Eklesiasti 8:13 - Buka Blahi Ka Cheke Holo

¹³ Nu naikno te diꞌa te theome ghatho tahuni God na, nakarhagna mana na ginauna theome keli, nei na theome brahu kolho eghu.”

Eklesiasti 8:13 ပူးပေါင်းရင်းမြစ်များ

Eklesiasti 6:12

Nakarhada tahati ka nauthoglu igne thofno kmoꞌei fara, jateula naungo gaju te ghosei te dofini kate thafru naprai na ka khoveo ra eghu. Eghume, ihei gne nate baubatu ghita ka puhi te keli te mala leghuni tahati na? Ihei gne nate tangomana te chekedi unha nate thoke mei ka nauthoglu igne ke leghugna te lehehi tahati na?

Profet Isaia 3:11

Nu kokhonidi fara iheire te leghuni puhi te diꞌa na! Lord ginauna tughu fapulo ka mare glepo te diꞌa fateote'o teke edi mare ra.

Thoutonu Eigna Mae Job 14:2

Mana ghosei kotu haghe jateula chechenge gaju eghu, eghuteuna jaola ghosei lehe jateula chechenge gaju eghu. Nakarhagna na ghosei dofini kolho jateula naungo gaju eghu.

Profet Malakai 3:18

Kau narane nate mei ginau igne, ghotilo ginauna laseni naikno te au doglo ka tathagu, nei leghu ghau iara teu igre na nhogri ka naikno te diꞌa te theome leghu ghau iara igre.’ ” Igne chekegna Lord mae ihei te au nolaghi fateoteo.

Profet Isaia 57:21

Uve, pharikeli na theome au ka nagnafadi nafnata naikno te diꞌa igre.” Igne chekegna Lord nogu God.

Fapea Pita 2:3

Mae velepuhi chaichaghi igre na edi kmana thonu chaichaghi, naugna mare magnahaghei hata sileni fara kolho ka ghotilo. Nu God fatedihi mare eidi puhi igre, eghuteuna mana neke ofodi mare funu tifa. Mana theome thuru, nu mana ginauna fatedi mare naugna mana neke kulu chekenihi.

Jemes 4:14

Tore, nu ghotilo theome laseni unha nate eni nathuꞌu na! Eghuteuna ghotilo theome laseni unha nafnata nakarhagna nate hata ghotilo na. Ghotilo na jateula khoveo te filoni tahati katha vido ikoi hamerane nu kela dofi nila teu ia eghu kolho.

Jone 5:29

Aonu mare ginauna kafe jifla mei ka bekudire. Iheire teke edi koba gloku te keli tifa re mare ginauna karha fabrahu. Nu iheire teke edi koba glepo te diꞌare mare ginauna au papara fabrahu.

Profet Isaia 30:13

Ghotilo la tapla jafrahi ka nakhibo, eghuteuna nakhibo na jateula kaisei bara thina eghu theome tangomana te fakarhi ghami ghotilo na, nu jare na au kaisei khora biꞌo tarabanau te mala snoꞌo ghotilo tagna na.

Nodi Khoje Hatimare Mae Jiu 144:4

Nakarhadi naikno igre jateula nuri ikoi eghu kolho gaghafa mei katha vido kmo'ei nu kela huila teura eghu kolho. Uve, mare jateula naungo te chari sala'ura eghu kolho.

Nodi Khoje Hatimare Mae Jiu 55:23

God, iagho ginauna kuru teidi iheire te falehe naikno nei chaichaghi teu are mala tei au mare ka namonodi naikno te au ka glehera mala snivi fabrahu mare. Narane te mala lehedire na ghosei mei kolho. Nu iara gne fatutuani nigho iagho fabrahu kolho.

Nodi Khoje Hatimare Mae Jiu 39:5

Iagho lilisei fakmoꞌei kolho nakarhagu iara na. Nakarhagu iara na theo nafugna kolho ka tathamu iagho na.

Nodi Khoje Hatimare Mae Jiu 11:5

Lord na filo glani nakarhagna ihei te keli na nei ihei te diꞌa na eghu. Nu mana theome magnahagheni ihei te kuru magridi keha naiknore.

Thoutonu Eigna Mae Job 21:30

Thoutonu na eghu agne: Ka narane te diꞌatagna God te paradi naiknore, puhi biꞌo theome thokedi naikno te diꞌa re.

Thoutonu Eigna Mae Job 20:5

naikno te diꞌa igre tangomana te glealeꞌa katha vido kmoꞌei kolho.

Thoutonu Eigna Mae Job 18:5

“Tutuani fara, nogna juta naikno te diꞌa na ginauna lehe, eghuteuna khaꞌaghigna na ginauna jaola lehe.

Eklesiasti 3:14

Te laseni iara na, gobigna lepo te edi God re ginauna au fabrahu na theome gnafa. Theo kaisei naikno na teke nhaꞌa lao kaisei glepo tagna na, eghuteuna theo kaisei naikno na teke hata koko kaisei glepo tagna na. Gobigna lepo te edi God re thofno doglo fara, mala ghatho tahuni tahati.

Eklesiasti 5:7

Neuba iagho ne edi kmana mifi, kmana cheke, nei kmana nafnata gaoghatho te theo nafudi neu, iagho mala ghatho tahuni God.

Eklesiasti 7:15

Nakarhagu iara na theo nafugna kolho, nu kate karha teu na iara filodi kmana glepo. Naikno te doglo na ghosei lehe kokodi puhigna te doglore, eghuteuna naikno te diꞌa na, karha raugha ka nauthoglu igne balugna nakarhagna te diꞌa na.

Eklesiasti 7:18

Te keli na iagho famane ghaoghatho fakeli eidi phei farirhiu igre. Jame te ghatho tahuni iagho God na, iagho ginauna thofno keli fara.

Eklesiasti 8:8

Ka narane glehe na tharungada tahati na magnahaghei te tei kokoni thinida tahati na, eghuteuna tahati theome naba te lothini na. Eghuteuna tahati theome naba te tughu naranegna glehe na. Ka narane te magra na, hatimare mae ofisa theome tangomana te snakredi mae soldiare te tei kokoni magra na teke pulo ka namono na. Jateula tuana eghu ihei te leghuni puhi te diꞌa na, mana na theome tangomana te lisa kokoni puhi te diꞌa igne te mala fakarhani thegna na.

Profet Isaia 65:20

“Theo kaisei sua nate lehe ka namono igne. Naikno te gnafa te au ka namono igne ginauna theome ghosei lehe. Jame ihei te lehe kate thokeni kaisei gobi finogha na, naiknore te ghathoni na, mae igne majaghaniu ngala. Eghuteuna jame ihei te lehe te thokeni nga narane igne na, naiknore ginauna ghathoni ne parani iara teuna.

Nodi Khoje Hatimare Mae Jiu 37:1

Thosei nanga nou ka puhi te edi mae te diꞌare. Thosei mamagnani ka nagnafamu na te leghuni puhidi mare re.

Profet Jeremaea 44:10

Mei te posa gognarogne, ghotilo naiknomi Juda maku fara phaꞌumire jateula thina eghu theome ghatho tahu ghau iara. Eghuteuna ghotilo jaola tiromi leghudi nogu vetula iara teke tusu ari iara ka ghotilo nei ka kuꞌemi ghotilo tifa ra.’