuni tahati.

Efesus 1:11

Gobigna lepo igre God neke edi leghuni nogna gaoghatho nei glalase teu thegna na. Mana ne leghuni nogna gaoghatho thegna na neke vahi ghita tifa mala nogna naikno Kraes.

Fapea Kronikols 20:15

Aonu mae Jahasiel kegra haghe ne cheke eghu, “King Jehosafat nei ghotilo te gnafa te au Jerusalem nei Juda teura, fanomho fakeli ghotilo ia. Igne unha te chekeni Lord na, ‘Neuba ghotilo ne magra ka armi biꞌo, ghotilo thosei snakredi nagnafami are mala glaꞌe soru, ba mhaghu eghu. Naugna magra igne theome nomi ghotilo, nu nogu iara.

Diutronomi 8:18

Ghathoni Lord nomi God. Mana ngala mae ihei teke tusu ari nolaghi ka ghotilo na mala au nomi kmana glepo te keli. Mana eni igne gognarona naugna mana tajini nhaꞌa cheke teke eni mana baludi kuꞌemi ghotilo tifara.

Eklesiasti 4:4

Eghuteuna iara jaola filodi thua nafnata nakmusa biꞌo nei thua glepo te keli eghu te edi tahati igre, naugna tahati goghotu ka nagnafadare ka unha te edi keha naiknore. Glepo igne jaola theo nafugna kolho, jateula ihei te ngolho leghu ka nuri na ia eghu kolho.

Profet Jeremaea 46:6

Mae te lase chari na, mana theome tangomana te rikha ka mare na. Mae te nheta na, nate theome tangomana te poru ka mare na. Mare glaꞌe la uka pari ke raru Khoꞌu biꞌo Iufretis.” Igne cheke gna Lord.

Eklesiasti 7:13

Ghaoghatho fakeli eidi gobigna lepo teke edi God igre. Jame te eni God kaisei glepo te peko na, theo kaisei naikno na teke eni fadoglo na.

Eklesiasti 4:1

Iara ghathodi fabrahu thua nafnata puhi te theome doglo te edi naikno gre ka nauthoglu igne. Keha naiknore paradi keha naiknore, eghuteuna naikno te au papara igre tanhi nodi fara, nu theo kaisei naikno te fameomegodire. Naugna mae te paradi naiknore igre au nodi nolaghi te mala eni unha te magnahagheni mare na.

Eklesiasti 2:12

Iara ghathodi phei nabrou, gaoghatho te keli nei gaoghatho te fameomekro teu igre. Te filoni iara na mae ihei nate king ke leghugu iara na, mana na theome eni kolho kaisei glepo majaghani. Leuleghu narane na mana ginauna na edila unha teke edila hatimare mae king tifa ra.

Thoutonu Eigna Mae Job 34:29

Ba, jame God nomhidi mare, nu theome eni kaisei glepo teuna, ihei gne te au nogna nolaghi te mala chekeni ne jafra mana teuna? Jame God pophoru tathagna nei foflogna teure, ihei gne nate filoni mana na? Nu mana saghe leghudi naikno nei kantri teu igre.

Fapea Samuel 17:14

Aonu mae Absalom baludi mae soldia di Israel gre ne nomhini igne ne cheke eghu, “Nogna cheke mae Husae igne thofno keli fara salaꞌuni nogna cheke mae Ahitofel tuana.” Mare ghaoghatho eghu naugna Lord la au nogna gaoghathohi te mala goigoni ni nogna gaoghatho keli mae Ahitofel igne mala thoke mei puhi biꞌo ka mae Absalom.

Profet Malakai 3:18

Kau narane nate mei ginau igne, ghotilo ginauna laseni naikno te au doglo ka tathagu, nei leghu ghau iara teu igre na nhogri ka naikno te diꞌa te theome leghu ghau iara igre.’ ” Igne chekegna Lord mae ihei te au nolaghi fateoteo.

Ululahu Samuel 17:50

Neuba mae Devet ne theo nogna naflahi mala magra, mana magra ne faleheni mae Golia ka phirikuava nei thina eghu kolho.

Profet Daniel 4:35

Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’

Fapea Samuel 17:23

Kate laseni mae Ahitofel te theome leghuni mare nogna cheke na, mana saghe ka nogna dongki na neke pulo ka nogna namono na. Kate fadoglidi te gnafa tharakna gna nei nogna bisnis teure, mana froro ne lehe. Tharakna gna mana re hata thinigna mana na ne giugilui ka nodi beku thedi na.

Diutronomi 8:17

Eghume ghotilo fiofilo ghami, glahu ne nomi nanheta themi kolho te jateula na dedei teuna eghu ghotilo gaoghathomi na.

Ululahu Samuel 6:9

Eghuteuna ghotilo filo fakeli ka repa mala laseni jame hata doglo te tei repa Bokis Blahi igne ka namono Bet-Semes ka nogna kantri na. Jame te eghuna, tuana gaoghatho teke au ka Lord te mala goigoni ghita tahati na. Nu jame theome doglo te tei repa ka vido tuana na, nodi God mae Israel gre neke theome kuru meini puhi biꞌo igne ka tahati.”

Nodi Khoje Hatimare Mae Jiu 76:5

Iagho la falehedihi nodi mae nheta hatimare mae naokara, eghuteuna iagho la athahi nodi gobigna lepo mare re. Nodi nolaghi nei glalase teu mare re diꞌa theo tokadi gognaro na.

Proveb 1:5

Buka igne ginauna toghoni mae ihei te lalase fara mala biꞌo salaꞌui mana nogna glalase na. Eghuteuna mana ginauna farirhiudi iheire te au tadi gaoghatho te keli mala leghuni mare nabrou te keli na.

Eklesiasti 9:2

Glepo igne kafe thoke ghita tahati hui. Ihei te doglo, nei ihei te theome doglo, ihei te keli, nei ihei te diꞌa, ihei te klino ka tathagna God, nei ihei te theome klino ka tathagna Mana, ihei te fafara, nei ihei te theome fafara. Mare kaisei nanaba ngala, naugna mare te gnafa na ginauna lehe. Aheva te thokeni naikno te keli na, naikno te diꞌa na ginauna thokeni la. Eghuteuna aheva te thokeni iheire te nhaꞌa cheke ra theome jafra ka iheire te tirodi nhaꞌa cheke ra.

Profet Sekaraea 4:6

Aonu engel igne ne cheke eghu ka iara, “Igne nogna cheke Lord ka mae Serababel: ‘Iagho nei nou naikno re eghu theome edi nogu gloku iara re ka nomi nanheta, nei ka nomi nolaghi ghotilo themi. Nu ka Tharungagu iara kolho.’ Igne nogna cheke Lord mae ihei te au nolaghi fateote'o.

Eklesiasti 9:3

Mare te gnafa na ginauna lehe kolho. Igne kaisei glepo te diꞌa te eni ka nauthoglu igne. Eghume kate karha teu mare ka nauthoglu igne, mare fodu salaꞌui ka gaoghatho te diꞌa, nei ka puhi te fameomekro. Ke leghu mare na tei ka namonodi naikno te lehe ra.

Profet Jeremaea 48:14

“Ghotilo naiknomi Moab! Naugna unha site cheke eghu ghotilo gnea, ‘Ghehati mae nheta mala magra, ghehati mae soldia theome tangomana te mhaghu na’?