Eklesiasti 9:10 - Buka Blahi Ka Cheke Holo

¹⁰ Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Eklesiasti 9:10 ပူးပေါင်းရင်းမြစ်များ

Kolose 3:23

Ka gloku te gnafa te edi ghotilo igre, ghotilo loku fakeli ka thofno gaoghathomi. Naugna ghotilo theome thofno loku ranghini naikno kolho, nu loku ranghini Kraes noda Lord. Eghume ghotilo kafe laseni Lord ginauna taba ghami ghotilo, eigna ghotilo ginauna hata u karha majaghani teke kulu tarabana mana kligna maladi nogna naiknore.

Efesus 5:16

Tutuani, naugna puhi te diꞌa na heta fara gognaro na, leuleghu fata na ghotilo tangomana te mala edi unha glepo te kelire.

Letas Teke Riso Tei Mae Pol Ka Khiloau Rom 12:11

Thosei thodo kate loku ranghini God na, nu taji fakeli ghami themi mala au heta fabrahu ka nomi fatutuani. Uve, loku ranghini Lord ka nagnafami fateo.

Nodi Khoje Hatimare Mae Jiu 6:5

Naikno tela lehehi ra, mare theome tangomana teke ghatho nigho na. Ka namono te au teu mare na, mare theome tangomana teke kilofnakno nigho na.

Ululahu Korin 9:24

Ghotilo laseni, neubane kmana mae te chari kate fangenghele na, nu na kaisei mae ngala te hata taba na. Eghume, ghotilo te gnafa na mala loku heta ranghini God jateula te chari heta te mala hata taba ia eghu.

Eklesiasti 11:6

Iagho mala joꞌu gano ka nagare hamerane boibongi, eghuteuna keha fei grafi. Iagho theome laseni unha nafnata gloku nate keli na. Glahu te joꞌu iagho hamerane igre te au ganodi re, ba te fei grafi igre, ba phei igre kafe keli hui.

Profet Jeremaea 29:13

Eghuteuna jame te hiro ghau iara ghotilo ka gaoghathomi fateote'o nei ka nomi glalase fateote'o teuna, ghotilo ginauna filo ghau iara.

Matiu 6:33

Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.

Ululahu Korin 15:10

Nu ka nogna khokofakasai God iara theome fiti au gognaro na. Theo. Nogna khokofakasai na togho ghau iara te mala nogna mae gloku God. Naugna iara loku heta fara ke uludi keha mae khurure, nu theome nogu gloku iara thegu. Nogna khokofakasai God te au balugu iara na mala togho ghau iara.

Ululahu Korin 9:26

Iara thegu na la chari la tei thokehi ka taba te mala ulu na. Eghuteuna iara jateula mae te mala magra eghu, mala koko soruni keha mae na pari. Iara theome magnahaghei te fiti tutini kolho maloa na.

Jone 9:4

Kani phae ngau narane gne edi tahati nogna gloku God mae teke kuru mei ghau iara na. Naugna bongi na la namo meihi. Eghuteuna theome tangomana kaisei naikno te loku kate romno na.

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Eklesiasti 11:3

Kate fodu khoꞌu ka khoveo na, nakhete ginauna soru mei ka nauthoglu igne. Kate grofo pari gaju na, neubane grofo tei ke raru ba ke mata, ginauna thuru jare ka vido teke grofo sorugna na.

Nehemaea 4:2

Eghuteuna mana kegra haghe ke uludi mae kheragna re baludi mae armidi Samaria gre ne cheke eghu, “Tore, unha site eni na mae Jiu te glaꞌe fara igrea? Ba, mare ginauna tangomanadi teke babana fapulo thedi gringni thina tuana? Ba, mare ginauna jaola tangomanadi nate ke fafara na. Ba, mare ginauna tangomanadi nate loku fagnafa gloku igne ka kaisei narane kolho na? Theome tangomana! Thina teke hata teke loku mare tifa gringni thina igne la goigonihi khaꞌaghi. Mare theome tangomana teke hata thina ka chara re.”

