Eklesiasti 7:9 - Buka Blahi Ka Cheke Holo

⁹ Theome keli te ghosei te diꞌatamu iagho na. Naugna tuana nogna puhi mae te fameomekro.

Eklesiasti 7:9 ပူးပေါင်းရင်းမြစ်များ

Jemes 1:19

Kheraguro, ghaoghatho fakeli ghotilo ia. Te keli na ghotilo kulu fanomho fakeli ghu ame funu cheke nga nei diꞌatami nga eghu ka keha naiknore.

Proveb 14:17

Mae te ghosei te diꞌatagna na, mana tangomana te eni puhi te fameomekro na. Eghuteuna naiknore tirodini mae te ghaoghaho eigna puhi te diꞌa na.

Proveb 16:32

Mae te theome ghosei te diꞌatagna na, mana nheta salaꞌuni mae soldia te nheta fara na. Mae te saghe leghuni diꞌatagna na, mana keli fara salaꞌuni mae ihei te magra heta te uluni kaisei namono biꞌo na.

Nonomho Te Keli Teke Risoi Mae Mak 6:19

Eigna igne te thono diꞌatagna fara Herodias te magnahaghei faleheni mae Jone Apublahi na. Nu naꞌa theome tangomana naugna mae Herod.

Profet Jona 4:9

Lord ne cheke eghu ka mana, “Ba, doglou kolho te diꞌatamu iagho eigna gaju vaen igne na?” Mae Jona ne cheke eghu, “Uve, doglou kolho te diꞌatagu iara na, eghume iara magnahaghei lehe nogu kolho!”

Fapea Samuel 19:43

Eghuteuna maedi Israel igre ne cheke eghu, “Uve, tutuani fara, king igne mae kherami ghotilo, nu ghehati au nomi nolaghi ke tulaomi ghotiloi. Ghehati nabotho vike, nu ghotilo kaisei vike kolho. Eghume king igne nomi ghehati nabotho fata salaꞌuni puhi te nomi themi teu ghotilo igne. Ghaoghatho fakelini si ghotilo. Ghehati ngala teke kulu ghathoni mala ke hata fapuloni mana tekuna!” Nu maedi Juda igre ne cheke faparidi fara maedi Israel gre.

Fapea Samuel 13:22

Eghuteuna mae Absalom jaola ne diꞌatagna fara ka mae Amnon, nei theome cheke fabrahu ka mana. Naugna mae Amnon ne eni puhi te diꞌa na ka greghagna na. Aonu mae Absalom ne theome magnahaghei te filoni tathagna mae Amnon.

Fapea Samuel 13:28

Mae Absalom ne cheke eghu ka nogna mae glokure, “Kate ghamu teu tahati na, ghotilo filo fakelini mae Amnon. Kate filoni ghotilo te koꞌu te salaꞌui mana na, iara na eni kaisei fagaglana ka ghotilo. Eghuteuna ghotilo tei mala faleheni mana. Ghotilo thosei nanga nomi. Naugna iara te cheke ghami ghotilo te mala faleheni mana na. Eghume ghotilo famamhaku nagnafami re mala thosei mhaghu!”

Nonomho Te Keli Teke Risoi Mae Mak 6:24

Ka vido tuana sua gaꞌase na jifla ne tei ghusna eghu ka idogna na, “Unha nate toreni iara ginau ka mae king na?” Idogna na ne cheke eghu ka naꞌa, “Iara magnahaghe nigho iagho te toreni pha'ugna Jone Apublahi.”

Fapea Samuel 13:32

Nu mae Jonadab, thugna mae Simea, thabusigna mae king igne ne cheke eghu, “King, iagho thosei fatutuani ni cheke igne. Kaisei mae Amnon kolho te lehe na. Mae Absalom kaisei gaoghatho kolho ne faleheni mae Amnon, naugna mana neke eni puhi te diꞌa na ka Tama, gregagna na.

Jenesis 4:8

Nu mae Kein ne tirogna fanomho ka Lord. Kaisei fata mae Kein ne cheke ka mae Abel tahigna na mala tei nonolo balugna. Eghuteuna kate au teu phiamare mhata na, mae Kein ne kegra haghe ne akni faleheni mae tahigna na.

Proveb 14:29

Mae te theome ghosei te diꞌatagna na, mana lalase fara. Mae te ghosei te diꞌatagna na, mana fameomekro fara.

Eklesiasti 7:10

Theome puhi keli te ghusna eghu iagho na, “Ne faꞌunha si gobigna lepo tifara te keli fara uludi gognaro grea?”

Proveb 25:8

Kate filoni iagho glepo te diꞌa na, iagho thosei faghose tei ka fate mala cheke fajiflani glepo igne. Glahu keha mae na chekeni ne jafra iagho teuna, eghuteuna iagho ginauna na mamaja nou.

Profet Jona 4:3

Eghume Lord, snakre ghau mala lehe nogu. Mala unha site karha iara gnea? Nabagu na iara mala lehe kolho.”

Profet Jona 4:8

Eghuteuna kate haghe naprai na, God ne eni nuri te brana fara na ne ghaghafa mei ke maghati. Eghuteuna naprai na ne brana soru ka phaꞌugna mae Jona na ne glaꞌe soru mana. Aonu, mana ne cheke eghu, “Mala unha site karha teu iara gnea? Iara nabagu na mala lehe kolho!”