Eklesiasti 7:4 - Buka Blahi Ka Cheke Holo

⁴ Jame te au ka iagho gaoghatho te keli na, iagho ginauna magnahaghei te au baludi naikno te tanhi ka naikno tela lehehi na. Nu ihei te theome au tagna gaoghatho te keli na, mana magnahaghei te au baludi naikno te edi thua nafnata puhi te mala gleale'a na.

Eklesiasti 7:4 ပူးပေါင်းရင်းမြစ်များ

Profet Hosia 7:5

Ka narane te eni king gaghamu na baludi nogna tothoghei funei na, mare koꞌu thaviru baludi mae te diꞌare ghilei fanoinoli tafri.

Profet Daniel 5:30

Nu ka bongi igne la, maedi Media mei ne faleheni mae Belsasa, king gna Babilonia.

Profet Jeremaea 51:57

Iara ginauna paradi hatimare mae biꞌo, hatimare mae glalase, hatimare mae gavana, hatimare mae komanda, nei hatimare mae soldia mala koꞌu mare diꞌatagu iara na. Eghuteuna mare ginauna koꞌu salauꞌi ghilei fameomekro. Eghuteuna mare ginauna na thuru iho na theome tangomana te kegra haghe na!” Igne chekegna king, nangha gna na Lord, mae ihei te au nolaghi fateote'o.

Profet Jeremaea 51:39

Eghuteuna kate magnahaghei fara te ghamu nei koꞌu teu mare na, iara ginauna eni kaisei gaghamu biꞌo maladi mare. Iara ginauna na faꞌimadi nei fakoꞌudi eghu mare ka diꞌatagu iara te biꞌo fara na ghilei thaviru salaꞌui mare, eghuteuna mare ginauna thuru iho theome tangomana nate ke dofra haghe na.

Profet Isaia 21:4

Phaꞌugu na thono thabliu fara, eghuteuna thinigu na ngegra, naugna iara ne thofno mhaghu nogu fara. Leuleghu fata na, iara magnahaghei te ghosei bongi, nu kate plulu naprai na, iara mhaghu nogu salaꞌui.

Ululahu Kings 20:16

King Ben-Hadad baludi tolufulu phei king igre, mare koꞌu waen neu ka nodi suga tapuale re. Farihotei aublatha, kate koꞌu te funu thaviru tafri teu mare na, King Ehab baludi hatimare mae soldia te mei balugna mana igre, mare tei ne magra ka nogna armi King Ben-Hadad.

Fapea Samuel 13:28

Mae Absalom ne cheke eghu ka nogna mae glokure, “Kate ghamu teu tahati na, ghotilo filo fakelini mae Amnon. Kate filoni ghotilo te koꞌu te salaꞌui mana na, iara na eni kaisei fagaglana ka ghotilo. Eghuteuna ghotilo tei mala faleheni mana. Ghotilo thosei nanga nomi. Naugna iara te cheke ghami ghotilo te mala faleheni mana na. Eghume ghotilo famamhaku nagnafami re mala thosei mhaghu!”

Ululahu Samuel 30:16

Aonu mana athani mae Devet ne tei ka vido aheva te au teu mare na. Ka narane igne, maedi Amalek igre au tafri neu ka vido te snagla na, ima ghedi nei koꞌu ghedi eghu neu jare. Mare ne eꞌei gaghamu biꞌo, naugna mare ne atha kmana glepo funu Filistia nei ka nohi Juda.

Ululahu Samuel 25:36

Ka teke pulo Abigel ka mae Nabal na, mana au neu ka suga na ei gaghamu neu. Gaghamu te eni mana igne jateula kaisei nogna gaghamu mae king eghu. Mae Nabal koꞌu ne salaꞌui fara ne theome laseni kaisei glepo, aonu ka bongi igne, Abigel ne theome chekeni kaisei glepo ka mana.

Profet Nahum 1:10

Mae te eni puhi te diꞌa ranghini Lord gne, jateula mae te koꞌu te salaꞌui te theome tangomana te kegra haghe ra eghu, ba jateula mae te khale ka gnarho te fachuchuru ra eghu. Lord ginauna goigonini mae igne, jateula namhata te nhako ka khaꞌaghira eghu.

Eklesiasti 2:1

Iara cheke eghu ka nagnafagu thegu na, “Iara ginauna fariu riudi gobigna lepo te keli igre mala laseni unha nate glealeꞌani iara na.” Nu puhi igne jaola theo nafugna kolho.

Eklesiasti 7:3

Jame te diꞌanagnafa tahati ka kaisei glepo na, thofno keli fara salaꞌuni te maꞌe fabrahu tahati na. Naugna thofno keli fara te haimini tahati te diꞌanagnafa ke lamna nagnafada na, naugna tangomana nate tusu ranghi ghita gaoghatho te keli.

Eklesiasti 7:5

Jame te fanomho iagho ka nogna farirhiu mae te autagna gaoghatho te keli te magnahaghei fadogli nigho iagho na, puhi igne keli fara salaꞌuni te fanomho iagho ka nogna khoje kilo fnakno mae te fameomekro na.