Eklesiasti 8:1 - Buka Blahi Ka Cheke Holo

¹ Ihei gne te au tagna gaoghatho te keli na? Ihei gne te lasedi u gaoghathodi glepo igre? Uve, gaoghatho te keli nei glalase teu igre kolho te tangomana te tuthughu tathagna nei foflogna teu ihei te romno soru ka diꞌanagnafa na mala ke gleale'a fapulo.

Eklesiasti 8:1 ပူးပေါင်းရင်းမြစ်များ

Mae Khuru 6:15

Mae te gnafa te gnokro ke lamnagna u faidu igne, mare ne filo tutu ka mae Stivin. Eghuteuna kate filo mare ka tathagna nei foflogna teu mae Stivin re, mana ne siasigla jateula tathagna nei foflogna eghu kaisei engel.

Diutronomi 28:50

Ghotilo ginauna thono mhaghudi mare, eghuteuna mare theome tangomana te kokhonidi naikno biꞌo, mae biꞌo nei goro sua.

Fapea Pita 1:20

Nu ghotilo ghaoghatho fakelini igne, eigna theo kaisei mae profet te tutuani te leghuni nogna gaoghatho thegna na te riorisoni chekegna God te au ka buka blahi na. Theo fara.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Mae Khuru 4:29

Gognaro gne, Lord, nomhidi nodi cheke famamhaghu mae igre! Lord, ghehati nou mae gloku iagho. Tusu mei ranghi ghami u nolaghi te mala theome mhaghuni ghehati toutonu gna chekemu iagho na.

Mae Khuru 4:13

Hatimare mae biꞌo re ne jaglo nodi kate filodi mae Pita ghe mae Jone te theome mhaghu kate cheke ke uludi mare na. Mare lasedi phei mae igre neke theome tei sikoluni u glalase na, phiamare au kolho ka namono. Nu kate filoni te theome mhaghu phei mae igre na, mare neke ghatho fapuloni phei mae igre neke tei tafri balugna mae Jisas.

Proveb 17:24

Mae te lalase na, hironi gaoghatho te keli na. Nu mae te fameomekro na hiro thua nafnata gaoghatho heva heva.

Thoutonu Eigna Mae Job 33:23

Neubane kaisei thogha engel te au na, kaisei kolho nate toghoni mana na, eghuteuna cheke ranghini mana unha te doglo na.

Efesus 6:19

Eghuteuna ghotilo jaola tarai ghau iara, mala tangomana God te tusu mei ka iara cheke te mala toutonuni iara na. Tarai ghau iara te mala theome mhaghuni te mala toutonu cheke te tutuani eigna Nonomho te Keli na.

Matiu 17:2

Kate filo teu thilomare na, thilomare ne filoni thinigna mae Jisas na ne tughu. Tathagna nei foflogna teu manare ne siasigla fara jateula naprai neu. Eghuteuna nogna pohere ne jaola ne thono vegha fara.

Profet Daniel 2:47

Mana ne cheke eghu ka mae Daniel, “Tutuani fara, nou God iagho igne haghe fara salaꞌudi keha god te gnafa te tufru sorudi ghehati igre. Mana nodi Lord hatimare mae king te gnafa igre. Eigna Mana tangomana te fakakhana gaoghathodi gobigna lepo te poru ka iara igre. Gognarona iara laseni igne, naugna iagho la rurutha la thofno glola fakeli ka iara.”

Proveb 24:5

Mae ihei te autagna famane gaoghatho te keli nei lalase teuna, mana mae nheta tutuani fara, eghuteuna nogna kantri mana na jaola nheta fara.

Proveb 1:6

Te lase fakelidi tahati gaoghathodi famane cheke igre na, tahati ginauna tangomana te lasedi nogna cheke mae te lalase na.

Jenesis 40:8

Phia mare ne cheke eghu ka mae Josep, “Ghepa neke orio mifi bongi na. Nu theo kaisei mae agne naba te mala ruruthadi u gaoghathodi nomi mifi ghepa gre eghu.” Mae Josep ne cheke eghu ka phia mare, “God ngala te tangomana te ruruthadi ka tahati u gaoghathodi mifi igre na, te eghu na God na fakakhana ka iara u gaoghathodi nomi mifi ghopa igre eghu. Eghume ghopa na toutonu ka iara nomi mifi re eghu.”

Letas Teke Riso Tei Mae Pol Ka Khiloau Rom 13:5

Eghume ghotilo mala leghudi hatimare mae biꞌo ka gavman. Nu ghotilo mala theome leghudi mare naugna ghotilo mhaghuni fate na ka mare kolho, nu naugna ghotilo laseni tuana te puhi te keli te mala eni na.

Proveb 21:29

Mae te diꞌa na fiti cheke kolho. Mae te doglo na ghaoghatho eigna unha nate eni na.

Eksodas 34:35

leuleghu fata na naiknore tangomana te filodi tathagna nei foflogna teu mana re siasigla. Aonu Moses toku tafru tathagna nei foflogna teure ghilei thokeni narane teke tei mana te mala ke cheke balugna Lord.

Proveb 12:8

Naiknore pala hagheni nanghagna mae ihei te autagna gaoghatho te keli na. Nu cheke faparini mae ihei te autagna gaoghatho te diꞌa na.

Profet Daniel 2:22

God tangomana te fakakhana glepo te poru, nei glepo te theome lasedi gaoghathodi. Mana lasedi gobigna lepo te poru kate romno na, eghuteuna leuleghu fata na naphae na au faligohoni mana.