Nehemaea 4:6

Eghume ghehati gognarona loku mala ke babana fapulo gringni thina igne. Eghuteuna na theome raugha, haghegna gringni thina igne la thokeni vido ka fafaja gna na, naugna naiknore sasaꞌa loku heta fara.

Ululahu Kronikols 22:19

Eghume, gognarona ghotilo kaisei gaoghatho ngala mala leghuni gaoghathogna Lord nomi God. Gognarona ghotilo fufunu loku ka Sugablahi te mala cheke fakelini nanghagna Lord, eghuteuna ghotilo ginauna tangomana te hata te mei lilisei nogna Bokis Nhaꞌa Cheke Lord nei keha glepo blahi ra eghu ke lamnagna.”

Ululahu Korin 16:10

Jame te ari mae Timoti ka ghotilo na, ghotilo mala reireghi fakelini mana naugna mana jateula iara eghu loku ranghini Lord.

Ululahu Kronikols 28:20

Aonu King Devet neke cheke eghu ka mae Solomon, “Iagho thosei mhaghu, kegra heta mala eni gloku igne, naugna Lord nogu God iara na au balumu iagho. Mana ginauna togho nigho nei mana ginauna au fabrahu balumu iagho kate loku fahui iagho Sugablahi igne.

Naba 13:30

Nu mae Kaleb ne eni fagaglana ka iheire naikno te fodu balugna mae Moses re mala kmu mare, aonu mana ne cheke eghu, “Tahati na tei falehedi mare gognaro gne mala atha tahati vido tuana. Tahati tangomana ngala te uludi mare na!”

Jenesis 37:35

Thugna nalhaꞌu nei thugna gaꞌase teure ne kafe mei fameomegoni mana mala ke keli nagnafa fapulo mana. Mana tirogna fara ne cheke eghu, “Iara gne na tanhini mana fabrahu ngala ghilei tei iara au balugna mana ka namonodi mae tela lehehi ra.” Aonu mae Jekop ne theome gnafa ne tanhini fabrahuni mae Josep.

Ululahu Samuel 10:7

Kate thoke nigho iagho glepo igre, iagho ginauna tangomana te edi unha teke ghathodi iagho re naugna Lord na au balumu iagho.

Thoutonu Eigna Mae Job 21:13

Naiknore glealeꞌa nodi kolho, eghuteuna mare theome diꞌanagnafa kate soru ka beku na.

Profet Isaia 38:10

“Fari hotei ka nakarhagu na, iara ginauna tei salaꞌu ka bara gna Beku na. Eghuteuna keha finogha ka nakarhagu iara na jame sokmo kolho.

Thoutonu Eigna Mae Job 10:21

Iara la namo teihi, eghuteuna iara ginauna nake theome ke pulo mei. Iara ginauna na tei ka vido te romno, aheva te theo kaisei naphae tagna.

Thoutonu Eigna Mae Job 10:22

Namono igne romno jateula farihotei bongiro eghu, eghuteuna theo kaisei glepo te doglo tagna. Ka namono igne, theo kaisei naphae tagna, naugna naphae igne romno jateula fari hotei bongiro eghu kolho.”

Proveb 3:28

Kate toghoni iagho kheramu fofodu na, iagho eni gognarola. Thosei ofoni nathuꞌu.

Matiu 20:7

“Mare ne cheke eghu ka mana, ‘Naugna theo kaisei mae te foli ghami ghehati na.’ “Aonu mana ne cheke eghu ka mare, ‘Keli fara, ghotilo jaola tei loku ka nogu nagare iara na.’

Jone 5:4

Mae ihei ka hatimare te au khabru tagna nu kulu soru kate kaplo teu kholo na teuna, mana nake keli fapulo nogna.