Eklesiasti 8:16 - Buka Blahi Ka Cheke Holo

¹⁶ Kate fariuriu mala hata glalase teu iara na, iara ne filodi naiknore ne loku heta, eghuteuna mare ne theome thuru fakeli bongi narane.

Eklesiasti 8:16 ပူးပေါင်းရင်းမြစ်များ

Eklesiasti 2:23

Leuleghu narane na tahati huruhanga nei diꞌanagnafa eghu ka gloku te edi tahati igre. Tahati theome thuru fakeli bongi narane na. Nafnata nakarha igne jaola theo nafugna ka gaoghathogu iara na.

Eklesiasti 1:13

Iara magnahaghei fara te lasedi unha teke edi naiknore ka nauthoglu igne. Eghuteuna unha teke filoni iara na, nakarha teke tusu mei God ka tahati igne thono tahu fara.

Nodi Khoje Hatimare Mae Jiu 127:2

Thono theo nafuda kolho tahati te nangani kolho nakarhada theda na, te loku hetani gano na kolho funu hamerane boibongi te ghilei rafi na. Naugna Lord ngala nate togho ghita ginauna ka unha te nabada tahati na, neuba ne loku heta ba thuru iho eghu tahati.

Eklesiasti 8:9

Iara filodi glepo igre kate ghathodi iara unha nafnata puhi te edi naikno ka nauthoglu igne. Keha fata iara filodi mae funei te paradi nei fadiꞌadi teu naiknore.

Eklesiasti 8:7

Tahati theome laseni unha nate thoke ghita ginauna, eghuteuna theo kaisei naikno nate cheke ranghi ghita eidi glepo igre.

Eklesiasti 7:25

Eghume, iara neke fariuriu fara mala lasedi gaoghatho te keli nei mala hata thua nafnata glalase. Eghuteuna iara neke loku heta mala lasedi thofno gaoghathodi thua nafnata puhi te diꞌa nei puhi te fameomekro teu igre.

Eklesiasti 5:12

Mae gloku te loku heta fabrahu na, glahu mana ghamu katha ikoi kolho, ba mana ghamu ghilei boho fara, nu mana tangomana te thuru fakeli bongiro na. Nu mae te dedei na theome thuru fakeli bongiro na, naugna mana ne nangadi fara nogna gobigna lepore.

Eklesiasti 4:8

Jame kaisei mae au sopa thegna, mae igne theo thabusigna, ba thugna, nu leuleghu narane na mana loku heta fabrahu theome gnafa kaisei narane, naugna mana magnahaghei sileni biꞌo. Nu mae igne theome ghusna eghu ka thegna, “Mala toghoni ihei si gloku biꞌo te edi iara leuleghu narane te theome gnafa igrea?” Nafnata puhi te eni mana igne thofno diꞌa fara nei theo nafugna eghu kolho.

Jenesis 31:40

Kmana fata iara neke brana ghau naprai ba neke rheka nogu kate loku bongiro na ba neke theome thuru fakeli nogu ka teke loku ranghi nigho iagho na.

Eklesiasti 1:14

Iara la filodihi gobigna lepo teke edi ka nauthoglu igne, nu unha te chekeni iara na, gobigna lepo igre theome nanaba ka gaoghathoda tahati re. Tahati jateula te ngolho leghu ka nuri ia eghu kolho.

Eklesiasti 1:17

Eghume, iara fariu riu fara mala laseni gaoghathogna mae ihei te au tagna gaoghatho te keli na, nei gaoghathogna mae ihei te fameomekro na eghu. Nu iara jateula mae ihei te ngolho leghu ka nuri na ia eghu kolho.