Eklesiasti 9:1 - Buka Blahi Ka Cheke Holo

¹ Iara neke famane ghaoghatho fakeli eidi glepo igre. Eghuteuna iara lasenihi mae ihei te autagna gaoghatho te keli nei gaoghatho te doglo teu baludi nogna gloku fateote'o na, igre au ka khamegna God. Nu theo kaisei naikno te laseni God na te namhadi ba nate theome magnahaghedi thogheiro na.

Eklesiasti 9:1 ပူးပေါင်းရင်းမြစ်များ

Diutronomi 33:3

Tutuani, Lord namhadi nogna naiknore. Mana thofno reireghi fakeli ghami ghotilo nogna naikno blahi mana ra. Eghume ghotilo mei mala pogho soru ka mana, eghuteuna mana na farirhiu ghami ghotilo.

Ululahu Pita 1:5

Ka nomi fatutuani ghotilo ka God na, mana ginauna na reireghi fakeli ghami ka nogna nolaghi na ghilei thoke mei narane leghu lahu te mala fakarhi ghami na.

Eklesiasti 8:14

Igne keha glepo te theo nafugna ka nauthoglu igne na, naikno te doglore au papara naba jame teke hata naikno te diꞌare. Nu naikno te diꞌare hata nodi fablahi naikno te doglore. Te chekeni iara na, puhi igne theo nafugna ka gaoghathogu iara na.

Thoutonu Eigna Mae Job 12:10

Gobigna lepo te karha igre, au kolho ka thatabla khamegna mana. Eghuteuna nakarhagna naikno na, jaola au ka khamegna mana.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Profet Isaia 26:12

Lord, iagho tusu ranghi ghami pharikeli, naugna ka nou nolaghi iagho te mala tangomana ghehati te edi re gloku te kelire.

Proveb 16:3

Lisa lao ka Lord unha te au nagnafamu na, eghuteuna nou gloku fateote'o iagho are ginauna thofno keli fara.

Nodi Khoje Hatimare Mae Jiu 31:5

Lord, iara nou naikno gloku gne. Iara lisa ari nakarhagu na ka khamemu iagho. Iara laseni eigna iagho ginauna na fakarhi ghau iara, naugna iagho ne taji fabrahu ghau iara.

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.

Eklesiasti 10:14

Mae te theome autagna gaoghatho te keli na khuru vese fara. Tahati theome laseni unha nate thoke mei nathuꞌu nauriha na. Eghuteuna tahati theome laseni unha glepo nate thoke mei ka nauthoglu igne kate lehehi tahati na.

Eklesiasti 8:16

Kate fariuriu mala hata glalase teu iara na, iara ne filodi naiknore ne loku heta, eghuteuna mare ne theome thuru fakeli bongi narane.

Eklesiasti 7:25

Eghume, iara neke fariuriu fara mala lasedi gaoghatho te keli nei mala hata thua nafnata glalase. Eghuteuna iara neke loku heta mala lasedi thofno gaoghathodi thua nafnata puhi te diꞌa nei puhi te fameomekro teu igre.

Eklesiasti 7:15

Nakarhagu iara na theo nafugna kolho, nu kate karha teu na iara filodi kmana glepo. Naikno te doglo na ghosei lehe kokodi puhigna te doglore, eghuteuna naikno te diꞌa na, karha raugha ka nauthoglu igne balugna nakarhagna te diꞌa na.

Eklesiasti 1:17

Eghume, iara fariu riu fara mala laseni gaoghathogna mae ihei te au tagna gaoghatho te keli na, nei gaoghathogna mae ihei te fameomekro na eghu. Nu iara jateula mae ihei te ngolho leghu ka nuri na ia eghu kolho.

Nodi Khoje Hatimare Mae Jiu 10:14

Nu iagho la filodihi puhidi mae te diꞌara. Iagho la lasedihi khabru nei papara eghu te edi mare ka keha naiknora, eghume iagho tarabana mala toghodi naikno te au papara are. Naikno te au kokhonidi nei glehe kokoi teu igre lisei soru ka khamemu iagho nakarhadi re.

Thoutonu Eigna Mae Job 5:8

“Iara jame nogu iagho meuna, iara ginauna figri ka God. Eghuteuna iara na chekedi nogu puhi biꞌo re ka mana.

Nodi Khoje Hatimare Mae Jiu 119:109

Leuleghu narane na iara tarabana mala lehe naugna iara ne leghu nigho iagho koba, nu iara theome ghatho ihoni nou vetula iagho na.

Eklesiasti 9:6

Uve, puhidi te mala namhadi keha naikno ra, nei puhi te mala sukudi keha naikno ra, nei puhi te mala goghotudi keha naikno re teura la lehehi baludi mare. Mare theome tangomana te au baludi gobigna lepo te edi fabrahu ka nauthoglu igne.

Profet Jeremaea 43:6

Mare jaola ne batudi naikno teke atha mae Nebusaradan, baludi nodi funei biꞌo hatimare mae komanda ka armi gna Babilonia teke au ka khame gna mae Gedalaea, thugna mae Ahikam nei thugna mae Safan. Eghuteuna hatimare mae nalhaꞌu, goro gaꞌase, goro sua, thugna gaꞌase mae king, mae profet Jeremaea ghe mae Baruk thugna mae Neraea teu igre jaola ne tei baludi mare.

Thoutonu Eigna Mae Job 27:12

Nu ghotilo la filodihi glepo igre, neuba ghotilo chekedi fabrahu nafnata cheke te theo nafudi kolho igre.

Eklesiasti 8:7

Tahati theome laseni unha nate thoke ghita ginauna, eghuteuna theo kaisei naikno nate cheke ranghi ghita eidi glepo igre.