Eklesiasti 8:14 - Buka Blahi Ka Cheke Holo

¹⁴ Igne keha glepo te theo nafugna ka nauthoglu igne na, naikno te doglore au papara naba jame teke hata naikno te diꞌare. Nu naikno te diꞌare hata nodi fablahi naikno te doglore. Te chekeni iara na, puhi igne theo nafugna ka gaoghathogu iara na.

Eklesiasti 8:14 ပူးပေါင်းရင်းမြစ်များ

Eklesiasti 7:15

Nakarhagu iara na theo nafugna kolho, nu kate karha teu na iara filodi kmana glepo. Naikno te doglo na ghosei lehe kokodi puhigna te doglore, eghuteuna naikno te diꞌa na, karha raugha ka nauthoglu igne balugna nakarhagna te diꞌa na.

Profet Malakai 3:15

Tahati filodi naikno te fahaehaghe igre mare au fakeli nodi nei glealeꞌa nodi eghu koba. Eghuteuna naikno te tapla jafra koba ka nakhibo igre mare au nodi kmana glepo te keli fara. Eghuteuna God na theome paradi kolho unha puhi te diꞌa te edi mare re eghu. Thono theo fara!’ ”

Eklesiasti 2:14

Mae ihei te au tagna gaoghatho te keli na, mana filo glani ne leghuni naphae na. Nu mae ihei te fameomekro na, mana leghuni kolho nabrou te romno na. Nu neuba, te laseni iara na, glehe na ginauna kafe thokedi phei mae igre.

Thoutonu Eigna Mae Job 21:7

Naugna unha si God te snakredi naikno te diꞌa igre te karha raugha nei kuekuꞌe, nei nheta nei dedei fara teu igrea?

Profet Jeremaea 12:1

Lord, iagho eni fabrahu puhi te doglo na, eghume, iara theome tangomana te fapholai balumu iagho na. Nu iara magnahaghei te ghusna ka iagho eidi keha puhi te theome raꞌe glola ka gaoghathogu na. Ba, ne faꞌunha si mae te diꞌa puhidire igre te au fakeli nodi koba grea? Ba, ne faꞌunha si mae te theome namo ka iagho igre te au ka nakarha te keli igrea?

Eklesiasti 10:5

Iara filoni kaisei glepo te diꞌa te edi mae te mala baubatu igre ka nauthoglu igne.

Eklesiasti 4:8

Jame kaisei mae au sopa thegna, mae igne theo thabusigna, ba thugna, nu leuleghu narane na mana loku heta fabrahu theome gnafa kaisei narane, naugna mana magnahaghei sileni biꞌo. Nu mae igne theome ghusna eghu ka thegna, “Mala toghoni ihei si gloku biꞌo te edi iara leuleghu narane te theome gnafa igrea?” Nafnata puhi te eni mana igne thofno diꞌa fara nei theo nafugna eghu kolho.

Eklesiasti 4:4

Eghuteuna iara jaola filodi thua nafnata nakmusa biꞌo nei thua glepo te keli eghu te edi tahati igre, naugna tahati goghotu ka nagnafadare ka unha te edi keha naiknore. Glepo igne jaola theo nafugna kolho, jateula ihei te ngolho leghu ka nuri na ia eghu kolho.

Thoutonu Eigna Mae Job 1:22

Neuba puhi biꞌo igre ne thokeni mae Job, nu mana theome tapla jafra ka nakhibo eghuteuna mana theome faghoroni God.

Thoutonu Eigna Mae Job 27:12

Nu ghotilo la filodihi glepo igre, neuba ghotilo chekedi fabrahu nafnata cheke te theo nafudi kolho igre.