Eklesiasti 7:6 - Buka Blahi Ka Cheke Holo

⁶ Jame te maꞌe naikno te fameomekro na, nogna maꞌe mana igne theo nafugna kolho. Khogla jateula naogla khaꞌaghi te nhako fahui gaju te mojara eghu kolho.

Eklesiasti 7:6 ပူးပေါင်းရင်းမြစ်များ

Nodi Khoje Hatimare Mae Jiu 118:12

Mare khapru faligoho ghau iara jateula naungo eghu, nu iara la goigonidihi mare ka nogna nolaghi Lord. Kate mei mare te mala magra ka iara na, mare jateula buburu te gnubra ka khaꞌaghi te ghosei te dofidi ra eghu kolho.

Nodi Khoje Hatimare Mae Jiu 58:9

God, ghosei brasi sorudi sagho kate iho teu mare na mala jateula buburu eghu kolho mare. Kate diꞌatamu na phanga lao sagho ka mare mala flalo tei delei kate karha teu mare na.

Eklesiasti 2:2

Thono fameomekro kolho jame te fiti maꞌe leuleghu narane na. Eghuteuna unha te gleale'ani naikno igne, glepo tuana ginauna theome toghoni nakarhagna mana na.

Luku 16:25

“Mae Ebraham ne cheke eghu ka mana, ‘Thuguo, ke ghathodi sagho kani teke karhamu ra. Iagho neke gleale'a fara nu mae Lasaros neke diꞌanagnafa fara. Nu gognaro na mae Lasaros kela au gleale'a agne, nu gognarona iagho kela au papara.

Luku 6:25

Puhi biꞌo ka ghotilo naikno te boho nomi gognaro gre! Naugna ghotilo ginauna nake rofou! Eghuteuna puhi biꞌo ka ghotilo te maꞌe gognaro gre! Naugna ghotilo ginauna nake tanhi biꞌo nei diꞌanagnafa eghu!

Profet Emos 8:10

Nomi narane gaghamu ghotilore, iara ginauna nake figri ka narane mala giugilu naikno te lehe. Eghuteuna nomi khoje glealeꞌa ghotilore ginauna nake figri diꞌanagnafa nei tanhi eghu. Iara ginauna ghoighori phaꞌumi ghotilore, mala pipichi ghotilo ka pohe te thona, fagaglagna te diꞌanagnafa ghotilo jateula repa tolaghi te diꞌanagnafa kate lehe thudi naia eghu. Ka narane tuana, puhi biꞌo ginauna thoke ghami ghotilo!”

Proveb 29:9

Jame mae te autagna gaoghatho te keli na athani mae te fameomekro na ka fate, mae te fameomekro igne na theome au kmu, nu mana na cheke faparini nei naghoni eghu kolho mana. Eghuteuna theo kaisei pharikeli jare na.